رقم خدمة عملاء we للانترنت وطريقة التواصل مع we على الخط الارضي والموبايل والشات اون لاين

رقم خدمة عملاء we

رقم خدمة عملاء we للانترنت، تعد شركة we المعروفه أيضا باسم (تى اى داتا) سابقا والتابعة للمصرية للاتصالات الشركة رقم 1 في مصر الخاصة بتقديم خدمات الإنترنت dsl على الخط الارضي، لذلك يهتم الكثير من العملاء في البحث عن طرق التواصل مع الدعم الفني الخاص بشركة وي سواء كان لحل مشكلة لديه او للاستفسار عن العروض الجديدة الخاصة بالشركة، وتسهيلا من موقع اسعار اليوم تم تجميع جميع طرق التواصل مع الشركة سواء كان من خلال هاتفك المحمول أو من الخط الارضي او من خلال الموقع الرسمي للشركة، وهي كتالي.

طرق التواصل مع الدعم الفنى وي


  • الطريقة الاولى وهي عن طريق الاتصال بأي رقم من الارقام التالية من خلال اي خط ارضي او هاتف محمول (111 - 19777 - 01555000111).
  • الطريقة الثانية وهي التواصل مع شركة we من خلال الايميل الرسمي للشركة (Customer.care@te.eg)، ويتم الرد علي رسالتك خلال مدة 24 ساعة من التواصل.
  • الطريقة الثالثة وهي الأكثر استخداما من بين الطرق الثلاثة وهي التواصل عن طريق شات وي اون لاين، وعن كيفية التواصل علي الشات.
  • الرقم الموحد الذي يمكنك من خلاله الاتصال بخدمة عملاء وي من اي رقم وي او فودافون او اتصالات او اورنج او من اي خط ارضي هو رقم (19777).

شرح خدمة عملاء we شات


اولا بعد الدخول الي الموقع (te.eg) ستجد في الاسفل على اليمين ايقونة مكتوب عليه كلمة (Live Chat)، وبعد الضغط عليه سوف يظهر لك مربع بها اربع مربعات عليك بكتابة البيانات الخاصة بك بداخلهم، والمربع الاول يكتب بها اسمك والمربع الثاني رقم الخط الارضي والثالث يكتب بها رقم الهاتف المحمول والمربع الأخير بتختار نوع الاستفسار هل بخصوص الانترنت الارضي او الخط الارضي او بخصوص الموبايل، وبعد اختيار نوع الاستفسار يتم الضغط علي كلمة START CHAT، وتنتظر حتى يتم التحدث معكم من قبل خدمة العملاء، وهذا شرح موضوح بالصور أيضا لطريقة التواصل مع خدمة عملاء TE Data Chat.

قد يهمك أيضا: باقات we للانترنت المنزلي 2020

خدمة عملاء وي شات
خدمة عملاء te data chat

واخيرا سؤال يهم الكثير من المشتركين في شركة تي دتا وهو كيفية معرفة المتبقى من باقة تى اى داتا، يمكنك بكل سهولة معرفة المتبقي من باقاتك عن طريق الاشتراك في الخدمة المقدمة من الشركة والمطلق عليه اسم (ماى تى داتا) ويمكنك الاشتراك من خلال الرابط التالي (mytedata.net)، ونستعرض اليكم بالصور طريقة التسجيل في الموقع في الاسفل.

طريقة انشاء حساب ماي تي داتا بالصور


المربع الاول تختار كود المحافظة، والمربع الثاني بتكتب فيه رقم الخط الارضي، والمربع الثالث بتكتب فيها رقم الموبايل الي انت مسجل بيها الخدمة، اخر حاجه حتضغط علي المربع الي مكتوب فيه () وبعد ماتظهر ليك علامة صح حتضغط علي كلمة Next.


الصورة الثانية فيه مربع واحد وده حتكتب فيه الكود المرسل علي موبايلك والكود مكون من 5 ارقام وبعد ماتكتب الكود اضغط علي كلمة Next.


الصورة الثالثة دي اول 3 مربعات هما بيكون مكتوب فيهم اسم صاحب الخط ورقم الموبايل ورقم الاخط الارضي دول متعملش فيهم حاجه.


وتحت موجود 5 مربعات دول الى حنكتب فيهم باقي البيانات، المربع الاول حنكتب فيه الايميل الي حنسكل فيه ويفضل انو يكون ايميل Gmail، وفي المربع الثاني حنكرر نفس الايميل مره تاني

والمربع الثالث والرابع دول حنكتب فيهم الباسورد الخاص بينا، والمربع الاخير ده حنختار منو اللغة ودي زي مانت عايز تختار سواء عربي او انجليزي

وبعد كده حنضغط علي المربع الي الصغير الي تحت الي فيه كلمة accept وحتظهر علامة صح، وبعد كده نضغط علي كلمة complete my registration.


وبكده نكون سجلنا حسابنا في mytedata والخطوة الاخيرة انك تروح علي الايميل وتضغط علي الرابط المرسل لك لتفعيل الحساب، وبعدها تسجل دخولك للحساب بدون اي مشاكل.

شارك المقال لتنفع به غيرك

قد تُعجبك هذه المشاركات

إرسال تعليق

122 تعليقات

  1. كيفية عمل باقة اضافية في تي دي داتا

    ردحذف
    الردود
    1. حضرتك بتشحن الباقة الإضافية عن طريق فوري او السنترال وفي 3 باقات الأولى 20 جيجا والثانية 50 جيجا والثالثة 100 جيجا

      حذف
  2. انا الخط بتاعي من الصبح مش شغال ومش عارف اعمل ايه

    ردحذف
    الردود
    1. هل الخط بتاع حضرتك الحرارة الي مش شغالة ولا هو مش شغال خدمة adsl

      حذف
  3. هوانا مجليش ليه رساله بالتعويض الي نزلتوه لعملاء ٠١٥ ولاهوللي معهمش رصيدبس

    ردحذف
    الردود
    1. ممكن حضرتك تجرب اي كود من الكودين دول *414# او الكود الثاني *882# ولو مجاتش لحضرتك رسالة ممكن تتواصل مع خدمة العملاء، ملحوظة الدقائق والميجا بايتس صالحة للاستهلاك خلال ثلاثة أيام من تلقيه للرسالة.

      حذف
  4. حضرتك عايزة اقدم شحن الباقه

    ردحذف
    الردود
    1. هل حضرتك تقصدي تقديم موعد تجديد الباقة الانترنت للخط الارضي، لو ده قصد حضرتك مينفعش يتقدم يا فندم الا في حالة واحدة انتهاء السعة المحددة لحضرتك

      حذف
  5. الانترنت الارضي مش شغال من الجمعة الصبح اعمل اية

    ردحذف
    الردود
    1. كلم خدمة العملاء علي رقم 19777 لمعرفة المشكلة الي بسببها فاصل الانترنت

      حذف
  6. خدمة العملاء نايمه جدا
    بقالي ساعتين مابيردوش

    ردحذف
    الردود
    1. في حالة لو قعدت في الانتظار كتير الافضل انك تفصل وتتصل تاني وحيكون التواصل اسرع عن تجربة

      حذف
    2. النت فاصل عندى من اسبوعين ومحدش عارف بحالة المشكله

      حذف
    3. حضرتك بلغت عن المشكلة في السنترال الي مشترك معاه ولا كلمت خدمة العملاء علي رقم 19777

      حذف
  7. يعني اشحن وتاني يوم تجيلي رساله بأستهالك 70٪ من الباقه

    ردحذف
    الردود
    1. لو الباقة بتخلص اغلبه معاك تاني يوم الشحن يبقي في مشكلة عندك اكيد، بس حضرتك اتاكد انك قافل الواي فاي عندك في الراوتر لاني في الحالة دي ممكن في ناس بتدخل عندك وانت متعرفش ولو حضرتك عامل الخطوة دي، يبقي تواصل مع خدمة العملاء علي رقم 19777 عشان تعرف الباقة اتسحبت في ايه بالظبط

      حذف
  8. الردود
    1. وعليكم السلام ورحمة الله وبركاته، ممكن حضرتك توضحلي استفسارك عشان اساعد حضرتك لو عندي معلومة اوضحها لك

      حذف
  9. النت لدي ضعيف جدا لو سمحتم ساعدوني في الحل

    ردحذف
    الردود
    1. ممكن حضرتك تكون السعة الشهرية لخطك المحددة لك خلصت، ولو في حالة انه مخلصتش وفي جيجات متبقية لديك ممكن حضرتك تتواصل مع خدمة العملاء علي رقم 19777 لحل مشكلة بطيْ السرعة

      حذف
  10. السلام عليكم
    انا معايا خط كنت ركنته فترة ومحتاج افعله هو عاطينى علامة اكس بس قارى كلمة وى ايه العمل وهل هو كدا متسحبش منى أرجوا الإفادة

    ردحذف
    الردود
    1. وعليكم السلام، لو الخط ليه اكثر من 3 شهور مستخدموهش في الحالة دي بيكون الخط اتوقف ورجع للشركة تاني

      حذف
  11. انا عوز استفسر عن الواي فاي الهواء ي الجديد

    ردحذف
    الردود
    1. بالنسبة للنت الهوائي من WE، حضرتك بتقدم عليها في اقرب سنترال تابع للمصرية للآتصالات وبتدفع ثمن الراوتر 999 جنيه والسعر شامل الضريبة، وبتختار من اربع باقات بتوفرها الشركة، وهي التالية، الباقة الاولي 40 جيجا بسعر 150 جنيه والباقة الثانية 90 جيجا بسعر 250 جنيه والباقة الثالثة 150 جيجا بسعر 400 جنيه والباقة الرابعة 250 جيجا بسعر 650 جنيه، والباقات صالحة لمدة 30 يوم، ملحوظة اسعار الباقات غير شاملة الضريبة

      حذف
  12. طيب لو سمحت ممكن التواصل معايا لاني محتاجه روتر أرضى

    ردحذف
    الردود
    1. بخصوص الراوتر حضرتك بتطلبو من السنترال الي حضرتك قدمت عليها الخدمة

      حذف
  13. فيه مشكلة في الراوتر اللمبات بتحمل وتفصل كلهاpower DSL internet wlan

    ردحذف
    الردود
    1. هل تقصد حضرتك اول ما بتشغل الراوتر بتفضل اللمبات تنور كلهم وار بعض بسرعة وبعد كده يفصل الراوتر عالطول، لو هو ده الي بيحصل معاك يبقي كده في مشكلة في سوفت الراوتر

      حذف
  14. اروتر من الصبح مش شغاله الشركه فصله النت ممكن الحل

    ردحذف
    الردود
    1. للآسف مفيش حل غير انى حضرتك تتواصل مع خدمة العملاء علي رقم 19777

      حذف
  15. شحنت والباقه متجددش والنت ضعيف ممكن اعرف السبب

    ردحذف
    الردود
    1. هل الباقة خلصت مع حضرتك وانت دفعت فلوس تجديده قبل موعد التجديد ولا شحنتها في موعد التجديد الشهري

      حذف
  16. انا لو سمحت كنت عايزة اعمل الواي فاي عندى مخفى

    ردحذف
    الردود
    1. طريقة اخفاء شبكة الواي فاي من علي راوتر WE VDSL الجديد، في البداية بعد فتح 192.168.1.1 وكتابة اليوزر والباسورد، اضغط في القائمة الجانبية علي Home network ثم اضغط علي WLAN setting ثم اضغط علي WLAN Encryption ثم ضع علامة صح أمام علي مربع Hide Broadcast بعد ذلك قم بالضغط على حفظ التغيرات SAVE

      حذف
  17. لوسمحت انا النهارده شحنت النت لحد دلوقتي النت مش شغال اتضح ان النت وصل لحد تاني ممكن تحل المشكله دي

    ردحذف
    الردود
    1. هو مش حضرتك جددت الباقة برقمك الارضي الخاص بك المفروض انى خطك هو الي يشتغل، اما بخصوص نقطة انى النت وصل لخط تاني غير خطك، تقدر تتواصل مع خدمة we علي رقم 19777 لتوضيح المشكلة لهم

      حذف
  18. حضرتك انا بقالي اسبوع بقدم شكوي بخصوص الخط الارضي أنه لا يعمل وليمة ال dsl لا تعمل ولكن المشكلة لم تحل حتي الان

    ردحذف
    الردود
    1. حل مشكلتك انك تروح السنترال الي انت مقدم عليها الخدمة متعتمدش علي الشكوة الي قدمته من خلال الاتصال بخدمة العملاء

      حذف
  19. حضرتك انا تقريبا كل يومين لازم اعمل شكوى والنت بيقطع كل يوم بهذا الاسلوب للاسف اليوم وامس نفس الموضوع ومش عارف ايه السبب الفاتورة مدفوعة و التليفون الارضى شغال ولكن النت بيقطع كل يوم ومش عارف افهم ايه الموضوع وكل ما اتصل بالشركة الأرقام لا ترد وأرسلت ٣ ايميل ومنتظر رد على الشكوى

    ردحذف
    الردود
    1. نصيحتى ليك الافضل انك تروح السنترال الي في منطقتك وتبلغ عن مشكلتك بنفسك ويجي فني من السنترال يشوف المشكلة

      حذف
  20. اذا سمحت انا دفعت الفاتورة فوري لسه نت مش وصل لي مع اني مش علي حاجه دفعها فاتورة التليفون موجود في الرواتر انوار منوره

    ردحذف
    الردود
    1. حضرتك دفعت الفاتورة امته علي فوري، لآني في بعض الاوقات بتقعد الفاتورة 24 ساعة علي ما تسدد من فوري وتشتغل الخدمة

      حذف
  21. حضرتك انا شاحنه النت من 3ايام والنت بطئ جدااا وشاحناه فى ميعاد التجديد والنت بطئ وانا عندي امتحانات وكل انا اكلم 19777الاتصال مش بيحصل ومش عارفة اعمل ايه

    ردحذف
    الردود
    1. لم حضرتك بتكلمي خدمة العملاء بيكون ردهم ايه

      حذف
  22. لو سمحت ان دافع الفاتورة من يوم الاحد ولم تصل الخدمة

    ردحذف
    الردود
    1. حضرتك كلم خدمة العملاء علي رقم 19777 طالما عديت 24 ساعة علي دفع الفاتورة ومشتغلتش الخدمة

      حذف
  23. السلام عليكم ورحمة الله وبركاته ممكن أعرف تكلفة التقديم علي خط تليفون ارضي بالاضافة الي النت كام

    ردحذف
    الردود
    1. وعليكم السلام ورحمة الله وبركاته، بالنسبة الي تكلفة التقديم علي خط ارضي هي 150 جنيه بالاضافة الي الدمغات وبعتذر لحضرتك معرفش تكلفته كم، اما بخصوص اشتراك في الانترنت حتدفع حضرتك اشتراك شهر مقدم ولو حتشترك في باقة 140 جيجا بسرعة 30 ميجا حتدفع 137 جنيه بالاضافة الي 6 جنيه قيمة تأجير الرواتر شهريا تضاف فيما بعد الي قيمة اشتراك النت الشهري

      حذف
  24. برن عليكم من رقم 19777 بيدايني مشغوال ع طوال ايه الحل

    ردحذف
    الردود
    1. في رقمين تانين الرقم الاول 111 من اي رقم ارضي والرقم الثانى من اي موبايل 01555000111

      حذف
  25. عاوزه اشترك ف رواتر من غير خط ارضي اقدم فين وبكام محافظه اسكندريه

    ردحذف
    الردود
    1. حضرتك بتقدمي في خدمة النت الهوائي ودي بتشتغل من غير خط ارضي والخدمة بتشتغل من خلال خط داتا موبايل وراوتر 4G، وسعر الراوتر 999 جنيه بالاضافة الي قيمة اشتراك شهر مقدمة ويختلف السعر علي حسب الباقة الى حتشتركي فيها، واقل باقة هي باقة 40 جيجا تشحن برصيد 150 جنيه، وبالنسبة للتقديم في الخدمة من خلال اي سنترال تابع للمصرية للآتصالات

      حذف
  26. الراوتر تاخر جداااااااااا

    ردحذف
    الردود
    1. انصحك تروح السنترال متعتمدش علي الاتصال بخدمة العملاء فقط

      حذف
  27. النت ضعيف جدااا ومش عارف اعمل اي

    ردحذف
    الردود
    1. لو حضرتك كلمت خدمة العملاء والمشكلة متحلتش ادخل اعمل سبيد تيست من اي موقع اختبار لسرعة الانترنت وشوف السرعة الي وصلة عندك كم وروح قدم شكوي في السنترال عشان يجي فني يشوف المشكلة عندك فين بالظبط

      حذف
  28. حضرتك دلوقتي انا اشتركت ف باقه اضافيه ومعاد تجديد الباقه الاساسيه جه والنت فصل رغم ان لسا ف جيجات ف الباقه الاضافيه ولسا معاد انتهاءها مجاش ورغم كدا النت مش شغال

    ردحذف
    الردود
    1. طالما جه وقت التجديد لازم تجدد الباقة حتى لو متبقي عندك جيجابايت من باقتك الاساسية او حتى الاضافية

      حذف
  29. عايز افعل الخط وكل ماجي اكمل البنات اتعمل من قبل كده لي

    ردحذف
    الردود
    1. ممكن تفعل الخط من خلال الاتصال برقم 111

      حذف
  30. عايزه اعرف موعد تجديد النت الارضى

    ردحذف
    الردود
    1. تقدري تعرفي موعد التجديد من خلال التسجيل في الموقع التالي my.te.eg، وكمان حتقدري تعرفي المستهلك من الباقة

      حذف
  31. شحنت يوم 9/5/2021 ويوم 12/5/2021 جات رساله انى استخدمت 50% من الباقه ويوم 14/5 جات رساله 75% ويوم 15/5 رساله 100% ازاى ونفس الاستخدام كل شهر ليه الشهر دا ياعنى الغى الاشتراك افيدونى

    ردحذف
    الردود
    1. حضرتك تواصل مع خدمة العملاء علي رقم 19777 واطلب منهم انك عايز تعرف الباقة خلصت في ايه بالظبط

      حذف
  32. السلام عليكم عايز اعرف ف فترة مسائيه بالسنترال

    ردحذف
    الردود
    1. وعليكم السلام ورحمة الله وبركاته، مش كل السنترالات شغالة فترة مسائيه، ممكن توضحلي المدينة الي حضرتك فيها عشان اوضحلك ان كان يعمل فترة مسائية ام لا، وممكن تتواصل مع خدمة العملاء علي رقم 111 للآستفسار

      حذف
  33. حضرتك انا شحنت الخط الارضي من 4 ايام والنت ضعيف جدا وظهرلي 148 جنيه تاني وانا لسه دفعها هل ده المقدم ولا ايه النظام

    ردحذف
    الردود
    1. لو حضرتك كان موعد شحن باقتك من اربع ايام وشحنت الباقة وظاهر لك انى الفاتورة متدفعتش، يبقي تواصل مع خدمة العملاء علي رقم 19777، ولو دفعت الفاتورة من خلال فوري او امان اهم حاجة يكون معاك ايصال الدفع عشان يكون اثبات لخدمة العملاء

      حذف
  34. كنت عايزه أقدم علي واي فاي We بس لو ينفع اقدم من غير ما اروح الفرع نفسه ياريت تعرفوني الطريقه ازاي

    ردحذف
    الردود
    1. تقدري تقدمي علي الخدمة من خلال التواصل مع خدمة العملاء علي رقم 111 او من خلال الشات اونلاين الخاص بالشركة من خلال موقع te.eg، ملحوظة حضرتك حتى لو قدمتى لازم حتروحي الفرع بردو عشان تستلمي الراوتر وخط الداتا مودبايل الي بيركب في الراوتر

      حذف
  35. حضرتك انا دافع فاتورة الخط الأرضي من امبارح ولسة الفاتورة موجودة والفلوس تم خصمها ممكن اعرف السبب

    ردحذف
    الردود
    1. لو حضرتك دفعت الفاتورة من خلال خدمة فوري او امان وعدي 24 ساعة علي دفع الفاتورة ولسه ظاهرة لحضرتك يبقي حتروح السنترال ومعاك ايصال الدفع وتشوف في السنترال هناك الفاتورة ظاهرة عندهم مدفوعة ولا لا، لآني ساعات مبتظهرش وبتاخد وقت

      حذف
  36. لو سمحت عايزة اعرف ازاى اغير كلمه سر واى فاى من الموبايل واعرف استهلاك الباقه

    ردحذف
    الردود
    1. بالنسبة لمعرفة تغير كلمة سر الواي فاي ممكن حضرتك توضحيلي موديل الراوتر الي عندك عشان اوضحلك طريقة تغير كلمة السر، اما بالنسبة الي طريقة معرفة استهلاك الباقة ومعرفة المتبقي يمكنك معرفته من خلال التسجيل في موقع شركة وي من خلال الرابط التالي my.te.eg/#/home/registration

      حذف
  37. حضرتك انا مقدم علي شبكة واي فاي من تسع شهور وبرن علي خدمه العملاء مش بيردو عليا رحت الفرع وعملت شكوة وبردو كأن شيئا لم يكن

    ردحذف
    الردود
    1. النت الهوائي المفروض بتروح الفرع بتاخد الجهاز وخط الداتا في نفس الوقت مش بتستني المدة دي كله، طيب حضرتك جربت تروح لفرع تانى تابع لشركة we، وبالنسبة للآرقام خدمة العملاء دي شغالة 24 ساعة بس هي بتطول في الرد

      حذف
  38. لوسمحت انا بقالي اسيوع مقدمه علي خط الارض ولحد دلوقتي مجتليش رساله

    ردحذف
    الردود
    1. ممكن تتواصلي مع خدمة العملاء علي رقم 111 وتعرفي موعد تركيب الخط الارضي امته

      حذف
  39. لية عند الاتصال ب١١١مفيش اتصال

    ردحذف
    الردود
    1. الرقم شغال يا فندم علي جميع شبكات الموبايل والخط الارضي، ولا فيه مشكلة معاك في الاتصال علي رقم 111 ممكن تكلم الشركة علي رقم 19777

      حذف
  40. السلام عليكم هل هذا الرقم مازال يعمل في الخدمة ام تم إيقافه واذا تم إيقافه اريد تفعيله علما بأني مقيم حاليا في سلطنة عمان

    ردحذف
    الردود
    1. وعليكم السلام ورحمة الله وبركاته، لو خطك الارضي اتوقف لسبب انك مدفعتش الفاتورة لكذا شهر وفي الحالة دي الخط بيتوقف ومينفعش يرجع غير من خلال السنترال فقط، وللتأكد ان الخط اتوقف ولا شغال ادخل علي موقع المصرية للآتصالات واستعلم عن الفواتير

      حذف
  41. عايزه اعرف اي رقم المحافظه لما بتصل يقولي رقم المحافظه وبعدين الخط الارضي

    ردحذف
    الردود
    1. ده بيكون رقم مخصص من المصرية للآتصالات لكل محافظة، كمثال محافظة القاهرة الرقم الخاص به هو 02 ثم يكتب رقم الخط الارضي، وممكن حضرتك توضحي انتي من محافظة ايه عشان اوضحلك الرقم الخاص بمحافظتك

      حذف
  42. التواصل مع خدمه الانترنت الارضي

    ردحذف
    الردود
    1. يمكنك التواصل مع خدمة العملاء علي رقم 19777

      حذف
  43. اشتريت خط زي ركبته علي جهاز ماي فاي هواوي ليه مش شغال واي فاي

    ردحذف
    الردود
    1. حضرتك تقصد انك بتتصل بالواي فاي والجهاز مش ظاهر لك، ولا بيتصل واي فاي ومش بيفتح انترنت، في انتظار ردك لمساعدتك

      حذف
  44. لو سمحت ي فندم انا عايزه اغير الباسورد نهائي..القديم والجديد
    وغيرتو بردو وبيفتح بالقديم انا عايزه اغيرو خالص لو سمحتي..ممكن..لو سمحت الوايفاي مكملش اربع ايام وخلص..انا عايزه اعرف ازاي..تبعوني لو سمحت..بليييز

    ردحذف
    الردود
    1. ممكن يا فندم توضحي نوع الرواتر الي عندك عشان اوضحلك طريقة تغير الباسورد

      حذف
  45. السلام عليكم ورحمة الله وبركاته كيف حالك يا فندم.نامقدم.علي.خط.ارضي.من.سنه.ومنزلين.البوكس.اعطال.ومحدش.نزل.صلحو.وعملت.شكاوى.وامبارح.رن.علي.الرقم.الخاص.قلي.روح.السنترال.والسنتراها.قلي.البوكس.لسه.عطلان.ومش.عارف.اعملي.ايه

    ردحذف
    الردود
    1. وعليكم السلام ورحمة الله وبركاته، طيب لم حضرتك روحت السنترال قالك المشكلة ايه في البوكس بالظبط وايه سبب تأخير تصليح العطل الفترة دي كلها

      حذف
  46. بيقولي.مستنين.كبينه.فيبر..ومفكرين.الكبلات.كلها.جديده.مش.عارف.مش.عوزين.يصلحو.البوكس.ليه

    ردحذف
    الردود
    1. مفيش حل للآسف غير الانتظار، بس انت ممكن تروح كل كم يوم وتسئل وتشوف كم واحد من جيرانك مشتركين معاك علي نفس البوكس يروحو السنترال عشان يهتمو بالمشكلة وتخلص في وقت اقل ان شاء الله

      حذف
  47. انا عايز اعمل اخفاء لشبكه الواى فاى منعا من الاختراق

    ردحذف
    الردود
    1. ممكن توضحلي اسم الرواتر الي عند حضرتك عشان اشرحلك الطريقة

      حذف
  48. وي ..نسيت الرقم السري للراوتر وكل الخطوات اعمل اي ضروري

    ردحذف
    الردود
    1. لو حضرتك غيرت الباسورد ونسيته في الحالة دي حتعمل ريست للراوتر وحتدخل باليوزر والباسورد المكتوبين من تحت علي الراوتر

      حذف

  49. انا لسه شاحنه نت الواي فاي بس النت ضعيف اوي ومش بيشتغل يتيوب ولاة اي حاجه، اعمل ايه؟

    ردحذف
    الردود
    1. حضرتك متأكده انى الباقة اتجددت عندك ولو حضرتك متأكدة انى الباقة اتجددت، ممكن تتأكدي من السرعة عندك وتشوفيه كم ميجا من خلال الدخول علي موقع speed test للآختبار سرعة الانترنت

      حذف
  50. عايز ازود سرعه النت

    ردحذف
    الردود
    1. بالنسبة لتغير السرعة يمكنك التواصل مع خدمة العملاء علي رقم 19777 او من خلال اي فرع من فروع المصرية للآتصالات

      حذف
  51. لو سمحت انا دفعت اشتراك النت قبل معادوا ونا استهلكت 100 في الميه تمام وبحاول اكلم حد من شركة العملاء مفيش حد بيرد وعايز افعل النت لوسمحت

    ردحذف
    الردود
    1. لو الباقة خلصت عندك وعايز تجدد قبل موعد التجديد انصحك انك تجدد من خلال تطبيق ماي وي، وبعد ما تحمل التطبيق علي موبايلك وتسجل دخول عليه، اضغط علي كلمة ادارة نظامك وحتلاقي كلمة تجديد اضغط عليه وبعد كده اضغط علي كلمة موافق وبكده الباقة حتجدد عندك بدون مشاكل ومش حتحتاج تكلم خدمة العملاء

      حذف
  52. سلام عليكم حضرتك انا عندي مشكله في الراوتر بتاعي عايز اغير الرقم السري للواي فاي وبعد ما ادخل علي 192.168.1.1وبعد ما اضع الباسوورد واليوزر نيم من علي دهر الراوتر بيديني رساله ان كلمة السر خطأ مع العلم استخدمت كل الحروف كابتل وسمول ايه الحل ارجو الرد

    ردحذف
    الردود
    1. وعليكم السلام ورحمة الله وبركاته، الحل انك تعمل ريست للراوتر لآنى ممكن يكون غيرت الباسورد او حد دخل غيرو وبعد ما تعمل ريست، تكتب اليوزر والباسورد الي مكتوبين تحت علي الراوتر، بس اهم حاجة يكون معاك اليوزر والباسورد بتوع الخط الارضي قبل ما تعمل ريست للراوتر، ولو مش موجودين معاك ممكن تكلم خدمة العملاء علي رقم 19777 وهما حيبعتو اليوزر والباسورد في رسالة علي موبايلك

      حذف
  53. السلام عليكم انا عندي راوتر بس في مشكله ما فيش بوكس قريب مني

    ردحذف
    الردود
    1. وعليكم السلام ورحمة الله وبركاته، بالنسبة لبوكس قريب او بعيد السنترال الوحيد الي يحدد لحضرتك ينفع يركب عندك خط ارضي ولا لا

      حذف
  54. الواي فاي عندي واقف اعمل اي

    ردحذف
    الردود
    1. ممكن يكون الراوتر اتعمله ريست او حد دخل علي اعدادت الراوتر وعمل ايقاف او اخفاء لشبكة الواي فاي

      حذف
  55. انا عيزه اقدم علي خط ارضي

    ردحذف
    الردود
    1. التقديم علي الخط الارضي من خلال السنترال والاوراق المطلوبة عقد ايجار او عقد ملكية للمنزل بالاضافة الي ايصال كهرباء وبطاقة الرقم القومي، وتكلفة التركيب 150 جنيه بالاضافة الي الدمغات والاستمارة والتكلفة لا تشمل قيمة الضريبة

      حذف
  56. مفيش ولا رقم من خدمه العملاء عارف اوصل ليه ايه العمل لو سمحت

    ردحذف
    الردود
    1. في يا فندم رقم لخدمة العملاء تقدر تتواصل معهم من خلاله وهو 19777

      حذف
  57. السلام عليكم لو سمحت انا كنت مشتري خط 015 وحاليا جايب شبكه وكل حاجه بس لما باجي ارن من عليه علي اي رقم تاني بيقولي انهاء الاتصال ولما باجي ارن عليه من اي رقم بيديني هذا الرقم لا يمكنك الاتصال به حاليا عايز اعرف المشكله ايه

    ردحذف
    الردود
    1. وعليكم السلام ورحمة الله وبركاته، هل حضرتك بتستخدم الخط ولا مش بتستخدمو، لآني في حالة مره 3 شهور ولم يتم استخدام الخط في الحالة دي الخط هيرجع للشركة مره تانية، لكن لو بتستخدم الخط وحصلت المشكلة الي حضرتك وضحته في الحالة دي لازم تروح الفرع ويحل لك المشكله

      حذف
  58. لو سمحت .عاوز اغير كلمة مرور الواي فاي وكنت مستعجل فغيرت كلمة مرور النت الارضي فماذا اعمل . وللعلم انا مستاجر فهل يمكن ادخالها في الراوترفي فرع الشركة .

    ردحذف
    الردود
    1. بتقدر تعرف اسم المسخدم وكلمة المرور الخاصة بالخط الارضي من خلال الاتصال برقم 19777 واتبع التعليمات الصوتية وبعد كده هيطلب منك رقم الخط الارضي وبعد كده هتوصلك رسالة علي الموبايل الي سجلته عند تقديم الخدمة بالاسم والباسورد

      حذف
  59. الخط مكالمات طوارئ ومش عارف اكلم خدمة العملاء من خط تاني

    ردحذف
    الردود
    1. ممكن تكلم خدمة العملاء من اي خط غير خط we من علي رقم 19777

      حذف
  60. فاتوره الانترنت الارضى كده ادفعت مرتين لانى دفعتها و فى نفس الوقت صديقتى دفعتها مش المفروض يتم رفض الدفع لانها اتسددت و لما اتصلت مافيش حد بيرد استفسر منه كلها اختيارات و لما اخترت الرصيد لقيت بيقول رصيدك ١٢٥ مع ان المدفوع ١٤١ مش فاهمه ليه بيحصل ده

    ردحذف
    الردود
    1. بالنسبة للرصيد لو حضرتك شحنتي مرتين متقلقيش في الحالة دي الرصيد حيفضل موجود في حسابك، ولو مقدرتيش تتواصلي مع خدمة العملاء ممكن تروحي فرع السنترال الي في منطقتك وتستفسري

      حذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/