تكلفة تركيب تليفون أرضي ونت 2024 بالتفاصيل كاملة

اهلا بكم متابعي موقع اسعار اليوم الكرام اليوم نرصد لكم في مقال جديد تكلفة تركيب تليفون أرضي ونت 2024، ويشمل المقال التكلفة والاوراق المطلوبة للتقديم بالإضافة إلى مواعيد عمل الفروع وطرق الاتصال بخدمة العملاء بالاضافة الى اسعار باقات الانترنت وفي نهاية المقال نستعرض اليكم انواع اجهزة الراوتر المتاحة لدى المصرية للاتصالات واسعارها، فتابعونا.


تكلفة تركيب تليفون أرضي ونت 2024


تكلفة تركيب تليفون أرضي ونت 2024


في البداية ستقوم بطلب استمارة طلب التعاقد على تليفون أرضي وستدفع 20 جنيه قيمة الاستمارة، وعند الموافقة على امكانية تركيب الخط الارضي ستقوم بدفع تكلفة التقديم وهي بقيمة 167.5 جنيه غير شاملة قيمة الضريبة المضافة، الي جانب 8 ورقات دمغة قيمة كل واحدة منهم 2.90 جنيه، ويرجي العلم بأن المبلغ التقديم لا يشمل قيمة الاشتراك في الباقة الارضية. (ملحوظة الاسعار لا تشمل قيمة الاشتراك في باقات الانترنت والراوتر ويمكنك الاطلاع على أسعار الباقات في الاسفل)


بعد التقديم على الخط الأرضي يتم اشتراكك تلقائيا في باقة WE الربع سنوية، وتمنحك هذه الباقة 360 دقيقة مكالمات محلية ويبلغ قيمة الاشتراك في الباقة 3 شهور 60 جنيه وبعد اضافة مبلغ الضريبة المضافة سوف تدفع 68.40 جنيه.


مواعيد عمل فروع we المصرية للاتصالات


مواعيد العمل في الفترة الحالية من الساعة التاسعة صباحا وحتى الساعة، أما بالنسبة للأيام العمل فتعمل السنترالات طوال ايام الاسبوع ماعدا يوم الجمعة في أغلب الفروع اجازة في هذا اليوم ولكن يوجد بعض الفروع تعمل في يوم الجمعة ولمعرفة إن كان فرع السنترال يعمل لديك يمكنك التواصل مع خدمة العملاء علي رقم 19777 او 111 للاستفسار، أما بالنسبة للفترة التى سيتم بها تركيب التليفون أرضي والنت فهي من 48 ساعة وحتى 14 يوم.


باقات We Space للانترنت المنزلي 2024


  • باقة وي سبيس سوبر 30 ميجا تمنحك في الشهر 140 جيجابايت، بمقابل مادي 160 جنيه السعر بعد إضافة الضريبة 182.4 جنيه.
  • باقة وي سبيس سوبر 30 ميجا تمنحك في الشهر 250 جيجابايت، بمقابل مادي 280 جنيه السعر بعد إضافة الضريبة 319.2 جنيه.
  • باقة وي سبيس سوبر 30 ميجا تمنحك في الشهر 400 جيجابايت، بمقابل مادي 440 جنيه السعر بعد إضافة الضريبة 501.6 جنيه.
  • باقة وي سبيس سوبر 30 ميجا تمنحك في الشهر 600 جيجابايت، بمقابل مادي 650 جنيه السعر بعد إضافة الضريبة 741 جنيه.
  • باقة وي سبيس ميجا 70 ميجا تمنحك في الشهر 250 جيجابايت، بمقابل مادي 410 جنيه السعر بعد إضافة الضريبة 467.4 جنيه.
  • باقة وي سبيس ميجا 70 ميجا تمنحك في الشهر 600 جيجابايت، بمقابل مادي 800 جنيه السعر بعد إضافة الضريبة 912 جنيه.
  • باقة وي سبيس ميجا 70 ميجا تمنحك في الشهر 1000 جيجابايت، بمقابل مادي 1200 جنيه السعر بعد إضافة الضريبة 1368 جنيه.
  • باقة وي سبيس الترا 100 ميجا تمنحك في الشهر 250 جيجابايت، بمقابل مادي 540 جنيه السعر بعد إضافة الضريبة 615.6 جنيه.
  • باقة وي سبيس الترا 100 ميجا تمنحك في الشهر 600 جيجابايت، بمقابل مادي 950 جنيه السعر بعد اضافة الضريبة 1083 جنيه.
  • باقة وي سبيس ماكس 200 ميجا تمنحك في الشهر 1000 جيجابايت، بمقابل مادي 1350 جنيه السعر بعد إضافة الضريبة 1539 جنيه.


سعر راوتر WE الجديد 2024


  • تقدم شركة وي لعملائها الجدد والحاليين راوتر vdsl وهو راوتر PREMIUM والذي يبلغ سعره 1500 جنيه، بدون إضافة قيمة الضريبة المضافة 14%، والسعر شامل الضريبة 1710 جنيه، وتوفر الشركة خيارين لدفع قيمة الجهاز، دفع ثمن الراوتر كاش او تقسيط ثمن الراوتر على 6 أشهر أو 12 شهر وذلك من خلال بطاقة البنك الاهلي او بنك مصر والتقسيط بدون فوائد، كما يمكنك أيضا تقسيط الرواتر علي 36 شهر ويتم دفع 57 جنيه شهريا والسعر شامل قيمة الضريبة المضافة. (ملحوظة بخصوص ايجار الراوتر الشهري بقيمة 5 جنيهات في الشهر تم الغاؤها وغير متاح حاليا)


ما هي الأوراق المطلوبة للتقديم على تليفون أرضي


الاوراق المطلوبة للتقديم على خط ارضي جديد هي الأوراق التالية، صورة بطاقة شخصية غير منتهية بالإضافة إلى نسخة من عقد إيجار أو عقد ملكية للشقة التى سيتم تركيب الخط الأرضي بها أو وصل كهرباء او وصل غاز او وصل مياه، وفي حالة التقديم من شخص آخر غير صاحب الشقة يجب ان يكون لديك توكيل رسمي من صاحب الشقة للتقديم على الخط الأرضي.

شارك المقال لتنفع به غيرك

قد تُعجبك هذه المشاركات

إرسال تعليق

84 تعليقات

  1. امتا هستلم الراوتر من وقت ما ادفع الفلوس

    ردحذف
    الردود
    1. لو الراوتر متوفر في الفرع هتستلمو في نفس الوقت بعد ما تدفع الفلوس سواء هتدفع ثمن الراوتر كاش مره واحدة او ايجار شهري

      حذف
  2. انا عندى روتر باظ رحت الشركه اجيب غيره قالولى لازم اسدد باقى ثمنه اعمل ايه

    ردحذف
    الردود
    1. للآسف لازم تسدد ثمن الراوتر القديم، وكمان الراوتر الجديد مش هيتقسط وهتدفع سعره كاش

      حذف
  3. لو روحت السنترال والمسئول قال ان مفيش خطوط متوفرة في الشارع
    ايه الاجراءات اللي المفروض اعملها

    ردحذف
    الردود
    1. لو البوكس الي قريب منك مفيش مكان فيه، للآسف مفيش حل غير الانتظار، ولكن في حل التانى انك تشوف كم واحد عندك في الشارع يكونو عايزين يركبو خط ارضي وفي الحالة دي ممكن يركب عندك بوكس جديد

      حذف
  4. طيب لو مش عايز الروتر
    ؟

    ردحذف
    الردود
    1. عادي لو عندك راوتر مش شرط تستلم الراوتر الخاص بالشركة، بس اهم حاجة الراوتر الي معاك مش تابع لشركة تانية لآنى في الاغلب مش هيشتغل معاك

      حذف
  5. لو سمحت بالنسبه للعروض اللى بتنزل ع النت ان عليكو الارضى وكل شئ دى جد والاوهميه

    ردحذف
    الردود
    1. كلام غير صحيح يا فندم، حاليا مفيش عروض من المصرية للآتصالات بتركيب الخط الارضي مجانا

      حذف
  6. اذا تم التعاقد واخذ العميل خط we ومكتوب امام التليفون الارضي رقم weهل يكون هذا خط أرضي أم هوائى؟

    ردحذف
    الردود
    1. لو حضرتك اتعاقدت في السنترال علي خط ارضي ده ملهوش علاقة بالنت الهوائي وده لآني النت الهوائي بيشتغل من خلال شريحة موبايل بيتم تركيبه في الراوتر الهوائي، اما لو حضرتك تقصد حاجة تانية غير كده ممكن توضحلي أكثر في تعليق تاني

      حذف
  7. عاوز اركب خط ارضى نت فقط الإجراءات اية ولازم روتر ولا يشتغل من غير روتر عاوز افهم

    ردحذف
    الردود
    1. الاوراق المطلوبة للتقديم نسخة من عقد ايجار او عقد ملكية للشقة الي هيركب فيها الخط الارضي بالاضافة الي صورة بطاقة شحصية تكون سارية بالاضافة وصل كهرباء او مياه او غاز، ده بالنسبة للآوراق، اما التكلفة التقديم بيكلف 171 جنيه بالاضافة الي 20 جنيه قيمة استمارة التقديم، بالاضافة الي مصاريف الدمغات، اما بالنسبة للتقديم علي الانترنت بتدفع تكلفة شهر مقدم وده بيتحدد علي حسب الباقة الي هتشترك فيه، اما بالنسبة للراوتر لم تقدم ويتم تشغيل الخدمة عندك هتستلم راوتر وهتدفع 10 جنيه شهريا قيمة تقسيط الراوتر وهتضاف تلقائيا الي اشتراك النت الشهري

      حذف
  8. حضرتك لازم عقد ايجار أو وصل مرافق بيغني عن العقد مع البطاقه

    ردحذف
    الردود
    1. عادي ممكن تقدم بـ ايصال مرافق سواء كهرباء / مياه / غاز لكن لازم يكون الايصال باسم صاحب الخط

      حذف
  9. حضرتك الخط الارضي لسه شغال النهارده امتي هينزل عليه النت واقدر استلم الروتر؟

    ردحذف
    الردود
    1. بتتخلف المده مش ثابته لكن في الاغلب بتكون من يومين الي اسبوع غير شاملة ايام العطلة، ولم تشتغل الخدمة عندك هتوصل رسالة لحضرتك علي رقم الموبايل الي سجلته في السنترال عند التقديم، فيه اليوزر والباسورد الخاص بك وبعدها بتروح السنترال تستلم الراوتر

      حذف
  10. عايز اقدم على النت بس الأوراق اللي ممكنه حاليا هي البطاقه الشخصيه الخاصه بي ووصل كهربا باسم والدي المتوفي فقط ولم يوجد خط ارضى مع العلم نقدم في سنترال سمالوط و اريدالسرعه في التنفيذوجمله التكلفه بالتحديد وهل ممكن اقدم الأوراق هذه في سنترال المطريه بالقاهره للاشتراك على النت بمنطقه تابعه لسنترال سمالوط بمحافظه المنيا اسف على الاطاله وشكرالكم وكل عام وانتم بخير

    ردحذف
    الردود
    1. بعتذر لحضرتك لعدم المقدرة علي المساعدة لانى معنديش معلومة بخصوص طلبك، لكن ممكن حضرتك تتواصل مع خدمة العملاء من خلال الرابط التالي (socialmedia.te.eg) واكتب فيها بيانات حضرتك والتفاصيل وهيتم التواصل معاك من قبل خدمة العملاء خلال 48 ساعة وهيوضحه لحضرتك التفاصيل كاملة وايه الاوراق المطلوبة

      حذف
  11. هل من الممكن نقل النت من خط إلى خط آخر بمعنى أنه أنا هنقل من شقه لشقه ومحتاج أنقل الراوتر

    ردحذف
    الردود
    1. هو مش نقل النت نفسه، لكن حضرتك الي بيتم نقله هو الخط الارضي، ولو عايز تقدم طلب نقل بتروح السنترال وبتقدم طلب نقل الخط الارضي في المنطقة الي حضرتك ساكن فيه وبيتم نقل الخط خلال فترة من اسبوع الي اسبوعين، اما بالنسبة الي الرواتر القديم بيشتغل عندك بدون مشاكل لو هتقدم في نفس الشركة الي كنت معاه

      حذف
    2. حضرتك أنا قصدى أن الخط القديم مش ملكى النت والراوتر هما بس ملكى وهنقل من الشقة

      حذف
    3. لا كده هتقدم من جديد، لآنى النت بيكون علي رقم الخط الارضي ومينفعش يتنقل علي رقم تاني، لكن بالنسبة للرواتر القديم عادي تستخدمه، وزي ماوضحتلك بالنسبة للشقة الجديدة هتقدم فيها علي خط ارضي ونت جديد طالما مش هيتنقل الخط الارضي القديم

      حذف
  12. هل ممكن اشترك في شركه تانيه علي نفس الخط الارضي مع الاستمرار في الاشتراك في الشركه الاولي

    ردحذف
    الردود
    1. لو هتقدم في شركة تانية لازم تلغي الاشتراك من الشركة الاولي وبعد كده تقدم في الشركة الجديدة

      حذف
  13. يعني ايه ايجار راوتر

    ردحذف
    الردود
    1. بدل ما تدفع ثمن الراوتر كاش مرة وحدة 700 جنيه بتقدم وي خدمة ايجار الراوتر، وبتدفع قسط شهري بقيمة 10 جنيه والقيمة الشهرية تضاف الي قيمة الاشتراك الانترنت الشهري

      حذف
  14. انا جاءت لي رساله بتقول لي تم حجز خط الارضي بنجاح و رقم التسلسل..... الرجاء الذهاب الى فرع we لاستكمال الاجراءات انا كده المفروض اعمل ايه

    ردحذف
    الردود
    1. لو حضرتك كنت قدمت الطلب اونلاين، بتروح السنترال الي في منطقتك وبتكمل باقي اجرات التقديم

      حذف
  15. اى الاوراق المطلوبه بالنسبة للمستاجر

    ردحذف
    الردود
    1. الاوراق المطلوبة عقد ايجار للشقة الي هيتم تركيب الخط الارضي فيها او ايصال كهرباء او مياه او غاز باسم الي هيقدم علي الخط، وصورة من البطاقة الشخصية للشخص الي هيقدم علي الخط وتكون البطاقة سارية

      حذف
  16. ما هو عرض رمضان بالنسبة لتركيب خط ارضى ونت جديد

    ردحذف
    الردود
    1. العرض المتاح حاليا هو خصم 50% على مصاريف تركيب الخط الأرضي الجديد بالاضافة الي تخفيض قيمة اشتراك باقة وي الارضي 35 لمدة 3 شهور بقيمة 25 جنيه بدلا من 35 جنيه، اما بالنسبة للتقديم علي الانترنت مفيش عروض او خصومات خلال الفترة الحالية

      حذف
  17. المده ال هيستغرقو فيها تركيب الخط الجديد؟

    ردحذف
    الردود
    1. المدة مش ثابته وهي من مدة 48 ساعة الي اسبوعين غير شاملة ايام الاجازات

      حذف
  18. انا قدمت علي خط +نت ودفع رسوم 580 هل كده تمن الوتر وي شترك الخط

    ردحذف
    الردود
    1. لا كده الراوتر مش مدفوع كاش الي دفعته قيمة الخط الارضي بالاضافة الي قيمة اشتراك الانترنت شهر مقدم، والراوتر هتدفعله كل شهر 10 جنيه وهتضاف الي قيمة اشتراك باقة الانترنت، وبالنسبة الي سعر الراوتر لوحدها لو هتدفعه كاش في نوعين راوتر، الاول بقيمة 456 جنيه والثاني بقيمة 700 جنيه

      حذف
  19. الفرق بين الروتر واى وارنج نفس الخدمه فى النت ولا يوجد فرق

    ردحذف
    الردود
    1. بالنسبة للراوتر مفيش فرق بينهم غير في السوفت وير الخاص بكل راوتر اما من حيث السرعة الراوتر مش هيفرق معاك لآنى السرعة بتتوقف علي جودة الخط الارضي

      حذف
  20. انا كان عندي خط قديم ارضىىى بس
    انا سيبت المنطقه ورحت محافظ تانيه ممكن اقدم علي خط جديد ولا لازم ارجع الخط القديم واعرف المديونية كام علشان ده كان من فتره طويله

    ردحذف
    الردود
    1. لا عادي تقدر تقدم علي خط جديد مفيش مشكلة، لكن بالنسبة للنقطة الخاصة بالفواتير القديمة معنديش معلومات هل بتكون موجودة ولا لا

      حذف
  21. حضرتك الخط عندي قديم وغيرت نت من وي لشركه تانيه واشتغل عندي خمس شهور ورايح ادفع فاتوره الأرضي لقيتها ٤٥٠ ده غير اني هدفع فاتوره النت للشركه التانيه.
    ممكن اعرف ليه المبلغ ده مع اني شايل العده معنديش زيرو مكالمات

    ردحذف
    الردود
    1. كنت سئلت في الفرع التكلفة دي خاصة بأيه، هل خاصة بالفاتورة الارضي ام بالراوتر لآنى لو حضرتك مشتري الراوتر بالتقسيط ولغيت مع الشركة في الحالة دي لم بتلغي الاشتراك لازم بتدفع الباقي من قيمة الراوتر

      حذف
  22. إنا اشتركت في نظام انديجو ومشحنتش من فترة وعلي فاتورة 520جنيه رحت السنترال علي شان ادفع النص قالي ماينفعش هل ممكن اركب خط ارضي باسم ابني

    ردحذف
    الردود
    1. عادي ينفع تقدم علي خط جديد باسم ابنك، لكن لازم يكون في عقد ايجار او ايصال كهرباء او مياه او غاز باسمه

      حذف
  23. السلام عليكم ورحمه الله وبركاته

    انا معنديش بوكس ارضي ومحدش في الشارع عنده المنطقه اللي انا فيها مفيهاش بوكس خالص وعاوز اركب بوكس ايه الخطوات وشكرا

    ردحذف
    الردود
    1. وعليكم السلام ورحمة الله وبركاته، الي هيفيد حضرتك في استفسارك السنترال الي عندك لآنى هو الي عنده الرد بخصوص امكانية تركيب بوكس في منطقتك ام لا

      حذف
  24. بعد لما ركبت التليفون الارضي عشان يوصل النت لازم اعمل باقه

    ردحذف
    الردود
    1. بتروح السنترال الي في منطقتك وبتقدم علي الخدمة من خلاله وبتختار الباقة الشهرية المناسبة مع حضرتك واشتراك الباقات يبدأ من 137 جنيه باقة 140 جيجا بسرعة 30 ميجا والسعر المذكور شامل الضريبة

      حذف
  25. لو سمحت فى اى عروض دلوقتي على تركيب خط ارضى نت فقط

    ردحذف
    الردود
    1. خلال الفترة الحالية مفيش عروض علي تركيب الخطوط الارضي او الانترنت

      حذف
  26. لو سمحت انا عايز خط ارضي للانترنت فقط تمام بس المنطقه اللي انا موجود فيهاا مش موجود خط ارضي خالص. مكان منعزل كدا وسط زرع وكدا ومفيش خطوط ارضي خالص. .

    هل ينفع اروح سنترال اقدم علي خط ارضي هيوافقو علي التقديم ولا المكان اللي انا فيه مش مناسب للخطوط اللارضيه ??

    ردحذف
    الردود
    1. للأسف لو المنطقة مفهاش بوكس للسنترال مش هينفع يركب لحضرتك وفي الحالة دي الحل الوحيد انك تشترك في الانترنت الهوائي هو للأسف أغلى من حيث قيمة الاشتراك وسعة الباقة الشهرية اقل لكن مفيش حل تاني غيرها

      حذف
  27. لو انا كنت في شركة وي وحولت منها لفودافون واخدت الراوتر ايجار ودلوقتي دخل نت فايبر هل ارجع احول لوي علشان الرواتر الجديد والا شركة فودافون هتستبدل معايا رواتر برواتر جديد

    ردحذف
    الردود
    1. بالنسبة للرواتر يا فندم كل شركة له راوتر مخصص بها ومينفعش يشتغل مع شركة تانية، ولو حضرتك هتحولي لشركة تانية لازم تدفعي باقي فلوس الراوتر قبل الغاء الخدمة عشان تاخدي رقم كنسلة الخدمة الي هتقدمي بيها في الشركة الجديدة، وبالنسبة للشركة فودافون هتديلك راوتر جديد بنفس نظام شركة وي ايجار

      حذف
  28. من فضلك عايزه اقدم ع خط ارضى ونت فهل يشترط انى اجيب الروتر من السنترال ولا ممكن اشتريه من اى مكان من بره

    ردحذف
    الردود
    1. لا مش شرط يا فندم ممكن تشتري راوتر من بره عادي، لكن اهم حاجة ميكونش الراوتر تابع لشركة تانية لآني كل شركة من شركات النت الاربعة له راوتر خاص به وميشتغلش علي باقي الشركات

      حذف
  29. انا ف منطقه فيها ناس كتير مركبين نت ف انا المنطقة دي فيها بوكس وكده بس مفيش مكان للخط الارضي ومش عايز اركب هوائي هل ممكن اشتكي او عايز اي حل عشان اعرف اشترك و شكرا (أرجو الرد)

    ردحذف
    الردود
    1. لو مفيش مكان في البوكس الي في منطقتك، مفيش غير حل واحد انك تشوف كام واحد من جيرانك وتقدمو مع بعض وفي الحالة دي هيكون في اهتمام من السنترال ويركبو بوكس تاني جديد

      حذف
  30. عايز اركب الواي فاي اعمل ايه
    (ارجو الرد)

    ردحذف
    الردود
    1. بالنسبة للـ النت الهوائي من وي، يتم الاشتراك بها من خلال اي فرع من فروع شركة وي، والباقات المتاحة تبدأ من باقة 150 بقيمة اشتراك شهري 214 جنيه وتمنحك الباقة 40 جيجابايت، وبالنسبة الي الراوتر فيبلغ سعرها 749 جنيه وسعر الخط 81.23 جنيه، والاوارق المطلوبة للآشتراك هي البطاقة شخصية فقط

      حذف
  31. اقرب سنترال لمنطقة البيطاش للتقديم على خط ارضي ونت

    ردحذف
    الردود
    1. عنوان الفرع بشارع البيطاش بجوار البنك الاهلى، ومواعيد العمل من الساعة 9 صباحا

      حذف
  32. اي الاحسن الراوتر الهوائي ولا الرواتر الارضي

    ردحذف
    الردود
    1. الانترنت الارضي افضل من الهوائي من حيث تكلفة الاشتراك بالاضافة الي سعة الباقة الشهرية، في الانترنت الارضي اقل باقة تمنحك 140 جيجا في الشهر وبقيمة اشتراك شهري 137 جنيه، اما الانترنت الهوائي اقل باقة تمنحك 40 جيجا وبقيمة اشتراك شهري 214 جنيه

      حذف
  33. هل لزال اجر اللوتر مستمر الان

    ردحذف
  34. الردود
    1. البوكس يتم تجميع الخطوط الارضية في المنطقة به من الكابينة الرئيسية ويتم تركيبه في الشارع وبيكون معلق على البيت وبيخرج منه سلك حرارة الي بيوصل عندك في البيت

      حذف
  35. بخصوص الراوتر لو دفعت ايجار شهرى له هل بيكون ملكى فى حالة الانتقال من مكان إلى اخر

    ردحذف
    الردود
    1. ايوه يا فندم هيكون ملكك ولكن لازم تكمل تدفع الاشتراك الشهري للـ الراوتر الي هي 10 جنيه، وفي حالة لغيت الاشتراك لازم تدفع المتبقي من ثمن الراوتر

      حذف
  36. هو انا لو مأجر راوتر وعاوز الغي الاشتراك لازم اكمل تمن الراوتر ولا ينفع ارجعه

    ردحذف
    الردود
    1. في حالة الغاء الخدمة لازم تدفع المتبقي من سعر الراوتر

      حذف
  37. هل مازل موجود تقسيط لسعر الروتر ١٠جنيه شهريا

    ردحذف
    الردود
    1. للآسف اتلغي والمتاح حاليا هو راوتر PREMIUM CPE وسعره 950 جنيه بدون إضافة قيمة الضريبة المضافة 14%، والراوتر متاح للتقسيط لمدة 6 او 12 شهر من خلال بنك مصر او الاهلي

      حذف
    2. وكم قيمة القسط لوسمحت

      حذف
    3. بعتذر لحضرتك في تأخر الرد ولكن مش موضح قيمة القسط الشهري كم، ولكن ممكن حضرتك تتواصل مع خدمة العملاء علي الرقم التالي 19777 للآستفسار

      حذف
  38. السلام عليكم ورحمه الله وبركاته
    ممكن التقديم من اى سنترال ولا لازم التابع العنوان المكان
    وللعلم بطاقتى القومية ليس لعنوان الطلب

    ردحذف
    الردود
    1. وعليكم السلام ورحمة الله وبركاته، هو الي يهم في التقديم علي الخط الارضي انى يكون معاك عقد ايجار او تمليك او ايصال غاز او كهرباء او مياه باسمك في المكان الي هتقدم عليه

      حذف
  39. السلام عليكم : لو انا عندي راوتر هواوي ينفع اشغل عليه النت بخط ارضي جديد في عنوان تاني بدل ما اشتري راوتر جديد

    ردحذف
    الردود
    1. وعليكم السلام ورحمة الله وبركاته، عادي ينفع يشتغل الراوتر عندك لو كان مش تابع لآي شركة نت تانية

      حذف
  40. السلام عليكم كام سعر الراوتر

    ردحذف
    الردود
    1. وعليكم السلام ورحمة الله وبركاته، بالنسبة لسعر راوتر we vdsl يبلغ 1500 جنيه بدون اضافة قيمة الضريبة المضافة 14% والسعر بعد اضافة الضريبة 1710 جنيه

      حذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/