اسعار الدراجات فى مصر 2024 جميع الماركات وافضل انواع العجل

اسعار الدراجات الهوائية فى مصر 2024 أو كما يطلق عليها الكثير اسم (العجل)، ومع بداية اجازة اخر العام وبعد ظهور النتائج ونجاح الأبناء تكون المكافأة المحببة لهم هي العجلات، لذلك سوف نقدم لكم تقرير شامل عن افضل انواع الدراجات الموجودة بالسوق المصري، وقبل أن تكون البسكليت وسيلة للمواصلات فهي من أفضل الرياضات التي يمكن أن تمارسها عند قيادة الدراجة لكي تعيش متعة المغامرة والترفيه والطاقة المتجددة دائما لجسمك، ويجب عليك عند الاختيار ان تضع عدة نقاط هامة ومنها الضمان وخدمة ما بعد البيع مع اختيار الأنواع التي بها مقعد مريح وأنظمة فرامل قوية وخفيفة الوزن، ومن اشهر الانواع (ترينكس - جوما - نيجر).

انواع الدراجات واسعارها

انواع الدراجات الهوائية


النوع الأول معنا هو الدراجات الجبلية وهذا النوع من الدراجات مخصصة للسير على الطرق الرملية والرصيف والطرق الغير ممهدة، وهذه الأنواع وزنها ثقيل عن باقي الأنواع وسرعتها أقل ايضا، اما النوع الثاني من الدراجات هو دراجات الطريق ومن اسمها نعرف بأنها هذه النوعية مخصصة للطرق الممهدة والمتساوية فقط، وتتميز هذه الانواع بخفة وزنها وسرعتها العالية، والنوع الثالث والأخير هو دراجات الهجين وهذا النوع يجمع ما بين مميزات وخصائص دراجات الطرق والجبلية حيث يمكنك السير بها على جميع الطرق بالاضافة الى انها خفيفة الوزن أيضا.

مقاسات الدراجات


حجم البسكلته هو من اهم الاشياء التى يجب ان تضعها في الحسبان عند اختيار المقاس المناسب، ونستعرض اليكم جميع الاحجام و ما هو حجم الدراجة المناسب لعمرك وارتفاعك، ونبدأ بالأطفال من سن سنتين إلى 6 سنوات والارتفاع المناسب لهم هو من 90 سم إلى 120 سم ومقاس الدراجة 12 بوصة، من 4 سنوات إلى 8 سنوات والارتفاع المناسب هو من 120 سم إلى 130 سم ومقاس الدراجة 16 بوصة، من 7 سنوات إلى 11 سنة والارتفاع المناسب هو من 130 سم إلى 150 سم ومقاس الدراجة 20 بوصة، من 10 سنوات إلى 14 سنة والارتفاع المناسب هو من 140 سم إلى 165 سم ومقاس الدراجة 24 بوصة، من فوق 14 سنة والارتفاع المناسب هو فوق 165 سم ومقاس الدراجة 26 بوصة اما من فوق 18 عام واكثر المناسب معهم مقاس 27.5 بوصة أو 29 بوصة.

اسعار الدراجات 2024


  • دراجة ترينكس مقاس 26 بوصة جبلي مزودة بـ 21 سرعة ويبلغ سعرها 3575 جنيه.
  • دراجة ترينكس مقاس 29 بوصة رياضية مزودة بـ 21 سرعة ويبلغ سعرها 4530 جنيه.
  • دراجة ترينكس مقاس 26 بوصة هجين مزودة بـ 21 سرعة ويبلغ سعرها 3500 جنيه.
  • دراجة ترينكس مقاس 20 بوصة اطفال مزودة بـ 6 سرعات ويبلغ سعرها 2250 جنيه.
  • دراجة ترينكس مقاس 26 بوصة سباق مزودة بـ 14 سرعة ويبلغ سعرها 3650 جنيه.
  • دراجة اطفال مقاس 12 بوصة مزودة بـ 1 سرعة ويبلغ سعرها 1300 جنيه.
  • دراجة اطفال مقاس 16 بوصة مزودة بـ 1 سرعة ويبلغ سعرها 990 جنيه.
  • دراجة جوما مقاس 700سي مزودة بـ 14 سرعة ويبلغ سعرها 2600 جنيه.
  • دراجة هومر مقاس 24 بوصة جبلي مزودة بـ 21 سرعة ويبلغ سعرها 2300 جنيه.
  • دراجة فيراري قابلة للطي مقاس 20 بوصة جبلي مزودة بـ 9 سرعة ويبلغ سعرها 9250 جنيه.
  • دراجة فونكس مقاس 26 بوصة جبلي مزودة بـ 21 سرعة ويبلغ سعرها 2850 جنيه.
  • دراجة كيستو مقاس 26 بوصة جبلي مزودة بـ 24 سرعة ويبلغ سعرها 2550 جنيه.
  • دراجة زووم مقاس 26 بوصة جبلي مزودة بـ 21 سرعة ويبلغ سعرها 2950 جنيه.
  • دراجة كوبرا مقاس 26 بوصة جبلي مزودة بـ 21 سرعة ويبلغ سعرها 2050 جنيه.
  • دراجة كوبرا للبنات مقاس 16 بوصة مزودة بـ 1 سرعة ويبلغ سعرها 1260 جنيه.
  • دراجة يونيون للبنات مقاس 24 بوصة مزودة بـ 1 سرعة ويبلغ سعرها 1680 جنيه.

وبذلك نكون قدمنا اليكم افضل انواع العجل بجميع المقاسات، وإذا كان لديك أي استفسار يمكنك ترك تعليقك وسوف نقوم بالرد عليك، ملحوظة يمكنك الطلب اون لاين بهذه الاسعار والدفع عند الاستلام عن طريق موقع جوميا مصر او امازون ويوجد ايضا جميع إكسسوارات والمستلزمات الخاصة بها مثل الخوذة والقفل والمنفاخ والجرس وغيرها الكثير.

شارك المقال لتنفع به غيرك

قد تُعجبك هذه المشاركات

إرسال تعليق

159 تعليقات

  1. اسعار العجل النيجر

    ردحذف
    الردود
    1. تتراوح أسعار الدراجات النيجر من بين 1250 جنيه وحتى 3000 جنيه وتختلف على حسب المقاس المطلوب.

      حذف
    2. معذرة .. هي (النيجر) دي ماركة ولا ايه
      وهل فيه ماركة اسمها رالي rally

      حذف
    3. ايوه يا استاذ خالد الاتنين من الماركات الشهيرة في الاسواق المصرية

      حذف
  2. اريد اسرع عجله بأقل مجهود سعرها كام و اسمها ايه

    ردحذف
    الردود
    1. بالنسبة للدراجات السريعة وبمجهود اقل في التبديل فممكن تشتري دراجة بتروس وتختار النوع الجبلي وافضل نوع ممكن تشتريه هو ترينكس، والسعر بيختلف علي حسب المقاس الي انته محتاجو.

      حذف
    2. اسعار الدراجات

      Trinxse

      حذف
    3. ممكن حضرتك تحدد المقاس الي محتاج تعرف سعرها لاني دراجة ترينكس فيه منها اكتر من مقاس وبيبدأ السعر من 2200 جنيه وحتى 4000 جنيه

      حذف
  3. السلام عليكم اين تبيع هذه الاصناف ؟

    ردحذف
    الردود
    1. وعليكم السلام، الاسعار المووجودة بالمقال للشراء اون لاين من سوق كوم، ولكن لو حضرتك عايز افضل مكان تشتري منو دراجة في مصر فهو معارض ابو الجوخ فهو الاشهر.

      حذف
  4. انا طولي 155 اركب دراجه مقاس كام معا العلم ان سني 20 سنه وي الافضل جبلي ولا هجين علشان احنا في مصر وي السعر هيبقا كام في الترينكس وي بيبقا في ضمان ولا لا طبعا معا السرعه علشان الشغل 😍😍

    ردحذف
    الردود
    1. احييك على امانتك بخصوص اماكن الشراء

      حذف
    2. المقاس المناسب من 24 الي 26 بوصة، ونوع الدراجات المناسب في مصر هو الجبلية، حيث انها مصممة للطرق الغير ممهدة والمناطق الجبلية، وعن سعر دراجة ترينكس اليوم 3650 جنيه.

      حذف
  5. أين تباع الدراجات الكهربائية؟

    ردحذف
    الردود
    1. الدراجة الكهربائية متوفرة اون لاين في موقع سوق كوم مصر، ولكن بخصوص اماكن معينة في مصر مخصصة لبيع دراجة كهربائية بعتذر لحضرتك معنديش معلومات عنها حاليا.

      حذف
  6. السلام عليكم اخي العزيز أخوك من ليبيا ان عمري 40 سنة أختار دراجة مقاس كم لوسمحت

    ردحذف
    الردود
    1. وعليكم السلام ورحمة الله وبركاته، المناسب يكون مع حضرتك المقاس الكبير دراجة 26 بوصة.

      حذف
  7. افضل نوع دراجة في حدود 2000جنية مقاس 26ماهى ولكم الشكر

    ردحذف
    الردود
    1. يوجد دراجة بولو بايك مقاس 26 بوصة وسعره 1880 جنيه

      حذف
  8. احتاج دراجه في حدود 2200 مقاس 26 بوصه بغرض همشي بيها مسافات وانا رايح الدروس وتقضي مشاويري اليوميه

    ردحذف
    الردود
    1. في حضرتك دراجة اسمها بولو بايك ودي سعرها اليوم 1900 جنيه ومتوفرة لدي جوميا مصر

      حذف
  9. عاوز فسبا بالكهرباء نفس شكل الفسبا البنزين بس كهرباء

    ردحذف
    الردود
    1. بعتذر لحضرتك معنديش معلومات عن الفسبا شحن الكهرباء

      حذف
  10. السلام عليكم
    ابنى سنه 13 سنه وطوله 160 سم ايه الدراجة المناسبة واجيبها منين

    ردحذف
    الردود
    1. وعليكم السلام، بص حضرتك المناسب للطول ده حتكون دراجة مقاس 24 بوصة، ولو حضرتك عايز تشتري اون لاين ممكن تشتري من سوق كوم، ولكن لو عايز من معارض مشهورة في مصر فأشهر مكان هو ابو الجوخ، والمكان في 17 شارع رشدي باشا بعابدين

      حذف
  11. السلام عليكم ورحمة الله أبنائي نجحم بتوفيق الله عمرهم 10و8سنوات ولسه بتعملوا القيادة لدرجات عايز المقاس المناسب والنوع والسعر ومكان مضمون في الاسكندرية

    ردحذف
    الردود
    1. وعليكم السلام ورحمة الله وبركاته، الف مبروك وانا شاء تشوفهم دائما متفوقين، وبخصوص المقاس المناسب الافضل حيكون معاهم مقاس 16 بوصة، وبخصوص الاماكن المضمونة لبيع الدراجات في اسكندرية بعتذر لحضرتك معنديش خلفية عنها

      حذف
  12. عايزين نعرف العجلة مقاس ١٦ سعر ٩٩٠ الخوذة والمنفاخ والقفل والجرس ضمن السعر وعايزين صور موضحة ليها وهي مستعملة ولا جديدة

    ردحذف
    الردود
    1. الدراجة فيه الجرس وباسكت قدام لكن معاش منفاخ، وهي جديدة مش مستعملة، وبخصوص الصورة بعتذر لحضرتك غير متاح اضافة الصور في التعليقات، ولكن ممكن حضرتك تشوف شكله من خلال الرابط الي اخر المقال

      حذف
  13. ابني ١٣/١٢سنه محتاج عجل كاوتش عريض. سعروالمقاس مع العلم معى بطاقة بريميرم

    ردحذف
    الردود
    1. لو طوله من 130 سم الي 160 سم حيكون المناسب معاه دراجة مقاس 20 بوصة او 24 بوصة، والاسعار بتبدأ من 1900 جنيه وحتى 3500 جنيه، بخصوص الشراء موقعنا لا يبيع الدراجات ولكن نعرف زوارنا المناسب لهم.

      حذف
  14. انا وزني 60 و ولي 165 عاوز دراجه قابلة للطي مقاس 24 أو 26 والسعر

    ردحذف
    الردود
    1. الدراجة هوائية القابله للطي الموجودة اكبر مقاس متاح سعرها حاليا هو 20 بوصة اما 26 بوصة مش متاح حاليا

      حذف
  15. انا جبت عجله جيتى ار هل هى مميزه ولا غير مميزه وسعرها ١٧٠٠ وداه عرض

    ردحذف
    الردود
    1. بصراحة معنديش معلومات عنها، لاني فيها انواع عجل كتير جدا في السوق، ولكن الي يحكم نوع العجل كويس ولا لا استخدامك ليه وهل هي مريحة معاك ولا لا

      حذف
  16. السلام عليكم ورحمة الله وبركاته انا عايزة اشتري لابني عجله هو سنه 11 سنه بس مش عارفة نوع العجله والمقاس بس يكون سعرها مش غالي ولكم جزيل الشكر والتقدير

    ردحذف
    الردود
    1. وعليكم السلام ورحمة الله وبركاته، العجلة المناسبة مقاس 20 بوصة ده لو طوله من من 130 الي 150 سم، اما لو اطول من كده يبقي يجيب مقاس 24 بوصة، واسعار بتبدأ من 1300 جنيه، واسعار 24 بوصة بتبدأ من 2500 جنيه

      حذف
  17. انا عايز عجلة سرعات ب1500

    ردحذف
    الردود
    1. اقل سعر لدراجات السرعات هو 2600 جنيه ونوع الدراجة هو كيستو وتحتوي علي 21 سرعة

      حذف
  18. انا طولي 182 ووزني 79 الدراجه المناسبه ليا كام بوصه

    ردحذف
    الردود
    1. الدراجة المناسبة مع حضرتك حتكون مقاس 26 بوصة، اما بخصوص الانواع يمكنك الاطلاع علي الموجودة داخل المقال

      حذف
  19. لو سمحت لو واحد طوله 188 ووزنه 110 ايه الدراجه المناسبه لى وسعرها يبدا من كام

    ردحذف
    الردود
    1. المناسبة حجم 26 بوصة، والاسعار بتبدأ من 2100 جنيه وحتى 4000 جنيه

      حذف
  20. من فضلك عايزة اعرف نوع عجلة نيجر في حدود 1500 /2000 جنيه لابني 11سنه طوله 120سم واجبها منين وجزاكي الله خيرا

    ردحذف
    الردود
    1. كان نفسي اساعد حضرتك بخصوص اسعار العجل النيجر لكن بعتذر لحضرتك معنديش خلفية عن السعر حاليا

      حذف
  21. من فضلك ايه الافضل ماركه جوما ام بولو بايك

    ردحذف
    الردود
    1. الاكثر انتشار في الاسواق المصرية هي دراجات جوما

      حذف
  22. استفسار عن نوع العجلة المناسبه لطفلة عندها 11 عاما....اول مرة تركب عجلة

    ردحذف
    الردود
    1. سن 11 سنة المناسبة معاها مقاس 16 بوصة ده لو كان طوله من 130 سم لغاية 150 سم، وبالنسبة للماركة ارشحلك دراجة ترينكس

      حذف
  23. دراجه كهرباء نوعها MYATU
    فى اى معلومات عن جودتها والسعر مقاس ٢٦

    ردحذف
    الردود
    1. بعتذر لحضرتك معنديش ام معلومات عن نوع الدراجة الى بتستفسر عنها

      حذف
  24. لو سمحت انا في تالته ثانوي وكنت عايز عجله تستحمل الطريق علشان هروح بيها الدروس واحنا في ارياف و طريق وحش اوي

    ردحذف
    الردود
    1. بص ارشحلك نوعين وتختار منهم الاول عجلة نيجر والنوع الثاني عجلة بولو بايك مقاس 26 بوصة ودي سعرها 1950 جنيه

      حذف
  25. اسعار الدراجات الجلاكسي مقاس 26 بوصة 21 سرعة وهل لها مساعدين امامي و خلفي وعددهم كام ارجو الرد ولكم جزيل الشكر

    ردحذف
    الردود
    1. بعتذر لحضرتك معنديش معلومات عن اسعار دراجات جلاكسي

      حذف
  26. السلام عليكم....بعد اذن حضرتك عاوز اعرف هل عجله BMW power مقاس 26 تستحمل المشاوير العاديه علما بان وزني 95 كيلو وطولي 170.. شكرا مقدما

    ردحذف
    الردود
    1. وعليكم السلام ورحمة الله وبركاته، بعتذر لحضرتك معنديش معلومات كافية عن الدراجة

      حذف
  27. انا عايز عجلة تستحمل الطرق المش ممهده و الطويلة و انا عندي ١٥ سنه و طولي ١٧٥ فاجيب اه؟ و بكام ؟و منين ؟

    ردحذف
    الردود
    1. المقاس المناسب لحضرتك هو 27.5 بوصة، وفي دارجة اسمها كيستو هي المتاحة من المقاس ده وسعرها 2695 جنيه

      حذف
  28. الفرق بين الدراجة ترينكس وتي بي تي

    ردحذف
    الردود
    1. الفرق بينهم هو الخامات فقط، دراجة ترينكس مصنوعه من الالومنيوم ودراجة TPT مصنوعة من المعدن، لكن في عدد السرعات هي هي في النوعين

      حذف
  29. السلام عليكم سني ٣٥ سنة وارغب في دراجه بمساعد خلفي للمسافات للعمل في حدود ٣٠٠٠ الاف

    ردحذف
    الردود
    1. وعليكم السلام ورحمة الله وبركاته، بالنسبة لأنواع الدرجات الي اعرف اسعارها هي بمساعد أمامي امام بخصوص المقاس المناسب مع حضرتك حيكون اكبر مقاس الي هو 29 بوصة ودي اسعارها بتبدأ من 2700 جنيه

      حذف
  30. لو سمحت انا هشترى عجله ترينكس سرعات إللى هى سوقتها زى المكن الريس ممكن اعرف سرعتها كام و سعرها

    ردحذف
    الردود
    1. اغلب دراجات ترينكس الرياضية بتكون 21 سرعة، اما بخصوص السعر ممكن توضحلي مقاس الدراجة عشان اقدر اوضحلك السعر

      حذف
  31. السلام عليكم
    ممكن اعرف من حضرتك مميزات وعيوب الدراجة لاند روفر وهل هى الافضل ام ترينكس

    ردحذف
    الردود
    1. وعليكم السلام ورحمة الله وبركاته، مواصفات دراجة لاند روفر مصنعة من ستانلس ستيل وبها 21 سرعة ونوع الفرامل بتاعه فرامل قرص والكرسي بتاعه قابل للتعديل، وبالنسبة للآفضلية بينها وبين ترينكس هما الاتنين زي بعض بس تتفوق دراجة ترينكس في حاجة واحدة وهي خامة التصنيع انها مصنعة من الالومنيوم

      حذف
  32. محتاج دراجة للعمل بها فى جلوفو أو اطلب مثلا تستحمل مشاوير كتير وسهلة القيادة

    ردحذف
    الردود
    1. بص ارشح لحضرتك ماركتين الاولي ترينكس والثانية جوما

      حذف
  33. من فضلك ايهما احسن الترينكس ام الجلاكسي rl800وكام السعر

    ردحذف
    الردود
    1. بصراحة مقدرش اعمل مقارنة بينهم واقولك الافضلية لمين فيهم لآني معنديش معلومات عن دراجات الجلاكسي، اما بالنسبة لماركة ترينكس من الماركات الجيدة في السوق المحلي

      حذف
  34. عايز نوع دراجه جبلي سريعه وطويل ١٨٥س كام اسعر

    ردحذف
    الردود
    1. في دراجة زووم 29 بوصة مزودة بـ 21 سرعة، ونوعها جبلي ومناسبة مع طول حضرتك، وسعرها 3435 جنيه.

      حذف
  35. كنت عاوز أعرف سعر العجلة ترينكس مقاس 26 وممكن ألاقيها فين

    ردحذف
    الردود
    1. دراجة ترينكس مقاس 26 بوصة بـ 14 سرعة يبلغ سعرها 3650 جنيه ده سعرها اون لاين علي موقع سوق كوم، وممكن تلقيه متوفرة لدي معرض ابو الجوخ للدراجات

      حذف
  36. مقاس 27.5 متوفر فى مصر لان انا بره مصر والمقاس دا موجود عشان قطع الغيار بعدين وشكرا

    ردحذف
    الردود
    1. ايوه يا فندم متوفر من مقاس 27.5 بوصة ماركة فورمات والمقاس ده مزودة بـ 21 سرعة مع ناقل حركة اتوماتيك وسعر الدراجة 5000 جنيه

      حذف
  37. اشكرك شكرآ جزيلاً على الرد
    وفقك الله وبارك فيك واطال فى عمرك واحسن عملك وبارك فى أولادك. 🌹

    ردحذف
  38. لو سمحت كنت عايز عجله منها رياضه ومشاوير وكمان تستحمل مطبات في قريه ويكون سعرها 3000 ايهما أفضل الترينكس ولا الفونكس واجبها منين 🥰

    ردحذف
    الردود
    1. هي الاحسن دراجة ترينكس بس سعرها اكتر من 3000 جنيه ده اون لاين ده بالنسبة لمقاس 26 بوصة، ممكن تسئل عليه في معرض ابو الجوخ ده عندو احسن عروض ممكن تلقيه عندو بسعر مناسب

      حذف
  39. شكرا لذوق حضرتك واهتمامك 🥰🥰🥰🥰

    ردحذف
  40. عايزا نوع عجله تكون مناسبه لبنت طولها ١٦٠ سم وهى اول مره تتعلم وياريت سعرها واجبها منين

    ردحذف
    الردود
    1. الطول ده مناسب معاها 24 بوصة، ومن افضل الاماكن في القاهرة ممكن تجيب منها هي معرض ابو الجوخ متواجد بمدينة نصر

      حذف
  41. ايهما افضل فى السرعه والخفه وعدم الجهد الترنكس ام الدبابه ام النيجر فى حاله مقاس26

    ردحذف
    الردود
    1. دراجات ترينكس هي الاخف في المقاس ده وهذا المقاس مزود بـ 21 سرعة مختلفة

      حذف
  42. السلآم عليكم ورحمة الله وبركاته لو سمحت رأي حضريتك في دراجاتGTC حلوه ولااي

    ردحذف
    الردود
    1. وعليكم السلام ورحمة الله وبركاته، بالنسبة الي دراجات GTC torpedo من الانواع الجيدة والعمليه وفي ناس كتير بتشكر فيها

      حذف
  43. السلام عليكم ورحمة الله وبركاته ممكن رأي حضرتك في دراجة zoom مقاس 26

    ردحذف
    الردود
    1. وعليكم السلام ورحمة الله وبركاته، بالنسبة للمقاس 26 بوصة من درجات zoom الي هي كاوتش عريض كويس، بس يعيبها حجم الكرسي صغير نوعا ما، لكن من حيث الخامات الدراجة كويسة ومزودة بـ 21 سرعة، وسعره اليوم 2950 جنيه

      حذف
  44. ايه الفرق بين العجل الجبلي والهجين وايه الفرق بين ترنكس و جوما والنيجر وايه هي اسرع عجله وشكرا

    ردحذف
    الردود
    1. الفرق بينهم، الدراجات الجبلية مخصصة للآماكن الراملية والارصف والطرق الغير ممهدة، اما النوع الثاني الهجين فهي تجمع بين نوعين من الدراجات وهي دارجات الطريق والجبلية حيث يمكنك السير بها علي الطرق الممهدة والغير ممهدة والجبلية، والاسرع في الثلاث ماركات المذكورة هي ترينكس ثم النيجر ثم جوما

      حذف
  45. هل ماركة يونيون كويسة ولو انا سنى ١٧ سنة وطولى ١٨٣ اجيب مقاس ايه

    ردحذف
    الردود
    1. بالنسبة للمقاس المناسب مع طولك هو 27 او 29 بوصة، وبالنسبة الي دراجة يونيون من الانواع الجيدة وهي مزودة بـ مساعدين امامى وطارات الومنيوم و21 سرعه

      حذف
  46. بالنسبه لبنت ٧ سنين محتاج لبها عجله بناتى تكون كويسه وسعرها معقول ترشحلى ايه ولو امك صور للمنتج

    ردحذف
    الردود
    1. ارشحلك عجلة ترينكس او بيليكان بدون سرعات مقاس 20 بوصة لو بنت حضرتك قصيرة مش طويلة، والاسعار بتبدأ من 1300 جنيه، وبتعذر لحضرتك لعدم القدر علي رفاق الصور بالتعليقات

      حذف
  47. السﻻم عليكم ارخص مكان للشراء ايه واشكر حضرتك على اﻻفاده

    ردحذف
    الردود
    1. وعليكم السلام ورحمة الله وبركاته، افضل الاماكن لبيع الدراجات هي معارض ابو الجوخ

      حذف
  48. طب لو سمحت اسعار الجلاكسى ايه

    ردحذف
    الردود
    1. طيب ممكن حضرتك توضحلي محتاج تعرف دراجة مقاس كم عشان اقولك سعرها ان وجد

      حذف
  49. هل يوجد عجلات بتوين في مصر

    ردحذف
    الردود
    1. بالنسبة لدراجة Btwin الفرنسية في منها في مصر بس مش كل المقاسات، والمقاس المتاح والي اعرف سعرها هو مقاس 27.5 بوصة ويبلغ 7000 جنيه

      حذف
  50. مساء الخير عايز اشتري عجله سرعات وتكون سريعة وخفيفة" في السواقة ممكن اعرف نوعها وسعرها ومقاسها وصورتها بس عايزه مركة عالية وسني ١٩ سنة وانا طويل

    ردحذف
    الردود
    1. بالنسبة لدراجة السرعات استاذ سيف ارشحلك ماركة ترينكس ودي خفيفة الوزن بأطار الومنيوم، وعن المقاس المناسب مع حضرتك حيكون 27.5 بوصة والدراجة مزودة بـ 14 سرعة وسعرها 4100 جنيه

      حذف
  51. السلام عليكم أين تباع دراجة فونكس A55 هجين مقاس 24

    ردحذف
    الردود
    1. وعليكم السلام ورحمة الله وبركاته، بالنسبة لتوكيل دراجات فونيكس في اكتر من توكيل في القاهرة ومنهم توكيل ابو الجوخ 2000 في شارع الجمهورية

      حذف
  52. السلام معلش عايز اعرف بس عجله سفاري عايز اشتريها بيقلي سرعات 12 هيه مستعمله هيه تقريبااا يكون سعرها كام

    ردحذف
    الردود
    1. وعليكم السلام ورحمة الله وبركاته، صعب احدد السعر لحضرتك لآني يتوقف علي حالة الدراجة والماركة

      حذف
  53. السلام عليكم ممكن اعرف سعر عجله جلاكسى 26 جديده

    ردحذف
    الردود
    1. وعليكم السلام ورحمة الله وبركاته، في دراجة جلاكسي موديل a5 مقاس 26 بوصة سعره 2700 جنيه

      حذف
  54. بكم العجل ال ٢٨ الافون واين يباع فى مصر

    ردحذف
    الردود
    1. بعتذر كثيرا لحضرتك معنديش معلومات عن سعر او اماكن بيع دراجة Avon حاليا

      حذف
  55. طيب دراجه ترينكس الي بتتطبق ووزنها الخفيف دا ميزه ولا عيب عاوزه حاجه بتتطبق

    ردحذف
    الردود
    1. بالنسبة للدراجات القابلة للطي انى وزنها خفيف دي اكيد ميزة وذلك لسهولة حملها، وبالنسبة لماركة ترينكس تعد واحدة من افضل الشركات المصنعة لها

      حذف
  56. اسعار دراجه مقاس26GAmmAx

    ردحذف
    الردود
    1. للآسف استاذ حسني مش متاح حاليا اسعار دراجات Gammax

      حذف
  57. لو سمحت هو نوع سفاري كويس ؟

    ردحذف
    الردود
    1. ايوه يا فندم مصنفة من الانواع الجيدة ومتوفرة لدي أبو الجوخ

      حذف
  58. دراجه لابني عمره 8سنوات كم سعرها والمقاس كام

    ردحذف
    الردود
    1. المقاس المناسب مع سن 8 سنوات هو 16 بوصة وارشحلك ماركة BMX بجنوط سلك الومنيوم وفرامل رجل خلفى، مع ضمان لمدة سبع سنوات ويبلغ سعره 1600 جنيه وفي انواع اقل من حيث السعر يترواح ما بين 900 الي 1300 جنيه لكن بجودة اقل

      حذف
  59. وهي اسعار الجلاكسي كام بعداذنك

    ردحذف
    الردود
    1. ممكن حضرتك تحدد الموديل والمقاس الي محتاج تعرف سعره لآنى في موديلات كتير من الدراجات الجلاكسي

      حذف
  60. ممكن عناوين ابو الجوخ في نطاق مصر الجديدة و مدينة نصر

    ردحذف
    الردود
    1. في مصر الجديدة متواجد في شارع جسر السويس ميدان الف مسكن وفي مدينة نصر متواجد في 6 عمارات اول مايو بجوار ميدان الساعه

      حذف
  61. ايه رايك ف عجله xnirt تقليد تىنكس ؟؟

    ردحذف
    الردود
    1. مش بنفس الجودة او الكفاءة التى تملكها دراجات ترينكس

      حذف
  62. لو سمحت أنا عندي 14 سنة و طولي من 172 الي 175 سم ممكن اعرف مقاس العجلة المناسب ليا

    ردحذف
    الردود
    1. المقاس المناسب مع طولك دراجة 27.5 بوصة

      حذف
  63. لو سمحت محتاجه اعرف ايهم افضل المعدن ولا الألومنيوم فى صناعة الدراجات؟

    ردحذف
    الردود
    1. ألالومنيوم افضل واخف من الحديد، وده مش معناها انى الانواع الحديد سيئة انا بتكلم من حيث خفة الوزن والصدأ

      حذف
  64. العجلة الفوركس افضل ام الترينكس واقرب فرع الجوخ من السادس من اكتوبر

    ردحذف
    الردود
    1. الافضلية لدراجات ترينكس لكن معنديش معلومة هل متوفرة لدي ابو الجوخ حاليا ام لا، وده عنوان فرع اكتوبر في الحي الرابع ميدان النجدة سنتر المدينة التجارى

      حذف
  65. السلام عليكم اناوزني ١١٠كليوطول ١٧٥سم كنت عايزعجله ترينكس تكون سريع وخفيف في نفس الوقت السعركام

    ردحذف
    الردود
    1. وعليكم السلام ورحمة الله وبركاته، بالنسبة للمقاس المناسب معك هو 29 بوصة، وارشحلك العجلة المزودة بسرعات، وهي خفيفية وسريعة والاطار الخاص به مصنوع من الالومنيوم، وسعره اليوم 4530 جنيه

      حذف
  66. عجله مستعملة كندا الباشا بكام سعرها 500جنيه هل سعرها مناسب
    ام حسام

    ردحذف
    الردود
    1. تحديد السعر مناسب يتوقف علي حالة العجلة كويسة ولا لا وحجمها كم بوصة

      حذف
  67. محتاج نوع عجل كويس يتحمل السير مسافة ١٨ كيلو يوميًا طولى ١٨٢ و وزنى حوالى ١٠٠ السن ٣٩ الطريق نوعًا ما معقول مش ممهد أوى؟

    ردحذف
    الردود
    1. من افضل انواع الدراجات الجيدة في السفر هي دراجات الماونتن وهي المناسبة مع الطرق الغير ممهدة، وارشحلك ماركة ترينكس او ماركة جلاكسي

      حذف
  68. انا لما بدخل الموقع كل العجلات 17 الف و 19 الف ايه الارقام الكبيرة دي مش زي ما حضرتك بتقول 4000 و 2000

    ردحذف
    الردود
    1. في يا فندم دراجات متاحة بالاسعار الي ذكرته في المقال علي موقع سوق كوم، لكن لو حضرتك مش عايز تشتري من مواقع اونلاين ارشحلك معارض الجوخ من افضل الاماكن الموثوقة في بيع الدراجات في السوق المصري

      حذف
    2. تمام شكرا , انا بدءت اروح معارض للبيع العجل واقارن الاسعار حتي اكون علي علم بالاسعار , وشكرا لمجهودكم

      حذف
    3. وده الافضل يا فندم انك تشوف اكثر من مكان لكي تختار المناسب لك

      حذف
  69. لو عايز عكل على سورية في تواصول اخي

    ردحذف
    الردود
    1. بعتذر لحضرتك احنا موقعنا بنوضح الاسعار فقط مش بنبيع، لكن ممكن حضرتك تشوف في معارض كتير في مصر ومنها معارض الجوخ ممكن تتواصل معهم وتشوفهم بيصدرو ولا لا

      حذف
  70. عايز عجله تروس سرعات جلاكسي تعمل كام

    ردحذف
    الردود
    1. ممكن توضحلي محتاجه مقاس كم عشان اوضحلك سعره

      حذف
  71. انا عندى 13 سنه اختار درجه ايه

    ردحذف
    الردود
    1. المقاس المناسب معاك 24 بوصة لكن ممكن توضحلي محتاج دراجة في حدود كم عشان اوضحلك الماركة المناسبة في السعر الي حضرتك محدده

      حذف
  72. انا عندي ١٦ سنه وعايز عجله نيجر ٧سرعات مقاس ١٦ في حدود 2000جنبه ممكن الرد السريع

    ردحذف
    الردود
    1. بالنسبة لمقاس 16 بوصة مش حيكون مناسب مع حضرتك واقل مقاس ممكن يكون مناسب معاك هو 20 او 24 بوصة ويختلف على حسب الطول واسعاره بتبدأ من 2200 جنيه

      حذف
  73. انا عايز العجله تكون متوصته عشان اعرف اقودها انا واخوتي ١٠ سنين و١٣سنه و١٦ سنه ممكن الرد السريع وتكن بسرعات وتكون في حدود ٢٠٠٠جنيه

    ردحذف
    الردود
    1. زي ما وضحت لحضرتك في التعليق في الاعلي المناسب لسن 16 سنة او 13 سنة اما الـ 10 سنين ممكن تكون مناسبة معه الـ 16 بوصة، والفكرة مش في نقطة السن احنا بنحسب الدراجة المناسبة علي حسب الطول مش السن بس، وبالنسبة للسعر درجات السرعات بيبدأ من 2350 جنيه عجلة Zoom 21 سرعة، اما الانواع العادية مقاس 20 بوصة يبدأ من 2200 جنيه

      حذف
  74. الردود
    1. بعتذر لحضرتك غير متاح حاليا اسعار دراجات فيليبس

      حذف
  75. أنا عايز عجلة مقاس 29 سريعه جدا وتكون افضل ماركه وأرجو أن اشوف صورتها قبل الشراء

    ردحذف
    الردود
    1. بالنسبة الي مقاس 29 ارشحلك جالاكسي M50 اصدار 2021، فريم المنيوم ومزودة بـ 30 سرعة وفرامل ديسك هيدروليك، وسعرها اليوم 5500 جنيه، وبعتذر لحضرتك بخصوص عدم المقدرة علي اضافة الصور في التعليقات

      حذف
  76. لو سمحت انا طولي ١٨٠ ووزني ٧٥ كيلو عايز عجلة تستحمل شغل في طلبات هشتغل عليها ايه المناسب ليا جزاك الله كل خير

    ردحذف
    الردود
    1. المقاس المناسب معاك هو 29 بوصة، وبالنسبة الي النوع المناسب معاك هيكون الدراجات الجبلية ودي هتتحمل معاك الشغل بسبب الطرق الغير ممهدة، وارشحلك ماركتين وهما جلاكسي وترينكس ودول الافضل

      حذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/