رقم خدمة عملاء we للانترنت، تعد شركة we المعروفه أيضا باسم (تى اى داتا) سابقا والتابعة للمصرية للاتصالات الشركة رقم 1 في مصر الخاصة بتقديم خدمات الإنترنت dsl على الخط الارضي، لذلك يهتم الكثير من العملاء في البحث عن طرق التواصل مع الدعم الفني الخاص بشركة وي سواء كان لحل مشكلة لديه او للاستفسار عن العروض الجديدة الخاصة بالشركة، وتسهيلا من موقع اسعار اليوم تم تجميع جميع طرق التواصل مع الشركة سواء كان من خلال هاتفك المحمول أو من الخط الارضي او من خلال الموقع الرسمي للشركة، وهي كتالي.
طرق التواصل مع الدعم الفنى وي
- الطريقة الاولى وهي عن طريق الاتصال بأي رقم من الارقام التالية من خلال اي خط ارضي او هاتف محمول (111 - 19777 - 01555000111).
- الطريقة الثانية وهي التواصل مع شركة we من خلال الايميل الرسمي للشركة (Customer.care@te.eg)، ويتم الرد علي رسالتك خلال مدة 24 ساعة من التواصل.
- الطريقة الثالثة وهي الأكثر استخداما من بين الطرق الثلاثة وهي التواصل عن طريق شات وي اون لاين، وعن كيفية التواصل علي الشات.
- الرقم الموحد الذي يمكنك من خلاله الاتصال بخدمة عملاء وي من اي رقم وي او فودافون او اتصالات او اورنج او من اي خط ارضي هو رقم (19777).
شرح خدمة عملاء we شات
اولا بعد الدخول الي الموقع (te.eg) ستجد في الاسفل على اليمين ايقونة مكتوب عليه كلمة (Live Chat)، وبعد الضغط عليه سوف يظهر لك مربع بها اربع مربعات عليك بكتابة البيانات الخاصة بك بداخلهم، والمربع الاول يكتب بها اسمك والمربع الثاني رقم الخط الارضي والثالث يكتب بها رقم الهاتف المحمول والمربع الأخير بتختار نوع الاستفسار هل بخصوص الانترنت الارضي او الخط الارضي او بخصوص الموبايل، وبعد اختيار نوع الاستفسار يتم الضغط علي كلمة START CHAT، وتنتظر حتى يتم التحدث معكم من قبل خدمة العملاء، وهذا شرح موضوح بالصور أيضا لطريقة التواصل مع خدمة عملاء TE Data Chat.
قد يهمك أيضا: باقات we للانترنت المنزلي 2020
واخيرا سؤال يهم الكثير من المشتركين في شركة تي دتا وهو كيفية معرفة المتبقى من باقة تى اى داتا، يمكنك بكل سهولة معرفة المتبقي من باقاتك عن طريق الاشتراك في الخدمة المقدمة من الشركة والمطلق عليه اسم (ماى تى داتا) ويمكنك الاشتراك من خلال الرابط التالي (mytedata.net)، ونستعرض اليكم بالصور طريقة التسجيل في الموقع في الاسفل.
طريقة انشاء حساب ماي تي داتا بالصور
المربع الاول تختار كود المحافظة، والمربع الثاني بتكتب فيه رقم الخط الارضي، والمربع الثالث بتكتب فيها رقم الموبايل الي انت مسجل بيها الخدمة، اخر حاجه حتضغط علي المربع الي مكتوب فيه () وبعد ماتظهر ليك علامة صح حتضغط علي كلمة Next.
الصورة الثانية فيه مربع واحد وده حتكتب فيه الكود المرسل علي موبايلك والكود مكون من 5 ارقام وبعد ماتكتب الكود اضغط علي كلمة Next.
الصورة الثالثة دي اول 3 مربعات هما بيكون مكتوب فيهم اسم صاحب الخط ورقم الموبايل ورقم الاخط الارضي دول متعملش فيهم حاجه.
وتحت موجود 5 مربعات دول الى حنكتب فيهم باقي البيانات، المربع الاول حنكتب فيه الايميل الي حنسكل فيه ويفضل انو يكون ايميل Gmail، وفي المربع الثاني حنكرر نفس الايميل مره تاني
والمربع الثالث والرابع دول حنكتب فيهم الباسورد الخاص بينا، والمربع الاخير ده حنختار منو اللغة ودي زي مانت عايز تختار سواء عربي او انجليزي
وبعد كده حنضغط علي المربع الي الصغير الي تحت الي فيه كلمة accept وحتظهر علامة صح، وبعد كده نضغط علي كلمة complete my registration.
وبكده نكون سجلنا حسابنا في mytedata والخطوة الاخيرة انك تروح علي الايميل وتضغط علي الرابط المرسل لك لتفعيل الحساب، وبعدها تسجل دخولك للحساب بدون اي مشاكل.
كيفية عمل باقة اضافية في تي دي داتا
ردحذفحضرتك بتشحن الباقة الإضافية عن طريق فوري او السنترال وفي 3 باقات الأولى 20 جيجا والثانية 50 جيجا والثالثة 100 جيجا
حذفانا الخط بتاعي من الصبح مش شغال ومش عارف اعمل ايه
ردحذفهل الخط بتاع حضرتك الحرارة الي مش شغالة ولا هو مش شغال خدمة adsl
حذفهوانا مجليش ليه رساله بالتعويض الي نزلتوه لعملاء ٠١٥ ولاهوللي معهمش رصيدبس
ردحذفممكن حضرتك تجرب اي كود من الكودين دول *414# او الكود الثاني *882# ولو مجاتش لحضرتك رسالة ممكن تتواصل مع خدمة العملاء، ملحوظة الدقائق والميجا بايتس صالحة للاستهلاك خلال ثلاثة أيام من تلقيه للرسالة.
حذفحضرتك عايزة اقدم شحن الباقه
ردحذفهل حضرتك تقصدي تقديم موعد تجديد الباقة الانترنت للخط الارضي، لو ده قصد حضرتك مينفعش يتقدم يا فندم الا في حالة واحدة انتهاء السعة المحددة لحضرتك
حذفالانترنت الارضي مش شغال من الجمعة الصبح اعمل اية
ردحذفكلم خدمة العملاء علي رقم 19777 لمعرفة المشكلة الي بسببها فاصل الانترنت
حذفخدمة العملاء نايمه جدا
ردحذفبقالي ساعتين مابيردوش
في حالة لو قعدت في الانتظار كتير الافضل انك تفصل وتتصل تاني وحيكون التواصل اسرع عن تجربة
حذفالنت فاصل عندى من اسبوعين ومحدش عارف بحالة المشكله
حذفحضرتك بلغت عن المشكلة في السنترال الي مشترك معاه ولا كلمت خدمة العملاء علي رقم 19777
حذفيعني اشحن وتاني يوم تجيلي رساله بأستهالك 70٪ من الباقه
ردحذفلو الباقة بتخلص اغلبه معاك تاني يوم الشحن يبقي في مشكلة عندك اكيد، بس حضرتك اتاكد انك قافل الواي فاي عندك في الراوتر لاني في الحالة دي ممكن في ناس بتدخل عندك وانت متعرفش ولو حضرتك عامل الخطوة دي، يبقي تواصل مع خدمة العملاء علي رقم 19777 عشان تعرف الباقة اتسحبت في ايه بالظبط
حذفالسلام عليكم
ردحذفوعليكم السلام ورحمة الله وبركاته، ممكن حضرتك توضحلي استفسارك عشان اساعد حضرتك لو عندي معلومة اوضحها لك
حذفالنت لدي ضعيف جدا لو سمحتم ساعدوني في الحل
ردحذفممكن حضرتك تكون السعة الشهرية لخطك المحددة لك خلصت، ولو في حالة انه مخلصتش وفي جيجات متبقية لديك ممكن حضرتك تتواصل مع خدمة العملاء علي رقم 19777 لحل مشكلة بطيْ السرعة
حذفالسلام عليكم
ردحذفانا معايا خط كنت ركنته فترة ومحتاج افعله هو عاطينى علامة اكس بس قارى كلمة وى ايه العمل وهل هو كدا متسحبش منى أرجوا الإفادة
وعليكم السلام، لو الخط ليه اكثر من 3 شهور مستخدموهش في الحالة دي بيكون الخط اتوقف ورجع للشركة تاني
حذفانا عوز استفسر عن الواي فاي الهواء ي الجديد
ردحذفبالنسبة للنت الهوائي من WE، حضرتك بتقدم عليها في اقرب سنترال تابع للمصرية للآتصالات وبتدفع ثمن الراوتر 999 جنيه والسعر شامل الضريبة، وبتختار من اربع باقات بتوفرها الشركة، وهي التالية، الباقة الاولي 40 جيجا بسعر 150 جنيه والباقة الثانية 90 جيجا بسعر 250 جنيه والباقة الثالثة 150 جيجا بسعر 400 جنيه والباقة الرابعة 250 جيجا بسعر 650 جنيه، والباقات صالحة لمدة 30 يوم، ملحوظة اسعار الباقات غير شاملة الضريبة
حذفطيب لو سمحت ممكن التواصل معايا لاني محتاجه روتر أرضى
ردحذفبخصوص الراوتر حضرتك بتطلبو من السنترال الي حضرتك قدمت عليها الخدمة
حذففيه مشكلة في الراوتر اللمبات بتحمل وتفصل كلهاpower DSL internet wlan
ردحذفهل تقصد حضرتك اول ما بتشغل الراوتر بتفضل اللمبات تنور كلهم وار بعض بسرعة وبعد كده يفصل الراوتر عالطول، لو هو ده الي بيحصل معاك يبقي كده في مشكلة في سوفت الراوتر
حذفاروتر من الصبح مش شغاله الشركه فصله النت ممكن الحل
ردحذفللآسف مفيش حل غير انى حضرتك تتواصل مع خدمة العملاء علي رقم 19777
حذفشحنت والباقه متجددش والنت ضعيف ممكن اعرف السبب
ردحذفهل الباقة خلصت مع حضرتك وانت دفعت فلوس تجديده قبل موعد التجديد ولا شحنتها في موعد التجديد الشهري
حذفانا لو سمحت كنت عايزة اعمل الواي فاي عندى مخفى
ردحذفطريقة اخفاء شبكة الواي فاي من علي راوتر WE VDSL الجديد، في البداية بعد فتح 192.168.1.1 وكتابة اليوزر والباسورد، اضغط في القائمة الجانبية علي Home network ثم اضغط علي WLAN setting ثم اضغط علي WLAN Encryption ثم ضع علامة صح أمام علي مربع Hide Broadcast بعد ذلك قم بالضغط على حفظ التغيرات SAVE
حذفلوسمحت انا النهارده شحنت النت لحد دلوقتي النت مش شغال اتضح ان النت وصل لحد تاني ممكن تحل المشكله دي
ردحذفهو مش حضرتك جددت الباقة برقمك الارضي الخاص بك المفروض انى خطك هو الي يشتغل، اما بخصوص نقطة انى النت وصل لخط تاني غير خطك، تقدر تتواصل مع خدمة we علي رقم 19777 لتوضيح المشكلة لهم
حذفحضرتك انا بقالي اسبوع بقدم شكوي بخصوص الخط الارضي أنه لا يعمل وليمة ال dsl لا تعمل ولكن المشكلة لم تحل حتي الان
ردحذفحل مشكلتك انك تروح السنترال الي انت مقدم عليها الخدمة متعتمدش علي الشكوة الي قدمته من خلال الاتصال بخدمة العملاء
حذفحضرتك انا تقريبا كل يومين لازم اعمل شكوى والنت بيقطع كل يوم بهذا الاسلوب للاسف اليوم وامس نفس الموضوع ومش عارف ايه السبب الفاتورة مدفوعة و التليفون الارضى شغال ولكن النت بيقطع كل يوم ومش عارف افهم ايه الموضوع وكل ما اتصل بالشركة الأرقام لا ترد وأرسلت ٣ ايميل ومنتظر رد على الشكوى
ردحذفنصيحتى ليك الافضل انك تروح السنترال الي في منطقتك وتبلغ عن مشكلتك بنفسك ويجي فني من السنترال يشوف المشكلة
حذفاذا سمحت انا دفعت الفاتورة فوري لسه نت مش وصل لي مع اني مش علي حاجه دفعها فاتورة التليفون موجود في الرواتر انوار منوره
ردحذفحضرتك دفعت الفاتورة امته علي فوري، لآني في بعض الاوقات بتقعد الفاتورة 24 ساعة علي ما تسدد من فوري وتشتغل الخدمة
حذفحضرتك انا شاحنه النت من 3ايام والنت بطئ جدااا وشاحناه فى ميعاد التجديد والنت بطئ وانا عندي امتحانات وكل انا اكلم 19777الاتصال مش بيحصل ومش عارفة اعمل ايه
ردحذفلم حضرتك بتكلمي خدمة العملاء بيكون ردهم ايه
حذفلو سمحت ان دافع الفاتورة من يوم الاحد ولم تصل الخدمة
ردحذفحضرتك كلم خدمة العملاء علي رقم 19777 طالما عديت 24 ساعة علي دفع الفاتورة ومشتغلتش الخدمة
حذفالسلام عليكم ورحمة الله وبركاته ممكن أعرف تكلفة التقديم علي خط تليفون ارضي بالاضافة الي النت كام
ردحذفوعليكم السلام ورحمة الله وبركاته، بالنسبة الي تكلفة التقديم علي خط ارضي هي 150 جنيه بالاضافة الي الدمغات وبعتذر لحضرتك معرفش تكلفته كم، اما بخصوص اشتراك في الانترنت حتدفع حضرتك اشتراك شهر مقدم ولو حتشترك في باقة 140 جيجا بسرعة 30 ميجا حتدفع 137 جنيه بالاضافة الي 6 جنيه قيمة تأجير الرواتر شهريا تضاف فيما بعد الي قيمة اشتراك النت الشهري
حذفبرن عليكم من رقم 19777 بيدايني مشغوال ع طوال ايه الحل
ردحذففي رقمين تانين الرقم الاول 111 من اي رقم ارضي والرقم الثانى من اي موبايل 01555000111
حذفعاوزه اشترك ف رواتر من غير خط ارضي اقدم فين وبكام محافظه اسكندريه
ردحذفحضرتك بتقدمي في خدمة النت الهوائي ودي بتشتغل من غير خط ارضي والخدمة بتشتغل من خلال خط داتا موبايل وراوتر 4G، وسعر الراوتر 999 جنيه بالاضافة الي قيمة اشتراك شهر مقدمة ويختلف السعر علي حسب الباقة الى حتشتركي فيها، واقل باقة هي باقة 40 جيجا تشحن برصيد 150 جنيه، وبالنسبة للتقديم في الخدمة من خلال اي سنترال تابع للمصرية للآتصالات
حذفالراوتر تاخر جداااااااااا
ردحذفانصحك تروح السنترال متعتمدش علي الاتصال بخدمة العملاء فقط
حذفالنت ضعيف جدااا ومش عارف اعمل اي
ردحذفلو حضرتك كلمت خدمة العملاء والمشكلة متحلتش ادخل اعمل سبيد تيست من اي موقع اختبار لسرعة الانترنت وشوف السرعة الي وصلة عندك كم وروح قدم شكوي في السنترال عشان يجي فني يشوف المشكلة عندك فين بالظبط
حذفحضرتك دلوقتي انا اشتركت ف باقه اضافيه ومعاد تجديد الباقه الاساسيه جه والنت فصل رغم ان لسا ف جيجات ف الباقه الاضافيه ولسا معاد انتهاءها مجاش ورغم كدا النت مش شغال
ردحذفطالما جه وقت التجديد لازم تجدد الباقة حتى لو متبقي عندك جيجابايت من باقتك الاساسية او حتى الاضافية
حذف