اسعار LNB فى مصر 2024 وافضل انواع عدسات الدش

اسعار LNB فى مصر 2024

اسعار عدسات الدش 2024، LNB او كما هي معروفة لدى البعض بإسم (عدسة الدش)، هي جزء رئيسي من مكونات الدش والتى تتكون من (طبق - كابل - رسيفر - ال ان بي)، وعن وظيفته حيث تعمل علي التقاط الاشارة من القمر الصناعي الذي يستقبلها طبق الدش ثم يتم عكسها مره اخرى الى LNB، ونقدم لكم تقرير شامل من موقع اسعار اليوم عن افضل انواع LNB فى مصر واسعارها محدثة لعام 2024، ويشمل التقرير أيضا إلى معرفة اسعار كابلات الدش ستجدونها مضافة في آخر المقال في الاسفل يمكنكم الاطلاع عليها.

افضل انواع عدسات الدش


ال ان بي يوجد منها عدة أنواع مختلفة من حيث عدد المخارج، والاكثر طلبا هو مخرج واحد و2 مخرج و4 مخرج و 8 مخرج، ويمكنك الاختيار علي حسب عدد الرسيفرات التى سيتم تشغيلها على الطبق، بالإضافة إلى وجود العديد من العلامات التجارية في السوق المصري ومن افضلها هي، ستار جولد وبريفيكس وترومان ودريك وانفيرتو وهيوماكس واسترا وتايجر وسترونج.

اسعار LNB فى مصر 2024


  • ال ان بي هيوماكس 1 مخرج موديل HD، بسعر 34 جنيه.
  • ال ان بي هيوماكس 2 مخرج موديل H-5200، بسعر 80 جنيه.
  • ال ان بي دريك 1 مخرج، بسعر 48 جنيه.
  • ال ان بي دريك 2 مخرج موديل D02، بسعر 95 جنيه.
  • ال ان بي استرا 1 مخرج، بسعر 55 جنيه.
  • ال ان بي استرا 2 مخرج، بسعر 175 جنيه.
  • ال ان بي تايجر 2 مخرج موديل LS-200، بسعر 85 جنيه.
  • ال ان بي ترومان 1 مخرج موديل TM-118A، بسعر 50 جنيه.
  • ال ان بي ترومان 2 مخرج موديل T02، بسعر 90 جنيه.
  • ال ان بي بريفكس 1 مخرج، بسعر 50 جنيه.
  • ال ان بي بريفكس 2 مخرج، بسعر 100 جنيه.
  • ال ان بي بريفكس 4 مخرج، بسعر 199 جنيه.
  • ال ان بي كيوماكس 1 مخرج، بسعر 50 جنيه.
  • ال ان بي انفيرتو برو 1 مخرج، بسعر 149 جنيه.
  • ال ان بي سترونج 2 مخرج، بسعر 120 جنيه.
  • ال ان بي يونيفرسال 8 مخرج، بسعر 333 جنيه.
  • ال ان بي جروهي 2 مخرج، بسعر 50 جنيه.
  • ال ان بي ستار جولد 1 مخرج، بسعر 90 جنيه.
  • ال ان بي ستار جولد 2 مخرج، بسعر 130 جنيه.

اسعار سلك الدش 2024


  • سلك دش بطول 40 متر متوفر باللون الاسود، بسعر 53 جنيه.
  • سلك دش بطول 20 متر متوفر باللون الاسود، بسعر 27 جنيه.
  • سلك دش بطول 90 متر متوفر باللون الأبيض، بسعر 145 جنيه.
  • سلك دش بطول 100 متر متوفر باللون الأبيض، بسعر 270 جنيه.
  • سلك دش بطول 75 متر متوفر باللون الأبيض، بسعر 160 جنيه.

سؤال وجواب


  • كيف تعرف lnb تعمل ام لا؟ عند توصيل الكابل بها ثم بعد ذلك تقوم بالدخول الي اعدادات الرسيفر ستجد مربعين هما قوة الإشارة وجودة الاشارة.
  • هل يفرق نوع lnb في قوة الإشارة ام لا؟ نعم يفرق في الاشارة ولكن ليست وحدها ولكن يوجد عوامل أخرى هي نوع الطبق والكابل.
  • هل يمكن تركيب lnb مخرج واحد على رسيفرين؟ للآسف لا يمكنك تشغيله على نفس ال ان بي، حيث يعمل ذلك على فصل القنوات، كمثال يمكن أن تعمل القنوات ذات التردد الافقي علي رسيفر وذات التردد الرأسي علي الرسيفر الثاني.

شارك المقال لتنفع به غيرك

قد تُعجبك هذه المشاركات

إرسال تعليق

73 تعليقات

  1. عندي عدسة 2 مخرج و متوصلة ب 2 رسيفر كل مخرج بكابل منفصل وبالرغم من كدة ال 2 تليفزيون مش بشتغلوا القنوات مع بعض قنوات تشتغل وقنوات تفصل فين الخطاء

    ردحذف
    الردود
    1. بس حضرتك في الحالة دي لازم تجرب كل حاجة لوحدها لمعرفة المشكلة، اولا عليك تجربة الكابلات منفصلة للتأكد من سلامة الكابلات، والخطوة الثانية هى تشغيل كل رسيفير من الاثنين منفصلين وليس معنا، جرب الخطوات دي وان شاء الله توصل لحل ولو مازلت المشكلة مستمرة راسلنا مره اخري

      حذف
  2. كلامك صح يا ميدو لم يكون متوصل اكتر من كبل مع بعض دي اكتر حاجة ممكن تعمل مشكلة في الاشارة وتخليه تقطع

    ردحذف
  3. منذ شهرين قمت بتغيير السلك بواسطه فنى و الان لا توجد اشاره راجعت على السلك و المواصلات مظبوطه . هل ممكن تكون المشكله فى ال LN B
    شكرا

    ردحذف
    الردود
    1. طيب لم بتدخل علي اعدادت الاشارة في الرسيفر بيظهر لك اشارة الكابل بيظهر فيها ارقام ولا بتظهر لك صفر

      حذف
  4. لماذا لاتوجد اقمار غير النايل سات واشارته قويه جدا

    ردحذف
    الردود
    1. الاقمار كتير جدا يا فندم، وقوة الاشارة بتتوقف علي اكتر من حاجة منها حجم الطبق والضبط الصحيح للآشارة القمر وكمان نوع lnb

      حذف
  5. السلام عليكم ، من فضلك اين اجد LNB بخاصيه satcr زي بتاع قنوات osn
    ,a;vh

    ردحذف
    الردود
    1. وعليكم السلام ورحمة الله وبركاته، بالنسبة لنوع LNB صعب تلقيه متوفره في مصر ولكن ممكن تسئل عليها لدي الموزعين المعتمدين لـ OSN وفي الاغلب حتلاقيه متوفره في دول الخليج

      حذف
  6. كيف اعرف ان LnPتعمل ام لا

    ردحذف
    الردود
    1. ممكن تعرفها من خلال الدخول اعددات الرسيفر والدخول علي الاشارة، وان وجدت رقم صفر ظاهر لك في قوة الاشارة في هذه الحالة يوجد مشكلة في lnb اما ان وجدت ارقام فهي تعمل، ملحوظة لا يشترط ان تكون المشكلة لديك في lnb يمكن ان تكون من سلك الاشارة ايضا، وللتأكد يمكنك التجربة بسلك اشارة مسافة متر او مترين للتأكد

      حذف
  7. اشتريت LNBبرفكس وفنى الدش قالى وحشه جدا هات كيوماكس احسن لان اشترتها وحشه فهل ده صحيح

    ردحذف
    الردود
    1. لا يا فندم LNB بريفكس كويسة واشارته حلوه لو حتشغل النايل سات او عرب سات وعن تجربة

      حذف
  8. هل لاحدكم معرفة بسعر ال أن بى صينى شارب سات ال أن بى ثنائى.

    ردحذف
    الردود
    1. كان نفسي اساعد حضرتك لكن للآسف معنديش معلومات عن سعره

      حذف
  9. لو سمحت يافندم عن دي. طبق برفيكس ١٦٠ ممكن اعرف ايه الا يناسب نوع lnb

    ردحذف
    الردود
    1. من احسن الانواع الي ارشحهلك هي ستارجولد وبرفيكس

      حذف
  10. السلآم عليكم ورحمة الله وبركاته
    الدش عندي ٤ مخرج ٤ رسيفر مره وحده الاربعه لا يوجد اشاره الاشاره قويه اما الجوده صفر اه الحل عيب في LNB
    وشكرا

    ردحذف
    الردود
    1. وعليكم السلام ورحمة الله وبركاته، في الحالة دي يا فندم ممكن يكون الطبق اتحرك او المشكلة في LNB

      حذف
  11. هل شبكات المحمول فالمكان تؤثر على الاشارة و اية افضل lnb لو فى ابراج و اجهزة تقوية كتير فالمكان ؟

    ردحذف
    الردود
    1. بالنسبة لشبكة المحمول لو قريبة منك طبعا ممكن تأثر علي الاشارة وتعمل تشويش عليها، لكن تغير LNB مش حيفيدك في حاجة، حاول حضرتك تجرب تحط حاجز خشبى جانب طبق يمنع التشويش

      حذف
    2. ممكن توضح ازاى اركب حاجز خشبى لمنع التشويش لانى عندى نفس المشكله فى تردد mbc بسبب التشويش وهل فعلا ف LNB مانع للتشويش عشان عاوز انزل تردد 11470 ع النايل سات

      حذف
    3. لو جمبك شبكة محمول بتحط لوح الخشب من الناحية الي عندها الشبكة وقبل ماتثبت الخشبة هات الاشارة وشوف اعلي اشارة حتيجي معاك وفي المكان ده ثبت الخشبة، ولو منفعتش معاك الطريقة دي ممكن تجرب تنقل الطبق من مكانها، وبالنسبة الي LNB مفيش نوع يمنع التشويش نهائى هو في انواع ممكن بتقلل معدل التشويش

      حذف
  12. هل يمكن استقبال النايل سات علي طبق ٦٠ سم بعدسة ٨ مخارج

    ردحذف
    الردود
    1. ممكن عادي تشغل 8 مخرج علي الطبق، بس ممكن تعمل مشكلة في بعض القنوات ما تشتغلش او تقطع علي بعض اجهزة الرسيفر، والسبب انى فيه بعض الرسيفرات بتتعارض مع بعض على القطعه 8 او 4 مخرج كمان

      حذف
  13. عاوز اشغل ٢ ريسيفر انهو افضل اعمل لكل واحد lnb و طبق منفصل و لا اجيب ناقل اشاره ب ٢ مخرج ؟ بس قلقتوني ان فيه قنوات ممكن ما تشتغلش ع الاتنين او ما تشتغلش خالص اوجو الافادة

    ردحذف
    الردود
    1. بص هو المشكلة مش بتكون في نوع lnb نفسها الي بتعمل مشكلة في بعض القنوات لكن في بعض انواع الرسيفرات الصيني الرخيصة هي بتعمل المشكلة عدم تشغيل بعض القنوات او تقطيع في صورتها، لو انواع الرسيفرات الي انت جايبه كويسة يبقي ركب lnb 2 مخرج، اما لو انواع رخيصة انصحك تخلي كل واحد علي طبق لوحدو، وخلي بالك ممكن بردو تركب lnb ويشتغل معاك كويس في البداية وبعد فترة تحصل المشكلة الي قولتلك عليه في البداية

      حذف
  14. لا الريسيفر نوعه نظيف جدا sky full hd و حاجة محترمة مش رخيص و لا تعبان عموما هجرب ال lnb ب ٢ مخرج و ربنا يستر

    ردحذف
    الردود
    1. لا جرب وان شاء الله حتشتغل معاك بدون مشاكل طالما الرسيفر نوع كويس

      حذف
  15. السلام وعليكم من فضلك افضل انواع lnb ايه هي جوده كويسه

    ردحذف
    الردود
    1. وعليكم السلام ورحمة الله وبركاته، هو من افضل الانواع الي في السوق هي ال ان بي ستارجولد وسعره 90 جنيه وانفيرتو برو ودي سعره 170 جنيه، والانواع دي لو حضرتك محتاج حاجة عالية من حيث جودة وقوة الاشارة

      حذف
  16. أسعار موتور طبق الدش المتحرك من فضلك وعنوان بيعها

    ردحذف
    الردود
    1. بالنسبة لموتور الدش اسعارها حاليا متفاوتة يعني في انواع بتوصل سعرها لـ 700 جنيه، انصحك تشوف موتور استعمال افضل وسعرها مش حيتخطي الـ 200 جنيه، ولو انت مش حتجيب استعمال وحتجيب جديد يبقي هات موتور سوبر جاك 24 بوصة ده من افضل الانواع في السوق وسعره 520 جنيه

      حذف
  17. السلام عليكم ، عندي استفسار و محتاج مساعده ، عندي LNB اثنين مخرج خارج منه سلك (أ) نازل على رسيفر الهيئة العربية للتصنيع ، سلك (ب) داخل في دايزك و نازل على رسيفر سونيك.
    تم تركيب دايزك على السلك (أ) و استقبال الاشارة جيد جدا على جهاز الهيئة العربية ، و تم تغيير سلك (ب) بالكامل و لكن يوجد بعض الترددات ضعيفة جدا جدا و في قنوات لا تعمل على الجهاز سونيك الا عند تشغيل جهاز الهيئة العربية ، كانت القنوات تعمل جيدا على رسيفر سونيك قبل إجراء التعديلات.
    كده العيب في ايه ؟
    ارجوا أكون عرفت اوضح المشكلة .

    ردحذف
    الردود
    1. وعليكم السلام ورحمة الله وبركاته، طيب دلوقتي حضرتك ركبت الرسيفر الاول في نفس المخرج الي كان راكب عليه في الاول ولا عكست الجهازين، وتانى نقطة هو ليه حضرتك مركب دايزك مش مركب مباشر من lnb للرسيفر عالطول طالما انت مركب قمر واحد بس، في انتظار ردك بخصوص سؤالي

      حذف
  18. عندى طبق180 بريفكس
    ايه افضل عدسة ليه فى السوق بمخرجين مكان بيعها

    ردحذف
    الردود
    1. ممكن حضرتك تجيب LNB ستار جولد دي ممتازة واشارته قوية، وبالنسبة للآماكن بيعها مقدرش احدد لحضرتك محل معين، لكن ممكن تطلبها اونلاين من جوميا مصر او سوق كوم

      حذف
  19. السلام عليكم ممكن استفسر انا عندي lap متركب من حوالي سنتين علي طبق 120ومتوصل ب2ريسيفر وكان شغال كويس جدا و من شهر مش بيشغل غير ريسيفر واحد والتوصيلات متوصلة والسلك جيد جدا ما السبب

    ردحذف
    الردود
    1. وعليكم السلام ورحمة الله وبركاته، طيب حضرتك جرب تعكس الكابلين مع بعض من lnb يعني تركب كابل الرسيفر الي شغال في المخرج الي عليها الرسيفر الي مش شغال، جرب وقولي كده ايه الي حصل عشان اوضح لحضرتك المشكلة في ايه

      حذف
  20. هل فيه عدسات معدلة باتباع ولا لازم اعملها بنفسي

    ردحذف
    الردود
    1. للآسف العدسات المعدلة لازم تعدله بنفسك وتغير كريستالة العدسة

      حذف
  21. السلام عليكم عندى طبق ٩٠ بريفكس عليه قطعة ٢مخرج واصل كل مخرج بشاشة سامسونج برسيفر داخلى القنوات فى الاتنين بتبقى موجودة وفجأة تقطع بعض القنوات واحيانا كلها فى شاشة واحدة افك السلك من الشاشة واشيك عليه واركبه ويبقى تمام وتيجى القنوات وبعدها تقطع عالشاشة التانية والعكس بالعكس ياترى فين المشكلة

    ردحذف
    الردود
    1. وعليكم السلام ورحمة الله وبركاته، هو في مشكلة في الرسيفر الداخلي لم بتشغل الاتنين شاشة مع بعض للآسف بتفصل، جرب انك لم تشيل الكابلات وتركبه تاني افصل الشاشتين وركب الكابلات، لو فضلت نفس المشكلة معاك، يبقي حتجرب الشاشة الي مش شغاله لوحدة من غير متكون مركب كابل الشاشة الشغالة علي LNB، جرب الطريقتين دول وقولي ايه الي حصل معاك بعده

      حذف
  22. ممكن اوصل قمر نايل سات و اوروبي علي طبق 85

    ردحذف
    الردود
    1. ايوه ممكن تشغل القمرين علي طبق 85 سم لكن خلي بالك ممكن يكون في بعض الباقات ضعيفة علي القمر الاوربي

      حذف
  23. الردود
    1. بعتذر لحضرتك معنديش معلومات عنها او عن سعره والي اعرف سعره هو الـ 1 او 2 او 4 او 8 مخرج

      حذف
  24. مفيش مشترك لي كامتين مع بعض بدل ما تبقي كامع واحده بمخرجين

    ردحذف
    الردود
    1. انت قصدك عايز تشغل 2 LNB مع بعض ينزلو علي الرسيفر بكابل واحد وكل LNB قمر مختلف لو ده قصد حضرتك، يبقي حضرتك حتركب دايزك وهو الي بيتجمع عليها الكابلات وينزل كابل واحد علي الرسيفر

      حذف
  25. السلام عليكم
    ليا سؤال لو سمحت
    عندى طبق ١٨٠ سم عليه لاقط اشارة ٤ مخرج شغال من اكتر عشر سنوات
    فى قنوات كتير اشاراتها ضعيفه على التايل سات و عندى طبق ٢٤٠ سم عليه الاوربى و لاقط ٤ مخرج و برضه غالبية اشارته ضعيفة و يمكن مش جايه اصلا و الطبقين داخلين على دايزك ٤ مخرج .. تنصحني بأيه و ايه افضل لاقط اشارة فى السوق و هل اغير الاسلاك و الديزك الرباعى ..و شكرا لحضرنك

    ردحذف
    الردود
    1. وعليكم السلام ورحمة الله وبركاته، عشان اكون صريح مع حضرتك يفضل انك تجيب فني يعرف المشكلة في ايه عندك، لآني ممكن تكون المشكلة من الدايزك او الكابلات او lnb او ضبط الاشارة في الطبق عشان كده مقدرش احدد لحضرتك، بس لو عايز تتأكد من كل حاجة لوحدها، اول حاجة افصل الدايزك ووصل الكابل مباشر وشوف حيكون شغال ولا نفس المشكلة

      حذف
  26. هل يوجد عدسة نوفا السوداء الأصلية؟وبكم السعر؟

    ردحذف
    الردود
    1. متوفرة في سوق كوم مخرج واحد بـ 79 جنيه ومخرجين بـ 104 جنيه

      حذف
  27. من فضلك افضل نوع عدسه ٢ مخرج ايه وتكون عن تجربه ومتوفره

    ردحذف
    الردود
    1. لو حتشغل عليها نايل سات ارشحلك ماركة ستار جولد من الانواع الجيدة في الاشارة ومتوفرة بكثرة في الاسواق وسعره اليوم 130 جنيه

      حذف
  28. عندى اشارة بعض الترددات قوية وبترددات مبنصلش الى ٢٥ قوة هل ده عيب من lnp
    رغم ان الطبق مظبوط

    ردحذف
    الردود
    1. مشكلة ضعف الاشارة ممكن تكون من اكثر من حاجة، في البداية هل الترددات الضعيفة كانت شغالة عندك قبل كده وضعفت، ولو حضرتك متأكد من انى الطبق مظبوط والترددات دي كانت شغالة كويس ممكن تكون المشكلة في السلك او lnb والاغلب حتكون من lnb

      حذف
  29. لوسمحت انا غيرت السلاك كذا مرة والطبق حركته كتير بيقولى فيه مشكله فى lnbجربت السللك فى طبق تانى مشتغلش جربتالريسفر اشتغل ايه المشكلة لو سمحت ممكن تكون من السللك ولا ايه

    ردحذف
    الردود
    1. حضرتك بتقول انك جربت السلك علي طبق تانى شغال لكن السلك مشتغلش يبقي اكيد كده المشكلة في السلك، ولو السلك جديد اتأكد انى السلك النحاس مش ملمس في سلك التشعيرة الفضي لآني ده حيخلي السلك ميشتغلش

      حذف
  30. Np انفرتوبرو 4مخرج تعمل كام

    ردحذف
    الردود
    1. للآسف مش متوفر سعر الـ 4 مخرج حاليا من انفرتو برو والمتاح منها هو مخرج واحد وسعره اليوم 149 جنيه

      حذف
  31. عندي عدسه ب مخرجين وكانوا شغالين تمام فجاه الاتنين فصلوا والطبق متحركش من مكانه وجربت السلك ف طبق تاني اشتغل .. كده المشكله من العدسه ولا ايه

    ردحذف
    الردود
    1. ممكن حصرتك تدخل علي اعدادت الرسيفر وحتلاقي جودة الاشارة وقوة الاشارة شوف قوة الاشارة ولو لقيته صفر يبقي كده المشكلة في LNB اما لو لقيت قوة الاشارة فيها ارقام عالية يبقي كده الطبق اتحرك، وخلي بالك مش شرط الطبق يتحرك ممكن يكون خد خبطو او هوا شديد ولو اي حركة بسيط حتضيع الاشارة

      حذف
  32. لو سمحت انا مركب عدسه ٤ مخرج ومشغل ٣ رسيفر لاحظت بعد فتره فيه مشكله فى الافقى والرأسى ايه الحل

    ردحذف
    الردود
    1. مشكلة تشغيل الترددات الرأسي او الافقي دي بتكون في الاغلب من LNB لكن عشان تتأكد جرب الاول شغل رسيفر واحد وجربو علي الاربع مداخل وشوف حتشتغل كل الترددات ولا لا

      حذف
  33. لو سمحت انا جيبت فني يصلحلي الدش ما كانش لاقط اشارة خالص، نوعه ivoom اخد مني ٤٠٠ جنية، ٢٠٠ جنية سلك ابيض مش عارف نوعه، انا ساكن في الدور التالت، و غير عدسة بمخرجين و فلانشة سبايتر، هل كده تمام و لا نصب عليا؟؟ شكرا علي الافادة مقدما و اسف علي الاطالة

    ردحذف
    الردود
    1. بص استاذ محمد مقدرش اقولك بالظبط، لآنى التكلفة دي تتوقف علي حسب نوع السلك ايطالي ولا اسبانى وكمان كم متر وكمان نوع LNB الي ركبه ايه وفوق ده كله المصنعية الخاصة بيه دي هو الي بيحددها

      حذف
  34. هل ممكن معرفة هل قطعة Lnb شغاله ام لا قبل التركيب ع الطبق؟

    ردحذف
    الردود
    1. تقدر تعرفه من خلال تركيبه علي كابل الدش وتدخل علي اعدادت الاشارة في الرسيفر وتشوف في قوة اشارة قدامه مكتوب ارقام ولا صفر لو لقيته في ارقام يبقي شغالة، بس في نقطة تانية، النقطة بتاعة قوة لاشارة بتختلف مش ثابته في كل الاجهزة

      حذف
  35. من فضلك عدسه رويال ٢مخرج اشارتها رأي حضرتك فضلك؟

    ردحذف
  36. لو سمحت عندي مشكله وهي ان انا مركب قطعه اربعه مخرج واللي بيحصل ان القطعه بتشتغل تمام لما بيكون في اكتر من ريسيفر شغال لكن لما بيكون رسيفر واحد شغال بيحصل ان في قنوات بتشتغل وقنوات لا مع العلم اني غيرت العدسه قبل كده لاني شكيت فيها وبرضوا نفس المشكله

    ردحذف
    الردود
    1. المشكلة دي بتحصل مع اي رسيفر من الاربعة لم يكون شغال لوحده ولو رسيفر واحد منهم

      حذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/