اسعار اطباق الدش فى مصر 2024 بجميع انواعها واحجامها

اسعار اطباق الدش فى مصر 2024، يعتبر طبق استقبال القنوات الفضائية من ضمن مكونات الدش بالاضافة الى الرسيفر وال ان بي وكابل الإشارة ولا يمكن تشغيل القنوات بدون وجود أي من المكونات المذكورة، ولكن من أهم هذه المكونات هو طبق الستالايت، حيث يبحث الكثير منا عن شراء افضل انواع اطباق الدش، ولذلك يقدم اليكم موقع اسعار اليوم تقرير شامل يخص الأسعار والعلامات التجارية الشهيرة في مصر التي يمكنك الشراء منها وانت مطمئن وهي شركة برفكس وكامكس وعلام، ونأمل أن تساعدك هذه المقالة في الاختيار الصحيح.

اسعار اطباق الدش 2024

معلومات تساعدك في اختيار طبق الدش


  • اطباق الدش يوجد منها نوعين الاول مصنوع من الألمونيوم والثاني مصنوع من الصاج، والنوع الثاني هو الاكثر مبيعا في مصر ولكن يعيبه الصدأ، والنوع الأول غير قابل للصدأ أو التآكل ولكن سعره مرتفع.
  • اما بالنسبة الي افضل العلامات التجارية والشركات المصنعة لـ أطباق الدش في السوق المصري فهي (طبق دش برفكس - طبق دش استرا - طبق دش باراكليبس - طبق دش علام - طبق دش كامكس - طبق دش ECC).
  • ويختلف استقبال عدد الاقمار في كل طبق من حيث العدد كمثال من بداية مقاس 50 سم وحتى 70 سم يستقبل قمر واحد، وفيما فوق يمكن ان يستقبل اكثر من قمر كمثال مقاس 85 يمكن أن يستقبل قمرين من خلال تركيب مسطرة ولكن يمكن أن تكون بعض القنوات ضعيفة وبها تقطيع، مقاس 100 سم وفيما فوق يمكنه استقبال ثلاث اقمار او اكثر.
  • ما هي أحجام اطباق الدش الموجوده في السوق المصري، تبدأ المقاسات من 50 سم - 60 سم - 70 سم - 80 سم - 85 سم - 100 سم - 120 سم - 125 سم - 160 سم - 180 سم - 240 سم.

افضل انواع اطباق الدش 2024

اسعار اطباق الدش 2024


  • سعر طبق الدش بريفيكس 85 سم يبلغ 790 جنيه.
  • سعر طبق الدش بريفيكس 85 سم الومنيوم يبلغ 890 جنيه.
  • سعر طبق الدش بريفيكس 120 سم يبلغ 1150 جنيه.

سعر طبق الدش 70 سم 2024


  • سعر طبق دش برفكس 70 سم صاج يبلغ 390 جنيه.
  • سعر طبق دش برفكس 70 سم الومنيوم يبلغ 600 جنيه.
  • سعر طبق الدش 70 سم كامكس يبلغ 390 جنيه.

سعر طبق الدش 100 سم 2024


  • سعر طبق دش برفكس 100 سم يبلغ 990 جنيه.

اسعار اطباق الدش المستعملة


وصلتنا الكثير من الرسائل عبر صفحتنا على الفيس بوك وعبر موقعنا الكثير من الاستفسارات عن الأطباق المستعملة وكيفية تقييم سعرها، لذلك قررنا أن نوضحها لكم في المقال، ويمكنك تحديد السعر من خلال النقاط التالية، في البداية يجب عليك النظر إلى حالة الطبق، ويمكن تقييمها من خلال الشكل الخارجي للطبق من حيث الصدأ أو الانحناءات أو الفتل وهذه اهم نقطة يجب ان تنتبه لها، بالإضافة إلى حالة وجودة الدراعات الثلاثة وضع الحجم في الحسبان أيضا.

وننصحك عزيزي الزائر اذا كنت تفكر في شراء طبق دش مستعمل فعليك بشراء أي حجم من الأحجام التالية، 160 سم او 180 سم او 240 سم، اما ان كان حجم الطبق أصغر من ذلك فأنصحك بشراء الجديد افضل لك وذلك من حيث التكلفة.

بذلك اكون قدمت اليكم بعض انواع طبق الدش واسعارها، واذا كان لديك أي استفسار عن اي مقاس من المقاسات الموجودة داخل المقال المناسب اليك، فلا تتردد في ترك تعليق أسفل المقال وسوف نقوم بالرد عليك في أقرب فرصة ممكنة.

الزوار مهتمين أيضا بمعرفة اسعار مكونات الدش محدثة لعام 2024 ومنها: افضل انواع LNB واسعارها

شارك المقال لتنفع به غيرك

قد تُعجبك هذه المشاركات

إرسال تعليق

108 تعليقات

  1. هل يمكن استقبال الاقمار التركي والازوري والياه سات على طبق متر برفكس وما الطريقة

    ردحذف
    الردود
    1. بص هو يشتغل عادي بس انصحك لو تركب طبق 120 سم، لضمان عدم التقطيع في بعض القنوات، وبالنسبة لطريقة التركيب، يتم تركيب قمر الياه سات في المنتصف، وبالنسبة للقمر التركي والازري يتم تركيبهم علي مسطرة من ناحية الشرق

      حذف
  2. هل أطباق برفكس هي من الألومنيوم و هل هي افضل ماركة في أطباق الاستقبال ، و جزاكم الله كل خير

    ردحذف
    الردود
    1. اطباق الدش المصنوع من الألمنيوم افضل في الاستقبال بس المشكلة انك ممكن مش حتلاقيه متوفرة بكثرة في السوق المصري، وبخصوص ماركة بريفكس تعد من الاوائل في هذا المجال

      حذف
  3. سعر طبق بريفكس ecc ٢٤٠ سم

    ردحذف
    الردود
    1. اكبر مقاس طبق دش متاح حاليا هو المتر، اما بخصوص سعر طبق 240 سم معنديش معلومة عنها حاليا بعتذر لحضرتك

      حذف
  4. هل ممكن الاقي استاند. أطلق ١٨٠ وبكام

    ردحذف
    الردود
    1. الافضل لو حضرتك عملتو عمولة في المدينة الصنعية عند اي ورشة لحام حيكون اوفر ليك واقوي كمان

      حذف
  5. عايز فني دش يكون بيفهم يظبطلي مشكلة الإشارة وتداخلها والكونفليكت اللي بيحصل مع استخدامه في أكثر من غرفة
    وبكم سعر طبق المتر حالياً. وشكراً جزيلاً

    ردحذف
    الردود
    1. بخصوص فني الدش بعتذر لحضرتك مش حقدر اساعدك في طلبك، واما سعر الطبق المتر بـ 315 جنيه البريفكس، وبخصوص المشكلة الي انى الاشارة بتكون فيه مشكلة عندك، اكيد حضرتك مركب كابل واحد لكل الغرف الي في الشقة ومتوصل بيهم وده هو اكيد الي عامل المشكلة، وتأكيد لكلام لو حضرتك جربت تشغل علي اول وصلة جايه من الطبق في اول غرفة حتلاقي الاشارة والقنوات شغال تمام.

      حذف
    2. لا أبداً.. كل غرفة بسلك منفصل ومتجمعين على دايزكات لأني عندي عرب سات ونايل سات

      حذف
    3. انا مشغله عندي في ٣ أماكن.. واحد منهم نايل بس، ومكانين شغالين نايل وعرب. في قنوات مابترضاش تشتغل غير لما اشغل الدش في الاوضة التانية!!

      حذف
    4. حضرتك مجمع كابلات الطبقين علي ديزك واحد ومنزلهم لتحت علي كابل واحد صح كده، عشان تعرف حل المشكلة، لازم اول حاجة تجرب تركب الكابل الرئيسي مباشر علي lnb بدون الديزك وتشوف القنوات حتشتغل عندك كويس ولا لا لآني الاغلب حتكون هي المشكلة كلها من الديزك بس جرب الاول واتاكد

      حذف
    5. مافهمتش حضرتك بصراحة.. فحاول أوضح اللي أقصده
      انا عندي طبقين.. واحد نايل والتاني عرب.. الطبق النايل عليه عدسة ٤ مخرج وطالع منه ٣ اسلاك، واحد منهم رايح مباشرة على غرفة مافيهاش غير نايل بس، والاثنين التانيين متجمعين على ٢ دايزك وطبق العرب عدسته ٢ مخرج بس، وطالع منها وصلتين رايحين على الديزكين.. وطبعا كل دايزك مخصص لغرفة وطالع من كل دايزك سلك للغرفة بتاعته.
      يعني مفروض مايحصلش تداخل فمش فاهم ليه المشكلة

      حذف
    6. كده المشكلة لازم فني دش يشوفه علي الطبيعة عشان يقدر يحدد المشكلة فين، كان نفسي اساعد حضرتك بس للآسف معنديش حل

      حذف
    7. كفاية رد حضرتك واهتمامك. أشكرك جزيلاً.

      حذف
  6. هل طبق 85ممكن يستقبل عرب سات ونايل سات

    ردحذف
    الردود
    1. يستقبل عادي قمر النايل والعرب سات، بس ممكن تكون في قنوات اشارته ضعيفة علي العرب سات، ويفضل انك تركب طبق متر للضمان

      حذف
  7. هل طبق 85يستقبل قمر الأوروبي

    ردحذف
    الردود
    1. ايوه يستقبلها بدون مشاكل، ولكن ممكن لو ركبت معاها عرب ونايل علي مسطرة ممكن تكون في بعض القنوات اشارته مش قوية

      حذف
  8. استفسار لو سمحت ممكن ادهن الطبق بماده عازله علشان ما يصديش ولا ممكن ده ياثر علي جوده الاشاره

    ردحذف
    الردود
    1. عادي لو عايز تدهن الطبق مش هيأثر معاك في الاشارة متقلقش، بس اهم حاجه خلي بالك انك تحرك الطبق

      حذف
  9. ايه افضل الانواع اللي بتتعلق في حائط البلكونه

    ردحذف
    الردود
    1. افضل مقاس مناسب في البلكونة هو طبق 70 سم، وبالنسبة للنوع ارشحلك طبق بريفكس

      حذف
  10. هو حضرتك عندى طبق بريفكس ٧٠ هو ممكن يستقبل اى قمر غير النايل سات وممكن ادهنوه ماده عازله للصدا لان بيصدى بسرعه وكل فتره مطره انى اغير الطبق

    ردحذف
    الردود
    1. ممكن يستقبل قمر اموس او قمر بدر بس حتكون الاشارة ضعيفة في قنوات كتير في قمر بدر عربسات، وبالنسبة لدهان الطبق عادي مفيش مشاكل وحيشتغل تمام

      حذف
  11. عاوز طبق 100بريفيكس للعلم انا من بورسعيد

    ردحذف
    الردود
    1. موقعنا لا يبيع المنتجات ولن نضع اسعارها فقط، ولو عايز تشتري من موقع اون لاين ممكن تشتري الطبق من سوق كوم مصر

      حذف
  12. لو سمحت لو ركبت طبق ٦٠ في بلكونه هل ده ياثر على الاشاره
    وقنوات الاتش دي تشتغل تمام
    واستقسار تاتي لو سمحت هل طبق ٧٠ ممكن يتزل عليه الاوربي وهيكون مباشر على ال ان بي لوحده
    وشكرا لحضرتك على تعبك

    ردحذف
    الردود
    1. بالنسبة للسؤال الاول طبق 60 يشتغل عادي عليه قمر النايل سات بجميع قنواته ولو حيركب في البلكون اهم حاجة مايكونش فيه حاجة قدامو عشان ماتحجبش الاشارة، اما بالنسبة للقمر الاوربي طبق 70 حيكون ضعيف جدا عليها واصغر طبق ممكن يشتغل عليها هو مقاس 85 سم.

      حذف
  13. عندى طبق 160 المونيوم بحاله ممتازه للبيع سعره كام

    ردحذف
    الردود
    1. كان نفسي اساعد حضرتك بس للآسف مش حقدر اقول لحضرتك سعر محدد، لآني معنديش خلفية عن اسعار طبق الدش المستعملة

      حذف
  14. لو سمحت عاوز اعرف احسن وافضل تجميعة اقمار على طبق متر بخصوص الرياضة وياريت لو القنوات اتش دى بس ياريت لو سمحت افضل تجميعة عن تجربة ... وشكرا ⁦❤️⁩

    ردحذف
    الردود
    1. بص حضرتك افضل تجميعة علي طبق متر هي دي، حتركب حضرتك القمر الاوربي في المنتصف، وبعد كده في 3 اقمار حتركبه علي مسطرة علي الشمال وهما بالترتيب التالي اولا القمر البلغاري وبعد كده قمر اموس واخر قمر هو النايل سات

      حذف
  15. من فضلك استفسار هام .. عايز اركب طبق النايل سات في البلكونه ، أنا في الدور الثالث وعرض الشارع ٨ متر واتجاه القمر متاح لكن هناك عمارات ترتفع عني ثلاثة أدوار في اتجاه القمر .. ولكني أرى السماء والفضاء بسهوله.. فهل يمكن استقبال القمر ؟

    ردحذف
    الردود
    1. بص يا فندم طالما اتجاه القمر متاح ومفيش حاجه واقفه في وش الطبق مباشر يبقي حيستبقل معاك عادي بدون مشاكل، والمسافة الي حضرتك بتقول عليه دي مناسبة

      حذف
  16. الردود
    1. بص حضرتك هو اقل طبق يستقبل الفيدات هو بحجم 160 سم او 180 سم وده الاحسن عشان تضمن صورة كويسة ومتقطعش، وبخصوص الاسعار معنديش معلومات عنها حاليا بعتذر لحضرتك

      حذف
  17. السلام عليكم ورحمة الله وبركاته
    من فضلك عندي طبق ٦٠ سم يستقبل النايل سات لكنه صدأ، فهل يحتاج تغيير الطبق أو المقاس مع العلم أن بعض القنوات لا تعمل مثل قناة الرحمة وقنوات الكرتون الجديدة ميكي وبطوط وكيدزينيا وقناة ميكس هوليوود وبعضها يعمل متقطع

    ردحذف
    الردود
    1. وعليكم السلام ورحمة الله وبركاته، لو حضرتك الطبق مصدي بس بحالتو يعني مفهوش اي مشاكل مش حتحتاج تغيرو والمشكلة كده انك تظبط الاشارة بس وحتشتغل القنوات الي بتقطع، لكن لو الطبق في مشكلة او في اي انحناء في الحالة دي الوحيدة الي حتضطر عشانه تغير الطبق

      حذف
  18. لو سمحت عاوز موتور سوبر جاك 24ووحده تحريك يعملوا كام
    ومكان المحل أن امكن

    ردحذف
    الردود
    1. موتور دش 24 بوصة سوبر جاك سعرها اليوم 295 جنيه، وبخصوص اماكن البيع بعتذر لحضرتك الاماكن الي اعرفه اون لاين

      حذف
  19. هل من الممكن تركيب النايل سات والياة سات واليوتل سات مع بعض على طبق 100

    ردحذف
    الردود
    1. ايوه ينفع تركب 3 اقمار علي طبق 100 سم والتقسيمة بتاعتهم حتكون كده، انك حتظبط في النص العرب سات و3 اقمار حيركبو علي مسطرة علي اليمين حيكون قمر الياه سات وعلي الشمال حيكون الاول قمر دبليو 3 وبعدها النايل سات.

      حذف
  20. عندي طبق 180 ايه افضل lnb له و بكام و هل يستقبل قمر استرا كاملا

    ردحذف
    الردود
    1. افضل نوع LNB هو (فوجي) والنوع ده قوي جدا، اما بخصوص استفسارك عن استقبال قمر استرا كاملا فهو صعب في مصر ولكن دي بردو تتوقف علي المحافظة والمكان الى انت موجود فيه

      حذف
  21. سعر الlnb 8 مخرج ايه ؟؟ و الطبق ١٠٠ سم بكام ؟؟

    ردحذف
    الردود
    1. سعر lnb عدد 8 مخارج بـ 325 جنيه وطبق المتر بريفكس متر بسعر 300 جنيه

      حذف
  22. السلام عليكم حضرتك ممكن تركيب قمر يوتلسات ٩ مع الأوربي على طبق متر

    ردحذف
    الردود
    1. وعليكم السلام ورحمة الله وبركاته، ايوه يا فندم ينفع تستقبل القمرين مع بعض علي طبق متر، بس اول حاجة بتظبط قمر استرا 19 في النص، وبد كده بتخلي القمرين علي المسطرة وهما جمب بعض مش بعاد عن بعض

      حذف
  23. عندى طبق ١٢٠ فيه بعض التطبيقات يمكن اصلاحه وبين لو سمحت انا من الزقازيق

    ردحذف
    الردود
    1. لو حضرتك تقصد انك عايز تشغل الطبق بس فيها خبطة، لو ده قصدك عادي ممكن تسترد مكان الي فيه الخبطة دي ويشتغل الطبق عادي بدون مشاكل

      حذف
  24. ممكن اعرف سعر طبق ٦٠ سم وlnb ولفة السلك ٢٠ متر

    ردحذف
    الردود
    1. كان نفسي اساعد حضرتك بخصوص سعر الطبق 60 سم لكن للآسف غير متاح سعرها حاليا والمتاح بداية من 70 سم

      حذف
  25. لو سمحت عايز اعرف هو طبق ECC متر صافي كام

    ردحذف
    الردود
    1. للآسف بعتذر لحضرتك غير متوفر سعرها حاليا

      حذف
  26. كيفية تحديد الطبق متر او 85سم أو غير ذلك

    ردحذف
    الردود
    1. هل حضرتك تقصد تحديد حجم الطبق المناسب مع عدد الاقمار التى يمكن ان يستقبلها، ولو كان ده قصد حضرتك انا موضح داخل المقل عدد الاقمار الي يستقبلها كل طبق

      حذف
  27. الردود
    1. صعب انك تلقي طبق 180 جديد في الفترة دي واكبر حاجة ممكن تلقيه هي 120 سم، ملحوظة ان بقول صعب لكن ممكن تلقيه والاغلب حيكون استعمال

      حذف
  28. السلام عليكم
    قدامي طبق 180 مستعمل وفني الدش قاللي ممكن يتعمل له شوية صيانة ويشغله
    هل هقدر اشغل عليه استرا 19 وانا في الشرقية

    ردحذف
    الردود
    1. وعليكم السلام، ممكن تستقبل القمر عليها بس اهم حاجة تكون حالة الطبق جيدة وكمان ال ان بي تكون اشارته قوية

      حذف
  29. الاشارة غير ثابته عندي تكون علي 85 وتعود الي عشرين واقل واحيانا علي صفر ثم ترتفع مرة اخري الي 80 انا بجوار الطبق ليس عيب سلك او ال إن بي هل عيب في الطبق استبدله بآخر اللي عندي 80 ومركب عليه نايل سات

    ردحذف
    الردود
    1. لو الاشارة بتقطع مره وحدة، فيها اكتر من حاجة ممكن تتأكد منها، ولكن بما انى حضرتك قولت ان السلك وال ان بي سليمة، يبقي في الحالة دي تأكد حضرتك من اني الطبق ثابت ومش بيتحرك، وكمان ممكن حضرتك تجرب تركب رسيفر تاني عشان تتأكد انى المشكلة من الطبق ولا لا

      حذف
  30. بعد اذنكم انا اشتريت طبق برفكس متر بس ملقتش معاه المسطره الكبيره ولا الحديده الي بيتثبت عليها ده العادي ولا مفروض بيبقو من الملحقات في الكرتونه ؟؟

    ردحذف
    الردود
    1. الطبق المتر مش بيجي معاه المسطره انت بتشتريه لوحدها

      حذف
  31. عاوز رقم شركه لشراء طبق الدش مستعمل٢٨٠ مصنوع من الألمنيوم

    ردحذف
    الردود
    1. كان نفسي اساعدك، بس للآسف اسعار الاطباق المستعملة معنديش معلومات عن سعرها بالحجم الي حضرتك بتستفسر عنو

      حذف
  32. ممكن سعر بق ١٦٠ متر ثابت و يتركب عليه مسطره

    ردحذف
  33. هو الطبق البريفكس المتر بيجي معاه مسطره

    ردحذف
    الردود
    1. لا يا فندم الطبق بيجي من غير مسطرة، فيه بعض التاجر بتضيف المسطرة معاه

      حذف
  34. دلوقتى انا عاوز افتح كل الاقمار المتاحه مطلوب اشترى ايه م الاول خالص

    ردحذف
    الردود
    1. بص لو حضرتك حتشغل كل الاقمار في حالين الاول حتركب طبق 160 سم وعليها مسطرة تركب لكل قمر lnb وبعد كده الكابلات بتتجمع علي ديزاك وبينزل كابل واحد للرسيفر، والحل الثاني حتركب بدل المسطرة موتور متحرك بس ده للآسف مش حتلقيه متوفر بكثرة

      حذف
  35. سعر طبق بريفكس 120 سم كام؟ وايه المقاس الأكبر منه وسعره

    وأقدر اركب عليه كام قمر في الدقهلية ولو أمكن ترتيبهم من حيث التركيب

    ردحذف
    الردود
    1. سعر الطبق 120 سم 450 جنيه، والاقمار الي ممكن تركبه عليها هي اربع اقمار بالترتيب التالي، في المنتصف القمر الاوروبي وفي الجهة اليمني يتم تركيب قمر العرب سات علي مسطرة، والجهة اليسري يتم تركيب قمر قبرص والنايل سات علي مسطرة، وممكن تركب اقمار تاني غير دول بس بأتجاه وترتيب مختلف

      حذف
  36. عاوز اعرف امكان بيع الجمله

    ردحذف
    الردود
    1. اماكن بيع الجملة حتلقيه في معارض ابو العزم في الاسكندرية والقاهرة في باب اللوق والعتبة

      حذف
  37. عاوزه اركب دش في الشباك وانا في الدور الاول علوي بدل الطبق الكبير علي السطح لمنع المشاكل بأقل تكاليف

    ردحذف
    الردود
    1. عادي يا فندم ممكن تركبي طبق مقاس 60 او 70 سم، بس اهم حاجة ميكونش في حاجز قصاد البلكونة يحجب الاشارة

      حذف
  38. طريقة اختبار ال إل إن بي شغال أو عطلان

    ردحذف
    الردود
    1. طريقة اختبار LNB لو شغالة حتظهر ليك قوة الاشارة فيها ارقام ولو فيه مشكلة حتظهر ليك صفر، بس خلي بالك من نقطة قوة الاشارة مش جودة الاشارة لاني دي بتكون صفر لو الطبق مش مظبوط

      حذف
  39. انا من كفر الشيخ ومش لاقي اطباق 120 ممكن حد يقولي الاقي فين

    ردحذف
    الردود
    1. ممكن حضرتك تتواصل مع خدمة عملاء شركة بريفكس علي رقم 16167 لمعرفة اماكن الموزعين في كفر لشيخ المتوفر لديهم اطباق بحجم 120 سم

      حذف
  40. السلام عليكم ورحمه الله وبركاته كل عام وانتم بخير وفقكم الله ورعاكم أسأل عن أحسن جهاز لالتقاط الإشارة الاسم والسعر وألف شكر لشخصكم الكريم

    ردحذف
    الردود
    1. وعليكم السلام ورحمة الله وبركاته، افضل جهاز هو سات لينك موديل WS-6916 والجهاز يدعم تشغيل القنوات الـ HD وقنوات الـ SD وسعره اليوم 2699 جنيه

      حذف
  41. لو سمحت كام سعر الطبق البريفكس ٢٤٠سم الومنيوم طرى بالموتور

    ردحذف
    الردود
    1. بالنسبة الي حجم الـ 240 سم صعب تلاقي جديد من اي ماركة، والمتوفر حتلاقي استعمال واسعارها تتراوح من 1000 الي 1600 جنيه والسعر علي حسب حالة الطبق

      حذف
  42. لو سمحت عاوز اعرف نوع سلك دش يكون كويس

    ردحذف
    الردود
    1. افضل انواع سلك الدش هي الانواع الايطالي او الاسباني، والسويدي لو قدرت تشتريه لآنه اغلي منهم سعر المتر يتخطي الـ 9 جنيه

      حذف
  43. جايب شاشه HD سمارت وبشغل عليها القنوات بحس ان مش الدرجه المطلوبه في لمتهم الوضوح لو كده اغير الطبق ولا العدسه ولا ايه افدني وشكرا

    ردحذف
    الردود
    1. الطبق والعدسة مش حيفرقو في جودة الصورة، الجودة دي تتوقف علي جودة الوان الشاشة، ممكن توضحلي اسم الشاشة الي انت جايبه ودقته ايه هل اتش دي ولا فل اتش دي ولا فور كيه وحجمه كم بوصة

      حذف
  44. عندي اشاره ضعيفه في احد الغرف وقويه في غرفتين اخريتين. غيرت LNB. ممكن يكون السلك. وايه افضل جهاز iptv اشتريه ولا اعمل سوفتوير لمعالج 1506t اشغل عليه سيرفرات مختلفه.... مع الشكر

    ردحذف
    الردود
    1. مشكلة الاشارة الضعيفة دي حتكون من الكابلات لو حضرتك موصل كابل واحد ومدخله علي كل الغرف من خلال الفيش الي في الحيط دي ساعات بتعمل مشكلة وبتشغل القنوات في اول مكان كويس وممكن تضعف في باقي الاماكن، ولو حضرتك عامل كده الافضل لو تخلي السلك رئيسي او بالكتير علي غرفتين لآني تقطيع الكابلات بيعمل مشاكل فيما بعد ومش شرط في نفس الوقت، اما بالنسبة للجهاز عشان اكون صريح معاك مفيش نوع معين اقدر ارشحه لحضرتك لآنى اغلبهم متشبهين ولم بيحصل ضغط عليهم بيقطع كل شوية

      حذف
  45. السلام عليكم ورحمه الله وبركاته
    عندي طبق قديم علي ماعتقد ممكن يكون 240 جابه زوجي الله يرحمه من 15/17سنه بس دلوقتي اشتريت واحد صغنن وشغالة عليه بس الإشارة دائما بتقطع في بعض القنوات لدرجة اني بطلت اشغله مع العلم أني ساكنه بالارضي والطبق علي السطح فوق التالت والشاڜه 32بوصه ماركة عطا
    ولو حابه ابيع الطبق الكبير بالمحرك بتاعه يعمل كام

    ردحذف
    الردود
    1. وعليكم السلام ورحمة الله وبركاته، بالنسبة للطبق الـ 240 سم تحديد سعره بيتوقف علي حالة الطبق مقدرش احددلك سعر محدد، اما بالنسبة للآشارة الي بتقطع علي الطبق التانى ممكن يكون الطبق محتاج ظبط اشارة

      حذف
  46. ترشحلي ايه غير بريفكس كطبق عمر طويل واستقبل كذا قمر شيرنج

    ردحذف
    الردود
    1. عشان اكون صريح افضل انواع اطباق موجودة حاليا في السوق هي بريفكس من حيث جودة الخامات

      حذف
  47. عايز طبق متر اجيبو منين في اسكندريه

    ردحذف
    الردود
    1. ممكن تشتري من وكيل بريفكس في اسكندرية وهو ابو العزم، وعنوانه 38 شارع ملك حفنى بفيكتوريا

      حذف
  48. حضرتيك في طبق 180 سم
    اشتري منين والسعر كام

    ردحذف
    الردود
    1. للآسف الـ 180 سم جديد مش متاح واكبر مقاس متاح حاليا الـ 160 سم وسعرها اليوم 1525 جنيه

      حذف
  49. انا عندي طبق برفيكس 70 سم و مركب فية قطعة 2 مخرج بس عندي مشكلة أن الارسال كويس ف اوضة و التانية فيها تقطيع و في طبق فوقي 100 سم هل لو زودت عندي حجم الطبق الارسال هيتحسن ولا لا

    ردحذف
    الردود
    1. بالنسبة لو ركبت طبق اكبر مش هيفرق معاك في نقطة التقطيع، وبالنسبة الي الغرفة التانية الكابل الي واصل فيها هل هو مباشر من الطبق ولا في توصيلات في الكابل، ولو الكابل مباشر من الطبق جرب بدل الكابل وركبه في مخرج الي راكب فيه كابل الغرفة الاولي وشوف نفس المشكلة ولا لا

      حذف
  50. أنا عندي الاوربي جايب 15قناه بس اي العمل

    ردحذف
    الردود
    1. مشكلة القنوات عندك في الاغلب هتكون الاشارة ضعيفة والطبق محتاج يتظبط كويس، لكن ممكن توضحلي الطبق الي راكب عندك كم سم

      حذف
  51. عايز طبق ١٢٠ وحد يركب على طول

    ردحذف
    الردود
    1. سعر الطبق 120 سم 730 جنيه، ومتاح لدي موزعي شركة بريفكس بجميع انحاء الجمهورية، وبالنسبة للتركيب ليس من خلالنا وموقعنا يوضح الاسعار فقط واماكن البيع

      حذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/