القائمة الرئيسية

الصفحات

اسعار الفسبا فى مصر 2020 وأفضل أنواع الصباب والبستم

انواع الفسبا واسعارها فى مصر

اسعار الفسبا فى مصر 2020، مما لا شك فيها ان الفيسبا أصبحت في هذه الأيام من وسائل المواصلات المناسبة للسير في الطرقات المزدحمة في شوارع مصر، لذلك يهتم الكثير من الناس في الفترة الحالية في البحث عن انواع الفسبا واسعارها 2020 في السوق المحلي، وذلك أيضا بعد ارتفاع أسعار السيارات، ونستعرض اليكم من خلال موقع اسعار اليوم تقرير شامل عن الفيسبا، حيث يوجد منها نوعين في مصر وهما الأشهر وهي (الفسبا الصباب - الفيسبا البستم)، وقبل الحديث عن الأسعار نتعرف معكم على الفرق بين الفسبا الصباب والفيسبا البستم.

نصائح قبل الشراء


  • تتميز الفسبا بأنها تعمل بموتور بحجم صغير، مع عمله بسرعات تبدأ من 60 كيلو في الساعة وأقصى سرعة هي 110 كيلو في الساعة.

  • يتميز نوع البستم بأنها مصنوع من خامات افضل من الصباب من حيث الجودة وقوة التحمل، ولكن العيب في أسعارها المرتفعة وقطع الغيار أيضا.

  • أن اتخذت القرار لشراء نوع الصباب، يجب عليك الاهتمام بعدة نقاط منها، موعد تغير الزيت كل فترة محددة والفلاتر ايضا واخيرا البنزين يكون 92، هذه النقاط مهمة للمحافظة على الفسبا لأطول فترة ممكنة.

اسعار الفسبا فى مصر 2020


  • سعر فسبا lml صباب هندى باكم ومزودة بعداد ديجيتال تترواح من بين 21500 جنيه الي 22000 جنيه.
  • سعر فسبا lml صباب هندى عادي تترواح من بين 20000 جنيه الي 20500 جنيه.
  • سعر فسبا lml صباب هندى باكم تترواح من بين 21000 جنيه الي 21500 جنيه.

نعتذر لحضراتكم لعدم المقدرة على إضافة اسعار الفسبا المستعملة، ويرجع ذلك إلى اختلاف الاسعار لكل نوع على حسب حالته وموديل السنة أيضا، ولكن الاسعار التقريبية للفسبا الصباب يمكن أن تبدأ من 6000 جنيه وحتي 10000 جنيه وأما الفيسبا البستم يمكن انا تبدأ اسعارها من 15000 جنيه وحتى 25000 جنيه واكثر، ولكن نعود الحديث لكم يختلف السعر على حسب حالة كل فيسبا، والي هنا نكون قد قدمنا لكم تقرير مبسط، وإذا كان لديك أي استفسار فلا تتردد في طرح تعليقك وسنقوم بالرد عليك.

تعليقات

46 تعليقًا
إرسال تعليق
  1. معايا فسبا ٢٠١٥ اول مره تحل رشه رفرف باكم وادخلها ٢٠١٩ مع الفرق بالتقسيط رخصه ٣ سنين المنوفيه

    ردحذف
    الردود
    1. بعتذر لحضرتك موقعنا لا يبيع ولكن نعرض الاسعار فقط

      حذف
  2. حضرتك كتبت سعر الفيسبا الصباب ومكتبتش سعر الفيسبا البستم

    ردحذف
    الردود
    1. خلال التفرة الحالية سعر الفيسبا البستم مش متوفرة جديد ومكتوب سعرها استعمال فقط

      حذف
  3. هو في حاليا معارض بتبيع فسبا زيرو ؟
    أنا سألت من قريب حوالي 3 شهور في كذا معرض قالولي استيراد الفسبا اتوقف ومفيش زيرو غير الاسكوتر والصيني ياريت لو في معلومة أو توضيح ابقي شاكر ليك جدا

    ردحذف
    الردود
    1. فيه يا فندم ممكن تشوف معرض الشريف، وده موجود في منطقة المرج في شارع عز الدين يونس

      حذف
  4. حضرتك قدامي فيسبا بيستم ٨٤ بحاله جيده ولسه شاددها صاج وبويا وماتور ب عشر ألاف جنيه.. بس المشكله أن هي مش ١٥٠ هي ٢٠٠ وصاحبها طالب فيها ٣٠٠٠٠الف ....ثلاثون ألف ممكن تنصحني آخودها ولا ايه رأيك ياباشا.. بس خلي بالك هي فيسبا ٢٠٠ مش ١٥٠..بس حاله جيده جداً
    أرجو الرد سريعا

    ردحذف
    الردود
    1. مقدرش اقيم لحضرتك حاجة انا مش شايفه قدامي، ممكن تروح لورشة متخصصة وهي الي تقيم السعر اذا كان مناسب ام لا

      حذف
  5. اشتر بسام ولا صباب ارجو الافاده وشكرا

    ردحذف
    الردود
    1. الافضل هو الفسبا البستم اكيد، بس مشكلته في ارتفاع سعرها عن الفسبا الصباب فرق كبير بينهم

      حذف
  6. طيب حضرتك انا عايزها قسط ام ٢٢الف ده تبقا بقام قسط وكام مقدمه وكل شهر كام واي المطلوب معلش انا برخم علي حضرتك وشكرا

    ردحذف
    الردود
    1. احنا موقعنا مش بيبع يا فندم لكن بنحط الاسعار الموجودة في السوق المصري، وبعتذر لحضرتك معنديش معلومة عن الاماكن الي بتبيع الفسبا تقسيط

      حذف
  7. الفرق بين الصباب والبيستم في السرعة والخامة وللا ايه بالظبط؟

    ردحذف
    الردود
    1. ﺍﻟﻔﺴﺒﺎ ﺍﻟﺒﺴﺘﻢ ﺻﺎﺟﻬﺎ ﺍﻗﻮﻯ عن الصباب، كمان الفسبا البستم أفضل من الصباب فى العزم والموتور مفيش اختلاف تاني بينهم، لكن مشكلته في سعرها الغالي وكمان مكلفة في العمرة.

      حذف
  8. محتاج موتور فسبا صباب وليه مش موجود

    ردحذف
    الردود
    1. للآسف معنديش معلومات عن اماكن بيع موتور فيسبا الصباب

      حذف
  9. السلام عليكم لو سمحت عاوز اعرف الفرق بين الفسبا ١٥٠ وال ٢٠٠

    ردحذف
    الردود
    1. وعليكم السلام ورحمة الله وبركاته، حضرتك لو قصدك الفرق بين فسبا 150 سي سي وفسبا 200 سي سي، الفرق بينهم هو قدرة الماوتور بس، سواء في الصباب او البستم والاعلي هو الـ 200

      حذف
  10. سلام عليكم محتاج فسبا تكون حاجه كويسه مصرفش عليها فيه ولا ايه

    ردحذف
    الردود
    1. فيها حضرتك انواع كتير في السوق ومنها فسبا صباب هندي lml، وبالنسبة لموضوع الصرف بعد ماتشتريه دي تتوقف علي اهتمام حضرتك بيها، اهم حاجة الاهتمام بالصيانة الدورية الخاصة بيها وتغير الزيت

      حذف
  11. الفيسبا الصباب احسن ولا والبستم

    ردحذف
    الردود
    1. الفسبا اليستم احسن طبعا بكتير بس سعرها غالي جدا مقارنتنا بالصباب

      حذف
  12. ممكن اعرف هل هيبقي في اختلاف في الاسعار مع بدايه العام وايه افضل نوع فسبا صباب وياريت لو تقولي مكان حد معتمد في اسكندريه

    ردحذف
    الردود
    1. هو بالنسبة للعام الجديد الامور غامضة بخصوص الاسعار، اما بخصوص عنوين موزعين معتمدين في الاسكندرية بعتذر لحضرتك معنديش معلومات كفاية عنها

      حذف
    2. حلوه طيب في الدلفري ولا ايه نظامها
      واللي بالمرش بكام

      حذف
    3. بص اهم حاجة عشان الفسبا متحصلش فيها مشاكل تهتم بالعمرة بتاعتها وتغير زيتها في الوقت المناسب، بكده تقدر تحافظ علبه وتستحمل معاك شغل ان شاء الله

      حذف
  13. هل الفسبا الصباب كويسه لعمل دليفري ولا المكن الصيني

    ردحذف
    الردود
    1. زي ما وضحت لحضرتك في التعليق الي فوق اهم حاجة العمرة، بس لو حنقارن الفسبا مع المكن في الشغل والى تستحمل اكتر حقولك المكن صراحة وفي المشاوير الطويلة

      حذف
  14. الردود
    1. للآسف يا فندم معنديش معلومات عن تقسيط الفسبا، موقعنا يعرض الاسعار في الاسواق فقط

      حذف
  15. تانك الفيسبا الصباب بياخد كام لتر بنزين والفيسبا عموما بتاخد غيار زيت قد ايه ؟

    ردحذف
    الردود
    1. تانك البنزين بيشيل حاولي 5،5 لتر بما في ذلك 1 لتر في الاحتياطي

      حذف
  16. عايز اعرف اماكن موزعين الفسبا البستم في القاهرة

    ردحذف
    الردود
    1. بعتذر لحضرتك معنديش معلومات عن معارض بيع الفسبا البستم جديدة

      حذف
  17. السلام عليكم فيه فيسبا صباي 2018 كسر زيروعوز فيه 20000 تنصحنى بايه

    ردحذف
    الردود
    1. وعليكم السلام ورحمة الله وبركاته، بص لو حالته كويس توكل علي الله بس هات حد متخصص يكشف عليها ويشوفه الاول

      حذف
  18. لو سمحت حضرتك معايا 20000 وعايز اشترى فيسبا كويسة ومعنديش اى معلومات تنصحنى اشترى اية ومكان معتمد فى القاهرة مصدر ثقة فين اشكرك

    ردحذف
    الردود
    1. بص حضرتك من افضل المعارض في القاهرة والناس بتشكر فيهم هو معرض الشريف للموتوسيكل و الفسبا والتوك توك و التروسيكل

      حذف
  19. السلام عليكم ورحمة الله لوسمحت حضرتك عايز اشتري فيسبا مستعمله في وحده صيني ٢٠١٧ صباب حالته كويسه اي رأي حضرتك الصيني كويسه ولا اي حضرتك وعايز فيها 8500

    ردحذف
    الردود
    1. وعليكم السلام ورحمة الله وبركاته، بص بالنسبة للسعر عمري ما حقدر افيدك واقولك كويس ولا غالي لاني الفيسبا مش قدامي انت اهم حاجة تتأكد من اني حالته كويسة

      حذف
    2. ماشي معلش حضرتك طيب هي الصيني كويسه ولا اي حضرتك عشان انا مبعرفش فيهم خالص والله وحضرتك معندنش حد خالص بيعرف فيهم

      حذف
    3. هو في انواع كتير في السوق صيني وشغالة كويس، بس بردو زي ما وضحتلك في المستعمل بيفرق حالة الفيسبا نفسها

      حذف
  20. هو فيه فسبا بستم جديد وبكام والعنوان ايه للمعرض

    ردحذف
    الردود
    1. البستم صعب تلاقي منها جديد دلوقتي، والي حتلاقيه متوفر منها استعمال، والجديد حتلاقيه الفسبا الصباب ومتوفر منها ماركات كتير

      حذف
  21. هو الصباب لو انا حفظت عليها ممكن تقعد كام سنه بامانه

    ردحذف
    الردود
    1. مقدرش يا فندم اقولك قد ايه بس اكيد لو اهتميت بالصيانة والعمرة بتاعته مش حتصل فيها مشاكل اكيد

      حذف

إرسال تعليق