باقات we للانترنت المنزلي 2024 - عروض we adsl الجديدة

عروض we adsl 2024

باقات we للانترنت المنزلي 2024، الشركة المصرية للاتصالات هي الشركة رقم 1 في مصر في تقديم خدمة النت على التليفون الارضى، حيث يبحث الكثير من العملاء والمستخدمين للشركة علي أحدث العروض للشركة التابعة لها (تى اى داتا) والتى أصبحت الان معروفة أيضا بأسم (We)، حيث تم تغير الاسم منذ اطلاق الشركة خدماتها للهاتف المحمول، ونقدم اليك عزيزي الزائر اليوم مقال مفصل عن عروض we adsl محدثة للعام الجديد 2024 من موقع اسعار اليوم.

باقات we للانترنت المنزلي 2024


أعلنت شركة وي منذ بداية شهر يوليو 2019 عن باقات انترنت منزلي جديدة تحت مسمى (باقات we space)، وهذه الباقات يوجد منها 4 سرعات مختلفة وهي (30 ميجا - 70 ميجا - 100 ميجا - 200 ميجا)، ملحوظة عند انتهاء سعة الباقة المحددة لك شهريا سوف تنخفض سرعة خطك الى 256 كيلوبايت.

  • باقات ماكس بسرعة تصل الى 200 ميجا، بسعة تصفح وتحميل 1350 جيجا شهريا، اشتراك شهري 1000 جنيه.
  • باقات الترا بسرعة تصل الى 100 ميجا، بسعة تصفح وتحميل 250 جيجا شهريا، اشتراك شهري 540 جنيه.
  • باقات الترا بسرعة تصل الى 100 ميجا، بسعة تصفح وتحميل 600 جيجا شهريا، اشتراك شهري 950 جنيه.
  • باقات الترا بسرعة تصل الى 70 ميجا، بسعة تصفح وتحميل 250 جيجا شهريا، اشتراك شهري 410 جنيه.
  • باقات ميجا بسرعة تصل الى 70 ميجا، بسعة تصفح وتحميل 600 جيجا شهريا، اشتراك شهري 800 جنيه.
  • باقات ميجا بسرعة تصل الى 70 ميجا، بسعة تصفح وتحميل 1000 جيجا شهريا، اشتراك شهري 1200 جنيه.
  • باقات سوبر بسرعة تصل الي 30 ميجا، بسعة تصفح وتحميل 140 جيجا شهريا، اشتراك شهري 160 جنيه.
  • باقات سوبر بسرعة تصل الي 30 ميجا، بسعة تصفح وتحميل 200 جيجا شهريا، اشتراك شهري 225 جنيه.
  • باقات سوبر بسرعة تصل الي 30 ميجا، بسعة تصفح وتحميل 250 جيجا شهريا، اشتراك شهري 280 جنيه.
  • باقات سوبر بسرعة تصل الي 30 ميجا، بسعة تصفح وتحميل 400 جيجا شهريا، اشتراك شهري 440 جنيه.
  • باقات سوبر بسرعة تصل الي 30 ميجا، بسعة تصفح وتحميل 600 جيجا شهريا، اشتراك شهري 650 جنيه.

عروض we 2024


  • تقدم شركة WE عرض جديد للمشتركين الجدد فقط لمدة 6 شهور، ادفع اشتراك 3 شهور واحصل علي 3 شهور مجانا، الباقات المتاحة داخل العرض هي باقات السوبر 250 و 600 جيجا وباقة الميجا 250 جيجا وباقات الالترا 250 و 600 جيجا، ملحوظة لا يسري هذا العرض على المشتركين القدامى. (العرض منتهي)

  • عرض للمشتركين الحاليين، احصل علي ضعف الباقة لمدة 3 شهور على الباقات التالية، عند التحويل من باقة سوبر 30 بسعة 250 جيجا الى باقة ميجا 70 ميجا بسعة 250 جيجا، والعرض الثاني عند التحويل من باقة ميجا 70 سعة 250 جيجا الى باقة الترا 100 ميجا بسعة 250 جيجا، وعند الاشتراك في أي عرض من الاثنين سوف تحصل في الشهر على 500 جيجا بدلا من 250 جيجا. (العرض منتهي)

باقات we adsl الاضافية


  • باقة we الاضافية 20 جيجابايت بـ 40 جنيه.
  • باقة we الاضافية 50 جيجابايت بـ 80 جنيه.
  • باقة we الاضافية 100 جيجابايت بـ 130 جنيه.

اسعار راوتر VDSL من We في مصر 2024


تقدم شركة (WE) لعملائها الأعزاء راوتر VDSL الجديد، وهو راوتر PREMIUM ZTE Super Vectoring موديل (ZXHN H188A)، والجهاز متاح  للشراء في جميع فروع شركة وي بسعر 1710 جنيه، ويشمل السعر قيمة الضريبة المضافة 14%، أيضا تتيح الشركة خيار التقسيط عبر بطاقات البنك الأهلي أو بنك مصر، وذلك لمدة 6 أشهر أو 12 شهر، كما توفر شركة WE، امكانية التقسيط لمدة 36 شهر، وسيكون قيمة القسط الشهري 50 جنيه، وبعد إضافة قيمة الضريبة المضافة 14%، ستبلغ قيمة القسط الشهري 57 جنيه، وعن طريقة الحصول على الراوتر يمكنك زيارة اقرب فرع سنترال بمنطقتك، والمستندات المطلوبة هي اخر ايصال فاتورة انترنت والبطاقة شخصية لصاحب الخط الارضي.

قد يهمك أيضا هذا المقال: نت بدون خط ارضى من we

ملحوظة جميع الاسعار المذكورة في المقال غير مضاف لها ضريبة القيمة المضافة 14%، الي هنا عزيز الزائر نكون قد قمنا اليكم كل مايخص شركة we للخطوط الارضي واذا كان لديك اي استفسار يمكنك ترك تعليك اسفل المقال وسوف نقوم بالرد عليك في اقرب وقت ممكن.

شارك المقال لتنفع به غيرك

قد تُعجبك هذه المشاركات

إرسال تعليق

241 تعليقات

  1. ليه مفيش باقه السرعه 5 والتحميل 200 بسعر معين الباقه عندي بتخلص بسرعه ليه اروح ازود

    ردحذف
    الردود
    1. في باقة جديدة من we بسرعة تصل الي 30 ميجا وبتدي لحضرتك 140 جيجا في الشهر واشتراكه اعلب من باقة 5 ميجا بزيادة 10 جنيه، يعني 120 جنيه بس السعر غير شامل قيمة الضريبة المضافة يعني ممكن بعد الضريبة يكون 135 جنيه

      حذف
  2. .
    باقات سوبر بسرعة تصل الي 30 ميجا، بسعة تصفح وتحميل 140 جيجا شهريا، اشتراك شهري 120 جنيه.
    بعد ضريبة القيمة المضافة هتبقى كام شهريا؟؟

    ردحذف
    الردود
    1. الاشتراك الشهري بعد اضافة قيمة الضريبة حتكون لو حتدفع من خلال فوري 141 جنيه اما لو حتدفع في السنترال حتكون حوالي 137 جنيه تقريبا

      حذف
    2. السلام عليكم ورحمة الله وبركاته لوسمحتم انا خطي الارضي ليتحمل لحد 16مجا ازي يتحمل 30مجا لو حبيت اغير الي 30

      حذف
    3. وعليكم السلام ورحمة الله وبركاته، لو اقصي سرعة يتحملها خطك 16 ميجا، وحبيت تشترك في باقة سوبر 30 ميجا فبردو الي حيوصلك منها 16 ميجا لاني دي اقصي سرعة يستحملها خطك

      حذف
  3. حضرتك انا جنبي البوكس على طول وعايز اوصل نت وبيقلولى ف السنترال ان البوكس فيه عطل على الرغم من ان اتنين مشغلين منو وبيقلولى مافيش برتات نت خالص وانا محتاجو علشان شغلى ارجو الرد

    ردحذف
    الردود
    1. المشكلة دي للاسف مفيش حل لها غير في السنترال، وممكن كلامهم صح بخصوص البورتات ممكن تكون فيها مشكلة الي في البوكس الي راكب جمبك

      حذف
  4. هل الباقة الإضافية بتنتهي صلاحيتها مع تجديد الإشتراك

    ردحذف
    الردود
    1. ايوه يا فندم بتنتهي صلاحية مع نهاية اشتراك الشهر

      حذف
  5. كيفية الاشتراك فى الباقة الجديدة عن طريق التليفون

    ردحذف
    الردود
    1. لو حضرتك مشترك في باقة قديمة وعايز تحول لباقة جديدة، بتكلم خدمة العملاء علي رقم 19777 وبعد كده هما بيعملو تيست للباقة الي ينفع يشتغل عليها خطك سواء كانت السوبر او الميجا او الالترا، وبعد كده لم بيحول بيطلب منك رقم بطاقة صاحاب الخط الارضي والاسم، ولو حتحول وتشغل الباقة في نفس اليوم كده حتدفع ثمن الاشتراك من جديد ولو فيه ايام في الباقة القديمة بتتلغي، والخدمة بتشتغل عندك خلال ساعتين من وقت دفع الفاتورة الجديدة، بس اهم حاجه لم تيجي تدفع الفاتورة تأكد اني المبلغ الي ظهر ليك هو لفاتورة السرعة الجديدة مش القديمة

      حذف
  6. لو سمحت هو فى عروض جديده نت وخط ارضى خط محمول

    ردحذف
    الردود
    1. خلال الفترة الحالية مفيش اي عروض علي النت المنزلي، ولكن الشركة اعلنت عن باقات جديدة باسم وي سبيس بسرعات تبدأ من 30 ميجا ويمكنك الاطلاع علي اسعارها داخل المقال

      حذف
  7. ليه مفيش باقات بسعر اقل من كده استخدام منزلي بسيط

    ردحذف
    الردود
    1. للاْسف اقل باقة هى باقة سرعة 5 ميجا ودي اشتراك شهري بعد قيمة الضريبة حوالي 125 جنيه تقريبا، ودي بتدي ليك 100 جيجا في الشهر تصفح وتحميل

      حذف
  8. انا شحنت الباقه بتاعتي اللي هيا 15 سرعه و 100 جيجا تحميل و خلصت تاني يوم و انا لسه في اول الشهر اعمل ايه

    ردحذف
    الردود
    1. لو 100 جيجا خلصو في يوم واحد يبقي كده فيه مشكلة عندك ولازم تكلم الشركة علي رقم 19777 لحل المشكلة

      حذف
  9. حضرتك لو انا لسه هشترك جديد في باقة سوبر 30 ميجا و 140 جيجا هيكون تكاليف الاشتراك كام
    وهل الراوتر مجاني ام بمبلغ

    ردحذف
    الردود
    1. التكاليف هي سعر اشتراك الشهر مقدم وبيكون 137 جنيه تقريبا لو حتدفع في السنترال اول مره وبعد كده لو عايز تدفع من خلال فوري بيكون حوالي 141 جنيه في الشهر، اما بخصوص الروتر بيكون بفلوس وعليه خصم حوالي 50% يعني ممكن تدفع من 200 الي 240 جنيه

      حذف
  10. انا مشترك ف باقه ١٠ ميجا ٥٧ جنيه ينفع احول للباقات الجديده وشكرا

    ردحذف
    الردود
    1. هو مفيش سرعة 10 ميجا في we، ولكن لو حضرتك مشترك قديم مع الشركة وعايز تحول السرعة عادي تقدر تحوله عن طريق الاتصال بخدمة العملاء علي رقم 19777 وبتطلب منهم تغير السرعة، وهما حيطلبو منك اسم صاحب الخط الارضي واخر 7 ارقام من البطاقة الشخصية لها

      حذف
  11. انا مشترك في اورنج وعايز احول الي وي ايه الخطوات

    ردحذف
    الردود
    1. الخطوات انك بتكلم خدمة عملاء شركة اورنج وبتلغي الخدمة من عندهم وبتاخدم رقم الغاء الخدمة، واهم حاجة ميكونش عليك اي فواتير قديمة، وبعد طلب الالغاء بتروح السنترال الي عندك وبتقدم علي الخدمة، وبتدفع ثمن اشتراك شهر مقدم ويكون معاك صورة بطاقة صاحب الخط الارضي، وبيتم تشغيل الخدمة عند خلال فترة 15 يوم

      حذف
  12. الميجا حضرتك دي سرعة النت

    ردحذف
    الردود
    1. ايوه يا فندم السرعة بالميجا، اما السعة التصفح والتحميل بتكون بالجيجا

      حذف
  13. باقات وي سبيس الجديدة لم تخلص السعة المحددة بتنزل سرعة خطك الي 256 كيلو ولكن ممكن لو عايز تشحن باقة اضافية عادي

    ردحذف
  14. اقل باقه كام لاستخدام تليفزيون سمارت فقط؟ ....و هل ممكن لو عايز اوقفها لحد مارجع من السفر ممكن او لا ؟

    ردحذف
    الردود
    1. اقل باقة في we هي 100 جيجا وسرعة 5 ميجا ودي اشتراك شهري 125 جنيه، وتقدر توقف الاشتراك بتاعك في اي وقت، بس بتدفع في الشهر 30 جنيه ولم تكون عايز ترجعها في اي وقت عادي

      حذف
  15. ما هو سعر اشتراك نت خط ارضى وراوتر على باقةجيجا we space 140

    ردحذف
    الردود
    1. الاشتراك الشهري لباقة 140 جيجا بعد اضافة قيمة الضريبة المضافة 137 جنيه شهريا

      حذف
  16. لو سمحت هو السرعة 256 كيلو بايت لما تنتهي السعة المحددة نسبتها كام من الميجا يعني مثلا اقل من ميجا ولا اكتر ؟

    ردحذف
    الردود
    1. الـ 256 كيلو دي اقل من ميجا، ونسبتها ربع ميجا

      حذف
  17. هي الباقه بتاعت سوبر بسرعه تصل الي 30 ميجا في الثانيه و بتدي 250 جيجا بعد ماتخلص السرعه هتقل الي 1ميجا ولا النت هيقطع ؟؟

    ردحذف
    الردود
    1. لا النت حيفضل شغال عندك بس السرعة حتنزل الي 256 كيلو مش 1 ميجا، لكن تقدر تشتري باقة اضافية وترجع ليك السرعة الاساسية تاني

      حذف
  18. وانا مشترك في te_data وعايز احول لwe واشنرك غي باقه سوبر ال250 جيجا لازم اجيب راوتر we ولا هيشتغل عادي علي te_data

    ردحذف
    الردود
    1. شركة تي داتا هي يا فندم نفسها شركة we، وتقدر تحول عادي الي باقة السوبر بدون اي مشاكل وعلي نفس الرواتر الي عندك، وتقدر تشترك فيه عن طريق السنترال او تكلم خدمة العملاء علي رقم 19777

      حذف
  19. الردود
    1. سعر الراوتر للمشتركين الجدد دلوقتي عليها خصم 50% وسعرها 230 جنيه تقريبا بعد إضافة قيمة الضريبة 14%

      حذف
  20. اعرف ازاى خطى الارضى يستحمل كام ميجا وشكرا

    ردحذف
    الردود
    1. بتعرف عن طريق الاتصال بخدمة العملاء علي رقم 19777 وبتقلوهم رقم الخط الارضي وبيقولو لحضرتك اقصي سرعة يستحمله خطك

      حذف
  21. انا لسة مشترك جديد واعطونى خط تليفون محمول دة اية نظامة في النت هل لة اشتراك جديد ولا من نفس باقة الارضى برجاء الافادة

    ردحذف
    الردود
    1. هو حضرتك اشتركت في باقة ايه عشان اقدر اساعدك في استفسارك

      حذف
  22. ينفع تشتغل الرواتر القديمه علي السرعات الجديده ولا لازم تتغير

    ردحذف
    الردود
    1. ينفع تشغل اي رواتر تابع لشركة we علي باقات سبيس الجديدة بدون مشاكل

      حذف
  23. لو سمحتوا انا ممكن اعرف سعر الرواتر كااااااام ؟؟؟؟

    ردحذف
    الردود
    1. الرواتر عليها حاليا خصم 50% للعملاء الجدد، يعني سعر الرواتر بعد اضافة قيمة الضريبة يكون 230 او 235 جنيه تقريبا

      حذف
  24. السلام عليكم
    لو سمحت انا مشترك فى باقه ١٥ و٢٠٠ جيجا وبتخلص منى بسرعه هل لو اشتركت فى باقه سوبر ٣٠ م و٢٥٠ جيجا هاتخلص اسرع علشان السرعه اعلى ؟
    وليه مافيش باقه التحميل يكون كبير وبسعر معقول لأن باقات التحميل الكبيره اسعارها عاليه ؟

    ردحذف
    الردود
    1. وعليكم السلام ورحمة الله وبركاته، هو لو السرعة اعلي الباقة تخلص معاك اسرع في حالة تشغيل الفيديوهات بجودة عالية وتحميل الملفات الكبيرة، اما بخصوص الباقات الكبيرة للآسف كل الشركات بتقدمها باسعار غالية

      حذف
  25. السلام عليكم ورحمة الله وبركاته عايز اعرف اذا كان فيه باقات انترنت هوائي للمنزل برضو ولا مفيش

    ردحذف
    الردود
    1. وعليكم السلام ورحمة الله وبركاته، بالنسبة للنت الهوائي مبيشتغلش علي الخط الارضي، ده بيكون رواتر لوحدو وبيشتغل من خلال شرحة داتا عادية زي بتاعت الموبايل

      حذف
  26. السلام عليكم من فضلك عاوز اعرف سعر الروتر للمشتركين الحالين

    ردحذف
    الردود
    1. وعليكم السلام ورحمة الله وبركاته، سعر الرواتر 228 جنية يا فندم لو حضرتك مختش راوتر vdsl

      حذف
  27. لو انا مشترك في باقة ارضي لشركة اخري كيف يمكنني التكويل ل وي

    ردحذف
    الردود
    1. عادي تقدر تشترك في شركة we بس الاول بتقدم طلب الغاء الخدمة من الشركة الي انت مركب معاه وبعد كده بتروح تقدم في السنترال

      حذف
  28. كنت متعاقد على خط بقالى حوالى سنة وسرعته 5ميجا الوقت بقت سرعته 15 ميجا لوحده مع انى مشتركتش فى العرض.ده بقى يبقى ايه بالظبط عشان مش متابع

    ردحذف
    الردود
    1. لازم حضرتك تتواصل مع خدمة العملاء علي رقم 19777 للآستفسار، لاني المشكلة دي خاصة بالدعم الفني

      حذف
  29. حضرتك انا مشترك في خدمة شركه أخرى وأريد التحويل ل we هل بيتم تغيير الرقم الأرضي

    ردحذف
    الردود
    1. لا يا فندم مش بيتغر رقم الخط الارضي، ولكن خضرتك بتقدم طلب الغاء للخدمة الاول مع الشركة الى انت مشترك معاه وبعد كده بتروح تقدم طلب في السنترال

      حذف
  30. هل موجود عرض على نت ارضي + نت على خط we ؟
    اذا موجود استأذن حضرتك في التفاصيل.. وشكراً..

    ردحذف
    الردود
    1. للاسف خلال الفترة الحالية مفيش اي عروض مقدمة من شركة we وعند اعلان الشركة عن اي عروض جديدة سنقوم باضافته هنا داخل المقال

      حذف
  31. لو سمحت يا فندم : انا مشترك حاليا بسرعه 15 ميجا ممكن احولها لباقة السوبر 30 ميجا وانا مكانى من البيت من غير ما روح السنترال ؟؟؟؟؟

    ردحذف
    الردود
    1. عادي تقدر تحول وانت في البيت عن طريق خدمة العملاء علي رقم 19777 او من خلال الشات اون لاين علي موقع الشركة، ولو حضرتك عايز تحول عالطول وتشغل الخدمة في نفس اليوم يبقي الايام الباقية في الاشتراك القديم حتروح عليك، وتدفع اشتراك جديد بداية من اليوم وتدفع من خلال فوري، اما لو حتشترك وتكمل الباقة الى انت عليها دلوقتي بردو عادي وعند بداية الشهر الجديد تشتغل عند الباقة الجديدة، ملحوظة لم تكلم خدمة العملاء لازم يكون معاك رقم واسم بطاقة صاحب الخط الارضي عشان تقدر تحول.

      حذف
  32. انامشترك في اتصالات وعايز وي 5 أعمل ايه

    ردحذف
    الردود
    1. لو عايز تحول من شركة اتصالات الي we، اول حاجة حضرتك بتقدم طلب انك عايز تلغي الخدمة من شركة اتصالات وبعد كده بتروح السنترال وبتقدم من جديد مع شركة وي والمطلوب منك اشترك شهر مقدم وثمن الرواتر وهو عليه خصم دلوقتي حتجيبو بـ 228 جنيه، ويكون معاك صورة بطاقة صاحب الخط

      حذف
  33. هل لازم يكون في عدة ارضي ولا مش لازم واشترك في العرض ازاي

    ردحذف
    الردود
    1. لا مش لازم يافندم يكون عندك عدة تليفون عشان تشترك، حضرتك بتروح تقدم علي الخدمة في السنترال الي في منطقتك، والمطلوب بطاقة صاحب الخط الارضي واشتراك شهر مقدم نت، وبتدفع ثمن الرواتر وسعرها حوالي 228 جنيه تقريبا.

      حذف
  34. هوا لو انا عندي روتر ينفع ادخل النت علي ولا لازم الروتر بتاع الشركه

    ردحذف
    الردود
    1. لو رواتر عادي مش خاص بشركة تانية تقدر تشتغل عليه عادي بدون اي مشاكل

      حذف
  35. السلام عليكم انا عايز اعرف استهلاكى فى الشهر قد ايه لازم اروح الشركه ولا ممكن بالتليفون ولو عاوز احول من باقه قديمه لباقه جديده ينفع فى ميعاد تجديد اشتراكى ولا قبليها بكام يوم ارجو الرد من حضراتكم

    ردحذف
    الردود
    1. وعليكم السلام ورحمة الله وبركاته، بخصوص معرفة استهلاك باقة النت ممكن حضرتك بتسجيل حساب ليك في موقع ماي تي داتا، او من خلال الاتصال برقم 19777، اما بخصوص التحويل لازم تحول قبل موعد التجديد عشان لو حولت في معياد التجديد مش حينفع وحتظهر ليك وقتها الفاتورة القديمة عند الدفع

      حذف
  36. البكوسه بعيده عني ٤٠٠ متر هل بيتم التوصيل ليا
    ولو بيتم التوصيل تكاليف التوصيل من سلك وخلافه علي حساب الشركه
    وما هي الطرق الصحيحة التي تتبعها الشركه لتوصيل الكبل الي المنزل

    ردحذف
    الردود
    1. بالنسبة لسلك الحرارة الي بيوصل من البوكس لغاية بيتك ده بيكون علي السنترال بس معرفش بقي لم تكون مسافة كبيرة زي كده بتكون ايه

      حذف
  37. لو سمحت انا معنديش خط ارضى وعايز اجيب راوتر we واشترك ف باقه سوبر ٣٠اعمل ايه وبالنسبه لفاتوره الخط الأرضي ايه نظامها

    ردحذف
    الردود
    1. هو لازم حضرتك لازم تقدم علي خط ارضي عشان تشترك في باقة السوبر، وبالنسبة لآشتراك الخط الارضي ده بتدفعو كل 3 شهور وبيكون تقريبا من 58 الي 60 جنيه، وملهوش دعوة بأشتراك النت الي بيدفع كل شهر وباقة السوبر بعد اضافة قيمة الضريبة شهريا حوالي 137 جنيه

      حذف
  38. انا مشترك فى فودافون وأريد الاشتراك تبع وى ماذا أفعل برجاء الرد

    ردحذف
    الردود
    1. حضرتك الاول بتقدم طلب الغاء الخدمة من شركة فودافون، وبعد كده بتروح السنترال وبتقدم علي الخدمة عادي في شركة وي، المطلوب منك بطاقة صاحب الخط الارضي ومقدم اشتراك شهر والسعر بيكون علي حسب الخطة الى انته مختاره

      حذف
  39. أنا كنت نظام بلا حدود بسعر 125ج ومن أول شهر 7تم التحول الى الباقة 100جيجا الباقة انتهت 100%من يوم 21 / 7والنت ضعيف جدا شبه مش شغال كنت عايز ارجع النظام الأول مرة أخرى أه الاجراء وهو بعد إنهاء الباقة النت ليكون ضعيف ليه او شبه لا يعمل

    ردحذف
    الردود
    1. الحل لو الباقة بتاعتك خلصت قيب موعد التجديد وعايز ترجع السرعة العالية مرة تانية انك تشحن باقة اضافية ودي فيه منها 20 جيجا و50 جيجا و100 جيجا، وتقدر تشحنها عن طريق فوري او السنترال

      حذف
  40. السلام عليكم لو عاوزه أقدم على النت والخط الأرضى ممكن اعرف التفاصيل وعاوزه أعرف مصروفات للتقديم بتكون كام والراوتر بيكون مجانى

    ردحذف
    الردود
    1. وعليكم السلام ورحمة الله وبركاته، لو حضرتك حتقدمي علي خط ارضي جديد التفاصيل كتالي، صورة من عقد ايجار او تمليك المكان الي حيركب فيه الخط وايصال كهرباء وبطاقة شخصية والمصاريف حوالي 172 جنيه تقريبا اما بخصوص النت حتدفعي حضرتك ثمن الرواتر 228 جنيه تقريبا اما بخصوص اشتراك النت بتدفعي شهر مقدم والاشتراكات في باقة سوبر دي سعرها 137 جنيه تقريبا وسرعة 30 ميجا وبتدي لحضرتك 140 جيجا شهريا، ملحوظة اخيرة جميع الاسعار المذكورة شاملة قيمة الضريبة المضافة 14% وممكن حضرتك يكون فيه زيادة بقيمة 5 جنيه او اقل علي اشتراك الخط الارضي والرواتر والنت

      حذف
  41. لو سمحت هى الضريبة بتبقا كام على باقة الراوتر عامة على اي باقة

    ردحذف
    الردود
    1. الضريبة المضافة بتبقي 14% يعني باقة زي السوبر دي سعرها 120 جنيه وبعد الضريبة المضافة بيكون سعرها 137 جنيه تقريبا

      حذف
  42. انا حولت على نظام 5 ميجا لكن للأسف النظام القديم كان أفضل يا ترى أقدر أرجع للنظام القديم تانى ....فيه حد سأل حضرتك نفس السؤال يا أفندم لكن حضرتك ما جاوبتش وقولت ممكن تشحن باقة اضافية ....

    ردحذف
    الردود
    1. مينفعش ترجع للنظام القديم الي كنت عليه طالما حولت للسرعات الجديدة

      حذف
  43. لو سمحت انا عاوزه ازود الباقه بدل من 5ميجا تبقا 15ميجا ممكن مساعده ولا لازم اروح اي فرع وي

    ردحذف
    الردود
    1. مينفعش حضرتك تحولي من سرعة 5 ميجا الي 15 ميجا، لكن تقدري تحولي للسرعات الجديدة الي هي السوبر سرعة 30 ميجا، وتقدري تحولي من اي سنترال او من خلال الاتصال بخدمة العملاء علي رقم 19777

      حذف
  44. السلام عليكم ورحمة اللة وبركاته
    انا كان اخويه مشترك في شركه تانيه للنت وبقلوه سنه ونص مش مشغل النت وانا دلوقتي عايزه ققدم تبع شركه زي هينفع
    وعايز عرف سعر الراوتر وسعر باقه 5 ميجا

    ردحذف
    الردود
    1. وعليكم السلام ورحمة الله وبركاته، تقدر تقدم يا فندم عادي في السنترال وهما حيشوفو الخط الارضي بتاعي حضرتك هل مازل مسجل في الشركة القديمة او لا ولو الرقم مسجل خليهم يعملو الغاء للخدمة من الشركة القديمة عادي، وعن تكلفة التقديم ثمن الرواتر 228 جنيه بالاضافة الي دفع ثمن شهر مقدم للخدمة يبلغ 125 جنيه لسرعة 5 ميجا

      حذف
  45. انا مشترك في تي اي داتا ومعايا راوتر قديم واشتركت في خدمه we وكنت حابب اغير الراوتر بروتر جديد وعايز اشترك في خدمه we spaceالجديده120 جنيه

    ردحذف
    الردود
    1. لو عايز تغير الرواتر بتروح تقدم طلب في الشركة وتدفع ثمن الرواتر 228 جنيه، وبخصوص التحويل للسرعة تقدر تحوله من السنترال او من خلال الاتصال بخدمة العملاء علي رقم 19777

      حذف
  46. السلام عليكم.
    احنا كنا مركبين خط ارضي هوائي.بس من فتره هل ينفع يركب عليه روتر ولا لازم خط ارضي جديد..ولو عايزه الارضي يبقي استقبال بس هدفع فاتوره كل شهر ولا بالسنه..وتركيب الراوتر بيبقي مجاني ..وليكون بعد كام يوم من التعاقد ارجو الرد للضروره

    ردحذف
    الردود
    1. وعليكم السلام ورحمة الله وبركاته، بالنسبة للنت الهوائي ملهوش علاقة بالخط الارضي، لو حضرتك عايزة تشتركي في اي باقة من الباقات الموجودة داخل المقال فلازم تركبي خط ارضي جديد وده تكلفة التركيب حتكون تقريبا 170 جنيه، وبتدفعي اشتراك ليه كل 3 شهور ده بالنسبة للخط الارضي، اما بخصوص النت بتدفعي ثمن الراوتر حوالي 228 جنيه واشتراك الباقة الي حتشركي فيه ودي سعرها علي حسب السرعة الي حتشتركي فيها، وبخصوص الفترة الي بياخده الخط علي مايشتغل من اسبوع الي اسبوعين بالكتير

      حذف
  47. لو سمحت انا معنديش خط ارضى وعاوز اعرف سعر الراوتر والاش
    تراك كام وشكرا

    ردحذف
    الردود
    1. لو معندكش خط ارضي بتقدم في السنترال علي خط ارضي جديد وبتاخد معاك عقد ايجار او مليكة للمكان الي حيركب فيه الخط وايصال كهرباء وبطاقة شخصية وبتدفع مصاريف الخط حوالي 170 جنيه، وبالنسبة للنت بنتدفع اشتراك شهر مقدم لو حتشترك في باقة سوبر سرعة 30 ميجا حتدفع شهريا 137 جنيه، بالاضافة الي ثمن الرواتر بتدفع مره واحدة 228 جنيه، وبتشتغل الخدمة عندك خلال اسبوعين من التقديم

      حذف
  48. ماهو الفرق بين الباقه الجديدة سوبر 30.والباقات القديمه 5و15ميجا.هل باقةسوبر30تتفوق عليهم؟وشكرا

    ردحذف
    الردود
    1. اكيد في فرق من حيث السعة الشهرية في باقات سوبر 140 جيجا في الشهر والسرعة تفرق معاك على حسب قدرة الخط

      حذف
  49. لو سمحت انا كنت على باقه ٥ ميجا تحميل ١٠٠جيجا وكنت بدفع ١٢٥شامل الضريبه الشهر إلى فات حولوا الباقه الى ٣٠ ميجا من غير ما يبلغونى وانا ارفض التحويل لو سمحت رجعونى الى الباقه القديمه

    ردحذف
    الردود
    1. المشكلة دي للآسف حلها محدش حيساعدك فيه غير خدمة العملاء ممكن تتواصل معهم علي رقم 19777

      حذف
  50. انا مشترك فى عرض سوبر بسرعة 30ميجا وتحميل 140جيجا ممكن اغير سعة التخزين 250وادفع 210جنيه وهدفع 210 على طول ولا السعر هيزيد

    ردحذف
    الردود
    1. عادي تقدر تزود السعة الشهرية عن طريق الاتصال برقم 19777 والمبلغ الي حتدفعو شهريا بعد اضافة قيمة الضريبة حيكون 240 جنيه تقريبا

      حذف
  51. اناكنت مشترك في تي داتا وإلغاء الاشتراك وحوالت على اورانج وعندي جهاز تي داتا وعايز ارجع مرة تانية بس على we اعمل ايه ينفع ارجع مرة تانية على نفس جهاز تي داتااشتراك جديد يا رأت الرد

    ردحذف
    الردود
    1. عادي يا فندم تقدر ترجع في اي وقت، بس الاول بتقدم طلب الغاء من الشركة الى انت فيه دلوقتي وبعد كده بتروح السنترال تقدم من جديد مره تانية، وعادي تقدر تشغل الراوتر القديم بدون مشاكل

      حذف
  52. انا في مدينة بدر و قدمت من شهرين في السنترال على خط أرضى عشان ادخل الإنترنت.و للأسف كانوا في قمة الاستهتار و لغايه دلوقتي مافي حد جه علما أن العمارة فيها بوكس و فيه اكتر من خط. و أثناء دفع الفلوس للطلب قالوا لي مش عارفين هينفع ولا ايه
    و عرفتهم أن العمارة في بوكس.
    اعمل ايه لاني في احتياج للأخذ الأرضي و الانترنت
    و شكرا

    ردحذف
    الردود
    1. مفيش حل لمشكلتك الا المتابعة مع السنترال الى حضرتك مقدم فيه وتعرف ايه اسباب التأخير هل هي لعدم وجود اماكن في البوكس الموجود في العمارة ولا ايه

      حذف
  53. انا كنت مشترك في باقه ١٥ ميجا بسعر١٧٠ ج شهريا فجاه بقيت بدفع ١٣٥ ج فقط ممكن اعرف التفاصيل

    ردحذف
    الردود
    1. ممكن تكون حضرتك اتحولت لسرعة سوبر 30 الجديدة ودي هي الي بتدفع فيه 137 جنيه شهريا، وممكن تتأكد بردو وتعمل تيست للسرعة عن طريق اي موقع لقياس السرعة عندك او الاتصال بخدمة العملاء علي رقم 19777

      حذف
  54. هو ممكن اعمل اضافه باقه من اي حد عنده مكنه جهاز الايصال الفوري ولا لازم اروح السنترال

    ردحذف
    الردود
    1. عادي تقدر تدفع فاتورة الاشتراك او اضافة باقة اضافية من خلال فوري او امان مش شرط تروح السنترال

      حذف
  55. السلام عليكم لو سمحت انا بدفع اشتراك النت ١٢٥ جنية في الشهر بس الباقة مش بتكمل الشهر يتخلص قبل ميعاد التجديد بحوالي ١٠ايام ارجوا المساعدة في حل دي

    ردحذف
    الردود
    1. وعليكم السلام، حضرتك اكيد بتشغل فيديوهات كتير او بتلعب اون لاين ودي اكتر حاجات بتخلص الباقة بسرعة، لكن لو مكنتش بتعمل كده يبقي تكلم خدمة العملاء علي رقم 19777 وتعرف استهلاك الباقة بيخلص في ايه

      حذف
  56. السلام عليكم. لو سمحت انا مشترك على سرعة ٥ ميجا بس بتخلص يوم ١٠ كل شهر باستمرار . و لو عايز ازود باقة اضافيه لازم اشحن القيمه الاول بس و لا لازم اتصل بالخدمة علشان الباقه الاضافيه تشتغل. و ايه مميزات السرعات الجديدة على السرعات القديمه

    ردحذف
    الردود
    1. وعليكم السلام ورحمة الله وبركاته، بالنسبة لشحن الباقة الاضافية تقدر تشحنه من اي مكنة فوري وبعد ماتشحن حتتضاف الباقة الاضافية تلقائيا، ومش حتحاج تكلم خدمة العملاء، اما بالنسبة للسرعات الجديدة، في باقة سوبر سرعة 30 ميجا وبتدي ليك سعة شهرية 140 جيجا وبتدفع اشتراك 137 جنيه اشتراك

      حذف
  57. لو سمحت انا عايز اعر سرعه ال ٣٠ ميجا ال هيا بتدي ٢٥٠ جيجا ال هيا بتتدفع ليها ٢١٠ جنيه دول بي الضريبه ولا من غير الضريبه لوسمحت ارجو الرد
    سؤال تاني لو سمحت هيا حراره الخط الرضى طبعا بتندفع كل تأت شهور كام لو سمحت بضربه وشكرا

    ردحذف
    الردود
    1. بالنسبة للسعر المضاف غير شامل الضريبة وبعد الاضافة يبلغ 240 جنيه تقريبا، اما بخصوص فاتورة التليفون الارضي الي بتظهر علي علي موقع المصرية للاتصالات دي شاملة قيمة الضريبة.

      حذف
  58. السلام عليكم ممكن اعرف سعر الباقه الاضافيه ال هيا ٢٠ جيجا بل الضريبه كام لو سمحت

    ردحذف
    الردود
    1. وعليكم السلام، بالنسبة لسعر باقة 20 جيجا الاضافية بـ 34 جنيه بعد اضافة قيمة الضريبة

      حذف
  59. لو سمحت انا لو مدفعتش اشتراك النت لمدة شهر لاني مش هكون موجودة في البيت وطبعا هما بيقطعوا الخدمة ورجعت عشان ادفع الشهر اللي بعدة هل هدفع شهرين ولا شهر واحد

    ردحذف
    الردود
    1. لو كملت شهر عادي حتدفع الشهر الجديد بس، لكن لو عديت الشهرين الخدمة حتتلغي من خطك لذلك يفضل انك تكلم خدمة العملاء علي رقم 19777 وتقولهم عايز اوقف الخدمة لمدة شهر ولم ترجع تكلمهم تانى وتشغله عادي

      حذف
  60. لو سمحت عاوزه أعرف إزاي ارجع لباقه ٥ ميجا تاني لأن الشركة حولتني لسوبر والميجات بتخلص بسرعه جدا مع إني مش بعمل داونلود او بشغل فيديو بجودة عاليه ؟؟

    ردحذف
    الردود
    1. للآسف لو تم تحويلك الي نظام السوبر متقدرش ترجع لنظامك القديم مره تانيه، لكن لو لو انت الي محولتش للنظام الجديد والشركة هي الي حولتك ممكن تتواصل مع خدمة العملاء علي رقم 19777 وتوضح لهم المشكلة

      حذف
  61. مساء الخير يا فندم لو حبيت اعمل خط ارضي ورفض السنترال لاي سبب ما ينفع اخد راوتر وباقة عالية شهريا او اي حلول تانيه بخلاف الخط الارضي ارجو الرد

    ردحذف
    الردود
    1. مساء الخير استاذ خالد، مينفعش حضرتك تركب انترنت ADSL من غير الخط الارضي، ولكن ممكن تشترك في باقات النت الهوائي ودي بتشتغل من غير خط ارضي بس اسعارها غالية بالمقارنة بالنت الي الخط الارضي

      حذف
  62. مش فاهمه الباقات دى الحقيقه يعنى انا كنت مشتركه فتى اى داتا ال١جيجا ومغيرتش ل we بس لو عايزه اغير ايه البديل بتاعها تكون unlimited !؟

    ردحذف
    الردود
    1. اولا بالنسبة لشركة تي اي داتا هي نفسها شركة WE، ولو حضرتك عايزة تشتركي في الباقات الجديدة دي كلها بسعة شهرية محددة ومفيش من مفتوح

      حذف
  63. لو سمحت انا عايز اشترك في نظام غير محدوده هل متوافر ولا كله النظام الجديد بس

    ردحذف
    الردود
    1. باقات النت الغير محدودة كلها اتلغت، والمتاح حاليا السرعات المحدودة بسعة شهرية بداية من 140 جيجا والتى تبدأ من سرعة 30 ميجا

      حذف
  64. السلام عليكم
    دلوقتي اما اشترك للتليفون الأرضي وبعد ما أخلص ال 100 جيجا النت بيخلص ولا السرعه بس اللي بتقل ل 265 كيلو بايت
    وبجد هما 265 كيلو مش 30
    شكرا لرد حضرتك مقدما

    ردحذف
    الردود
    1. وعليكم السلام ورحمة الله وبركاته، بالنسبة للسرعات الجديدة سوبر 30 ميجا ايوه لم تخلص السعة المحددة النت مش بيفصل لكن بتنزل السرعة الي 256 كيلو

      حذف
  65. عايز أحول لسرعة ٣٠ ميجا تحميل ١٤٠ جيجا إللى ب١٢٠ جنيه لو سمحت

    ردحذف
    الردود
    1. التحويل لسرعات وي الجديدة بيكون من خلال الاتصال بخدمة العملاء علي رقم 19777 او من خلال الشات اون لاين او من خلال السنترال

      حذف
  66. لو سمحت انا عندى راوتر سرعته ٥ميجا بدفع ١٢٥ونص لاقيت نفسى متحولة الباقة ٣٠ميجا ١٣٧جنيه وسرعتها بطيئة وانا عاوزة احول لل ٥ميجا القديمةمش عاوزة العروض الجديدة اعمل ايه بالله عليكو عاوزة زى ما كنت

    ردحذف
    الردود
    1. لو تم تحويلك تلقائيا ممكن تكلمي خدمة العملاء علي رقم 19777 وتطلبي ترجعي لسرعتك القديمة مرة تاني

      حذف
  67. انا عايز اعرف العروض بالتفصيل وخصوصا الباقات المنزليه الجديدة

    ردحذف
    الردود
    1. هو خلال الفترة الحالية مفيش اي عروض من شركة we والمعلن عنها هو السرعات الجديدة والتى تبدأ من 30 ميجا وسعة شهرية 140 جيجا والاشتراك الشهري حوالي 137 جنيه

      حذف
  68. هل لابد من وجود تليفون أرضي
    وهل يمكن الإستفاده من هذه العروض بدون تليفون أرضي

    ردحذف
    الردود
    1. جميع الباقات والسرعات الموجودة في المقال تحتاج إلى خط ارضى، ولكن ممكن تشترك في النت الهوائي بس ده تكلفتو الشهرية بتكون أعلى بكتير من النت الارضى

      حذف
  69. لو سمحت دلوقتي انا مشترك في باقه 5ميجا و سعه 100جيجا وعايز انقل علي 30ميجا وسعه140جيجا
    اعمل اي؟؟؟

    ردحذف
    الردود
    1. لو عايز تحول للسرعات الجديدة بتكلم خدمة العملاء علي رقم 19777 او من خلال السنترال الي في منطقتك

      حذف
  70. مساء الخير انا بدفع 240جنيه فى الشهر والبافه خلصت قبل ما الشهر يخلص ايه الحل وايه هى الباقه الاضافيه وبتتحسب ازاى

    ردحذف
    الردود
    1. مساء الخير يا فندم، بالنسبة للباقات الاضافية في منها 3 باقات الاولي سعة 20 جيجا بسعر 30 جنيه والثانية 50 جيجا بسعر 60 جنيه والثالثة 100 جيجا وبسعر 100 جنيه بس ملحوظة بخصوص الاسعار غير شاملة قيمة الضريبة المضافة 14%، وبالنسبة لطرق شحنها بيتم من خلال اي منفذ فوري او من خلال السنترال وبعد الشحن بتتضاف لحضرتك عالطول وخلال نص ساعة بترجع السرعة الاصلية الي كان عليها خطك

      حذف
  71. انامشترك في سرعه 5ميجا تحميل 100جيجا وبعد مجددت الاشتراك الشركه دخلتيني في السرعات الجديده 140 جيجا مع نفسها
    بس انا عايز ارجع للاشتراك القديم 5 ميجا اعمل ايه يافندم

    ردحذف
    الردود
    1. المشكلة دي يافندم ناس كتير بتشتكي منها انها اتحولت تلقائيا، وللآسف كل الي اتحول للسرعات الجديدة ميقدرش يرجع تاني للسرعات القديمة، لكن ممكن حضرتك تعمل محولة وتكلم خدمة العملاء علي رقم 19777

      حذف
  72. لو سمحتم انا شحنت شهر ٧ والنت معظم الوقت فاصل
    رجعت شحنت شهر ٨ وبيفصل اكتر مابيشتغل اكيد انا بشحن عشان استفاد بالخدمة
    انا برجو التعويض عن هذا

    ردحذف
    الردود
    1. كان نفسي اساعد حضرتك بس حل مشكلتك مع خدمة العملاء وتقدر تكلمهم علي رقم 19777

      حذف
  73. ما هي امماتيازات الراوتر ما هي امتيازات الراوتر اللي ثمنه 200 جتيه

    ردحذف
    الردود
    1. رواتر VDSL الجديد من شركة وي مميزاته انه يعمل علي سرعات الانترنت فائقة السرعة والتى تبدأ من 30 ميجا وحتى 100 ميجا، لكن مع مراعاة اني السرعة ليست وحدها من الراوتر ولكن قدرة خطك الارضي هي الاهم ودي بتتوقف طبعا علي السنترال الي في منطقتك

      حذف
  74. انا قدمت علي خط أرضي وروتر فيه نفس الوقت تم تركيب الحرار بعد يومين لكن لحد الآن بقلي 4 ايام و لم استلم الرواتر

    ردحذف
    الردود
    1. لو جات لحضرتك رسالة علي الموبايل ببيانات خطك الاسم والباسورد يبقي كده خطك اتفعل وروح السنترال واطلب الراوتر، لكن لو موصلتش لحضرتك يبقي الخدمة لسه متفعلتش علي خطك، وممكن تكلم خدمة العملاء للتأكد علي رقم 19777

      حذف
  75. لو سمحت انا عندى خط ارضى وكنت عايز اشترك فى النت weوعايز اعرف هدفع كام فى الشهر وعايز الراوتر على طريق القسط اجمالى اللى هدفعوا فى الشهر كام نظام السوبر ٣٠و١٤٠

    ردحذف
    الردود
    1. لو حضرتك حتشترك في باقة السوبر في الحالة دي حتدفع ثمن اشتراك شهري 137 جنيه بالاضافة الي زيادة 5 جنيه ثمن ايجار الراوتر تضاف شهريا علي قيمة الاشتراك، وبكده حتدفع شهريا حوالي 142 جنيه تقريبا

      حذف
  76. لو سمحت انا قدمت على خط ارضى جديد وراوتر vdsl وباقة ١٤٠ جيجا... ودفعت ٤٨٥ وقالى هدفع ٥ جنيهات كل شهر.. هل انا كده دفعت تمن الراوتر وال٥ جنيهات هفضل ادفعها كام شهر... يعنى امتى الراوتر هيبقى بتاعى وشكرا

    ردحذف
    الردود
    1. بالنسبة للخمسة جنيه دي حتفضل بتدفعه عالطول طالما انت مشترك مع شركة وي لاني الشركة بتدي ليك الراوتر ايجار مقابل الخمسة جنيه الي بتتضاف علي قيمة اشتراكك

      حذف
  77. وما معنى ان ال٥ جنيه ايجار للراوتر... هما قالولى الراوتر بالتقسيط

    ردحذف
    الردود
    1. الراوتر يافندم مش تقسيط، حضرتك بتدفع 5 جنيه كل شهر بتتضاف علي فاتورة اشتراك النت دائما

      حذف
  78. انا يوم تجديد الباقه بتاع النت يوم 14 في الشهر وانا مشترك في باقه بتدفع فلوس 171 جنيه ورغم ذلك الباقه خلصت اليوم اعمل ايه لو سمحت وشكرا

    ردحذف
    الردود
    1. للآسف مفيش حل اقدر اقدمو لحضرتك غير انك تشحن باقة اضافية، ولكن استفساري لحضرتك هل كل شهر الباقة بتكمل معاك لنهاية الشهر ولا بتخلص عالطول كده

      حذف
  79. السلام عليكم
    انا لسه مغير الباقه من 30 - 5 ميجا وتحميل 100جيجا وبيقولي لما الباقه تخلص الباقه تخلص هترجع السرعه 1ميجا دا صحيح

    ردحذف
    الردود
    1. وعليكم السلام ورحمة الله وبركاته، بالنسبة لسرعة الباقة لم تخلص السعة المحددة، سرعة 30 ميجا بتنزل الي 256 كيلو، وسرعة 5 ميجا بتنزل الي 1 ميجا.

      حذف
  80. جاتلى رساله تم تحويلى على الباقات الجديده شهر يوليو واغسطس للتجربه..هل ده معناه انكم حولتوا الخط من غير ماطلب ولا هيرجع زى مكان.؟؟

    ردحذف
    الردود
    1. لو جات لحضرتك رسالة التحويل للباقات الجديدة، وللآسف طالما تم تحويلك مش حتقدر ترجع للباقات القديمة

      حذف
  81. لو انا ماجر بيت وعوزه ادخل مت للتليفون الارضي لازم البطاقه بتاعت صاحب البيت وله مش شرط ومعايا وصل كهرباء وغاز بس صاحب البيت مسافر ينفع اقدم وكم سعر الروتر الجديد

    ردحذف
    الردود
    1. مش شرط صاحب البيت، اهم حاجه يكون مع حضرتك عقد ايجار ووصل كهرباء، وبطاقة شخصية بتاعتك، وبالنسبة لسعر الراوتر 228 جنيه

      حذف
  82. لو سمحت عايز اعرف ازاى أقدم على الخط الارضى واشترك في النت التكلفه كام الراوتر وسعر الخط الارضى. جزاكم الله خيرا

    ردحذف
    الردود
    1. سعر الخط الارضى الجديد حوالي 150 جنيه، والمستندات المطلوبة هي بطاقة شخصية وعقد ملكية او ايجار للمنزل وايصال كهرباء ده بالنسبة للخط الارضي، اما بخصوص تكلفة الانترنت، حتدفع اشتراك شهر مقدم 137 جنيه في باقة السوبر بسرعة 30 ميجا وبتدي لحضرتك 140 جيجا شهريا تصفح وتحميل، اما بخصوص الراوتر لو عايز تدفع كاش سعرها 456 جنيه، وفي عرض جديد نزلتو شركة وي خاص بالراوتر انك تدفع 5 جنيه كل شهر تضاف علي قيمة اشتراك الشهر بس دي حتفضل تدفعها عالطول مش لفترة محددة

      حذف
  83. لوسمحت احنا روحنا السنترال لتقديم نت منزلي وكان خط التلفون مفصول اكتر من سنتين وهنرجع الخدمة خلاص علشان النت بس لما سالنا اسعار الراوتر قولولنا فالسنترال ان الراوتر مفهوش عروض واسعارهم 450 جنية 650 جنية وشايفة حضرتك بتقول فالتعلقيات ان في خصم فالراوتر 50٪ وسعرة 228 جنية طيب ليه فالسنترال بيقولنا كدا وحضرتك بتقول في خصم وهل لمانشتري الراوتر بالخصم ولا ايه ياريت تفدوني

    ردحذف
    الردود
    1. هو فعلا من بداية الشهر الحالي اتلغي الخصم 50%، والعرض المتاح حاليا هو انك بتاخد راوتر من السنترال مقابل دفع 5 جنيه في الشهر تضاف الي قيمة اشتراك الانترنت، اما سعر الكاش 400 جنيه غير شاملة قيمة الضريبة المضافة 14% والسعر بعد الضريبة حيكون 456 جنيه تقريبا.

      حذف
  84. انا مش عندي خط ارضي وعايزة اشترك في النت

    ردحذف
    الردود
    1. ممكن حضرتك تركبي نت بدون خط ارضى في شركة we، والخدمة دي هي النت الهوائي وبتشتغل الخدمة عندك عن طريق خط داتا زي بتاع الموبايل بس ده بيركب علي راوتر من الشركة بيدعم شبكات الجيل الرابع، بس المشكلة انى اسعار الاشتراك الشهري غالية بالمقارنة مع اسعار النت علي الخط الارضي

      حذف
  85. أنا ركبت خط ارضى وعايز اشترك فى النت عرض سرعة ٥٠ ميجا.. تحميل ١٠٠ جيجا.. أتواصل ازاى

    ردحذف
    الردود
    1. التقديم بيكون من خلال السنترال الي في منطقتك، وبالنسبة لسرعة 50 ميجا ممكن متكونش متاحة علي خطك وحتلاقي المتاح هو سرعة 30 ميجا

      حذف
  86. لو سمحت عايز اعرف هو فى باقات غير محدودة ولا لا لو فى ايه نظامها

    ردحذف
    الردود
    1. لا مفيش باقات غير محدودة حاليا كل الباقات محددة بسعة تصفح وتحميل

      حذف
  87. اريد معرفة البقاة 30جيجا الواتر مجانا

    ردحذف
    الردود
    1. لا يا فندم الراوتر المجاني اتلغي، دلوقتي متاح بسعر 456 جنيه كاش، وممكن حضرتك تشترك في العرض الجديد وتدفع 5 جنيه كل شهر تضاف علي قيمة اشتراك النت

      حذف
  88. السلام عليكم السرعه عندي ٥ ميجا سعه التحميل ١٠٠كنت عاوز ارفع سعه التحميل الي ٢٠٠ ممكن والسعر

    ردحذف
    الردود
    1. وعليكم السلام ورحمة الله وبركاته، لو عايز تغير سعة الباقة في الحالة دي لازم تحول للسرعات الجديدة الي هي 30 ميجا وفي باقة بتدي 250 جيجا في الشهر وسعرها 240 جنيه تقريبا

      حذف
  89. لو انا هاقدم جديد على راوتر والخط الارضي التكلفه الاجماليه كم

    ردحذف
    الردود
    1. تكلفة الخط الارضي الجديد 150 جنيه بالاضافة الي الدمغة و الضريبة المضافة 14%، وتكلفة خدمة الانترنت 137 جنيه شهريا وسعر الراوتر 400 جنيه لو حتجيب الراوتر كاش، لكن ممكن تشترك في عرض ايجار الراوتر بدل ما تدفع كاش وتدفع 5 جنيه كل شهر تضاف الي قيمة فاتورة اشتراك الانترنت، يعني ممكن تكون تكلفة التقديم الاجمالية في البداية 320 جنيه تقريبا والسعر ده شامل الضريبة ومن غير سعر الراوتر كاش

      حذف
  90. عايز اعرف سعر الجط الارضى والاشتراك السنوى استقبال بس مع الباقه 5 ميجا والتكاليف كلها كام علما بانى عندى رواتر

    ردحذف
    الردود
    1. الي اعرفو حضرتك سعر الخاص بالخط الارضي كل 3 شهور، وسعر الخط 150 جنيه ولا يشمل قيمة الضريبة المضافة والدمغة، والسرعات المتاحة حاليا بداية من 30 ميجا ودي اشتراكه بعد اضافة قيمة الضريبة 137 جنيه شهريا

      حذف
  91. السلام عليكم من فترة جبت جهاز واي فاي هواوى من we هل يمكن استبداله بي رواتر منwe سرعة 5ميجا

    ردحذف
    الردود
    1. وعليكم السلام ورحمة الله وبركاته، لا يا فندم مفيش استبدال اجهزة

      حذف
  92. باقتي انتهت قبل ميعاد التجديد بيومين، هل ينفع اني اجدد اشتراك الباقه مبكرا ولو هينفع تتجدد يبقي ممكن اعرف الطريقه من حضراتكم وشكرا

    ردحذف
    الردود
    1. للآسف استاذ حسام حتى لو جددت الباقة دلوقتي برضو حتستني لغاية ما يخلصو اليومين، الحل الوحيد هو شراء باقة اضافية

      حذف
  93. لو سمحت هو انا ازاى اتعاقد ع رقم ويتم تركيب الخط الارضى برقم اخر مع العلم انى ايضا متعاقد ع راوتر بنفس الرقم الذى بالتعاقد

    ردحذف
    الردود
    1. للآسف المشكلة دي بيكون حلها من خلال السنترال فقط، كان نفسي اساعدك بس بعتذر انى مش حقدر اساعد حضرتك

      حذف
  94. مافيش باقات بسعر أقل من ١٠٠ جنيه ؟

    ردحذف
    الردود
    1. لا يا فندم اقل اشتراك باقة نت ارضي هي بسعر 137 جنيه الى بتدي لحضرتك سرعة 30 ميجا وسعة تصفح وتحميل 140 جيج اشهريا

      حذف
  95. السلام عليكم
    ازاي احول من باقة ال 5ميجا ل باقة ال 25 اللي بتدي 50 جيجا

    ردحذف
    الردود
    1. وعليكم السلام ورحمة الله وبركاته، الباقات دي اتوقفت من فترة يا فندم، ولو عايز تحول علي سرعة اعلي، مفيش قدامك غير باقات وي سبيس الجديدة الي بتبدأ من سرعة 30 ميجا وسعة شهرية 140 جيجا وبأشتراك شهري 137 جنيه

      حذف
  96. ماطريقه الاشتراك للعملاء الجدد وهل ف عروض اما لا

    ردحذف
    الردود
    1. الاشتراك حضرتك بيكون من خلال اقرب سنترال بمنطقتك، وبيكون مع حضرتك بطاقة صاحب الخط الارضي بالاضافة الي سعر اشتراك الشهر مقدم لو حتشترك في سرعة 30 ميجا وسعة 140 جيجا شهريا بـ 137 جنيه، بالاضافة الي سعر الرواتر لو عايز تجيبو كاش بسعر 450 جنيه وفيه عرض عليه دلوقتي انك تدفع 5 جنيه قيمة ايجار راوتر كل شهر وتضاف الي قيمة الاشتراك الشهري لخدمة الانترنت

      حذف
  97. أنا مشترك في أتصالات علي الخط الأرضي بتاعي وعاوز أشترك في weبس طبعآ طلب الإلغاء بيبقي كلها تعقيد ممكن أطلب التهاقد والشركه تقوم بالغاء التعاقد من إتصالات ولا لازم العميل هو اللي يطلب إلغاء الأشتراك

    ردحذف
    الردود
    1. عادي يا فندم تقدر تقدم طلب في شركة اتصالات وهما ممكن يلغو لك اشتراك النت في شركة we بس الموضوع ده حياخد وقت شوية، ويفضل انى حضرتك تقدم طلب الغاء بنفسك

      حذف
  98. دفعت مبلغ 118 جنيه لباقة 120 جنيه ومش شغالة اعمل ايه عشان اضحح الخطأ فى الملغ المفروض ادفعه

    ردحذف
    الردود
    1. بسيطة يا فندم حضرتك دفعت المبلغ الاول من خلال فوري او امان صح، ولو كده بتروح تزود علي المبلغ ده 5 جنيه وحتضاف تلقائيا لرصيدك في شركة we وفي وقت التجديد حيتم خصمها

      حذف
  99. السلام عليكم ورحمة الله وبركاته
    ارجو تركيب خط أرضى فى إحدى قرى الساحل الشمالى وتوصيل خدمة الانترنت خلال شهور الصيف فقط كما هو معمول فى بعض قرى الساحل الشمالى
    علما بأن الخطوط الموجودة فى هذه القرية كلها خطوط أرضى هوائيه
    فهل يمكن توصيل الإنترنت على الخط الهوائي
    ولكم جزيل الشكر

    ردحذف
    الردود
    1. وعليكم السلام ورحمة الله وبركاته، لو حضرتك تقصد تركيب النت علي الخط الارضي دي ممكن تتواصل مع خدمة عملاء we، اما لو تقصد النت الهوائي الي بيشتغل من خلال خط داتا موبايل وعلي راوتر 4G فده مش بيحتاج خط ارضي

      حذف
  100. لو سمحت انا مقدمه على خط أرضى من اكتر من ٣شهور السنترال بيقول مفيش مكان فى الكبل وعلى العلم احنا اكتر من ٧مقدمين من شارع واحد ..ممكن الحل

    ردحذف

ملحوظة هامة بخصوص تحديث الاسعار داخل الموقع، نعتذر لحضراتكم لعدم تحديث أسعار بعض المنتجات منذ فترة ويرجع ذلك لعدم ثبات الأسعار خلال الفترة الحالية وتغييرها يوميا لذلك يصعب علينا تحديث الأسعار، لذلك اذا كان لديك عزيزي الزائر استفسار بخصوص سعر اي منتج في المقالات يمكنك كتابة تعليق أسفل المقال باسم المنتج الذي تود الاستفسار عن سعرها وسوف نقوم بالرد عليك بالسعر محدث في نفس اليوم.
3005728209569085694
https://www.prices2day.net/